Чындыкка кызыккандар менен Ыйык Китепти изилдеш үчүн чыгарылган жаңы китепче менен китепти алганыбызга абдан сүйүнүп жатабыз! Биз Жахабадан дагы көбүрөөк шакирт даярдаганга батасын беришин сурап тиленебиз (Мт 28:18—20; 1Кр 3:6—9). Аларды кантип колдонсок болот?

«Түбөлүккө рахаттанып өмүр сүр!» деген адабияттарда окутуунун жаңы ыкмасы колдонулат. Андыктан изилдөөгө даярданып жатканда жана изилдөө учурунда төмөнкү кеңештерди колдонгула *:

• Материалды окуп, андан соң суроолорун талкуулагыла

• «Окугула» деп турган аяттарды окуп, изилдеп жаткан кишиге аны кантип колдонсо болорун түшүндүргүлө

• Видеолорду көрүп, аларга берилген суроолорду талкуулагыла

• Бир өткөндө бир бөлүмдү бүтүргөнгө аракет кылгыла

Адамдын кызыгып жатканын билиш үчүн адегенде китепчени сунуштагыла. (Кутучаны карагыла: «„ Түбөлүккө рахаттанып өмүр сүр!“ китепчесин алгачкы жолугууда сунуштоо», 16-б.) Кимдир бирөө менен китепчени изилдеп бүтсөңөр жана ал киши изилдөөнү андан ары улантууну кааласа, китепти сунуштагыла. Аны 4-бөлүмдөн баштагыла. Эгер буга чейин кимдир бирөө менен изилдөөгө арналган кайсы бир адабиятты изилдеп жүргөн болсоңор, «Түбөлүккө рахаттанып өмүр сүр!» китебине өткүлө. Аны кайсы бөлүмдөн баштаарыңарды өзүңөр чечесиңер.

«ЫЙЫК КИТЕПТИ ИЗИЛДӨӨГӨ КОШ КЕЛИҢИЗ!» ДЕГЕН ВИДЕОНУ КӨРҮП, БУЛ СУРООЛОРГО ЖООП БЕРГИЛЕ:

• Изилдеп жаткандар жаңы китептен эмнелерди биле алышат?

• Эмне үчүн бул видеону жаңы изилдей баштагандарга көрсөткөнүңөр жакшы?

• Изилдеп жаткандарды аз-аздан кандай максаттарды койгонго үндөшүңөр керек? (« Ар бир бөлүктөгү негизги ойлор жана максаттар» деген кутучаны карагыла.)