Досуңардын кандай сапаттарга ээ болушун каалайт элеңер? Балким, берилген, боорукер жана берешен болушун кааламактырсыңар. Жахаба бул сапаттардын баарын чагылдырат (Чг 34:6; Элч 14:17). Ал силердин тиленүүлөрүңөрдү угат. Муктаж болгонуңарда ал дайыма жардамга келет (Зб 18:19, 35). Ал каталарыңарды кечирет (1Жн 1:9). Жахаба кандай гана сонун дос!

Канткенде Жахаба менен дос боло аласыңар? Анын Сөзүн окуп, ал тууралуу билгиле. Ага таянгыла (Зб 62:8; 142:2). Жахабанын Уулу, анын Падышалыгы жана келечекке байланыштуу убадалары сыяктуу ал үчүн маанилүү болгон нерселерди баалай турганыңарды көрсөткүлө. Ал тууралуу башкаларга айтып бергиле (Мз 32:3). Жахаба менен ынак мамиле өрчүтсөңөр, ал силер менен түбөлүккө дос болот (Зб 73:25, 26, 28).

«ЖАШТАР, ЖАХАБАНЫН „КАНЧАЛЫК ЖАКШЫ ЭКЕНИН“ ТАТЫП КӨРГҮЛӨ» ДЕГЕН ВИДЕОНУ КӨРҮП, БУЛ СУРООЛОРГО ЖООП БЕРГИЛЕ:

• Арналууга жана чөмүлүүгө кантип даярдана аласыңар?

• Жыйналыштагылар силерге Жахабага кызмат кылууга кантип жардам бере алышат?

• Кызматыңар Жахаба менен болгон мамилеңерди кандайча бекемдейт?

• Кызматтын кандай түрлөрүн аткара аласыңар?

• Жахабаны эмне үчүн жакшы көрөсүңөр?