Иса «Кудайдын Падышалыгы жөнүндөгү жакшы кабарды» жарлаган (Лк 4:43). Ошондой эле адамдарды ал Падышалык тууралуу тиленүүгө үйрөткөн (Мт 6:9, 10). Ноябрь айында Кудайдын Падышалыгы жөнүндө жарыялоого өзгөчө күч жумшайбыз (Мт 24:14). Бул өнөктүккө толугу менен катышуу үчүн күн тартибиңерди ылайыкташтыргыла. Бардык көмөкчү пионерлер ал айда 30 же 50 саат кабар айта алышат.

Аймагыңарда мүмкүн болушунча көп адамдарга Кудайдын Падышалыгы тууралуу аяттарды окуп бергиле. Аятты тандап жатканда, угуучуларыңардын туткан динин эске алгыла. Кимдир бирөө алгачкы жолугууда кызыгуу көрсөтсө, 2020-жылдын «Күзөт мунарасынын» жалпыга арналган чыгарылышынын № 2 санын бергиле. Анан ага мүмкүн болушунча эртерээк баргыла жана негизги окутуу куралдарындагы адабиятты колдонуп, ыйык китептик изилдөө баштоого аракет кылгыла. Жакында Кудайдын Падышалыгы ага каршы чыккан бардык өкмөттөрдү жок кылат (Дн 2:44; 1Кр 15:24, 25). Ошондуктан бул өзгөчө мүмкүнчүлүктү толугу менен колдонуп, Жахабага жана анын Падышалыгына болгон берилгендигибизди көрсөтөлү!