Жахаба биз үчүн эмне жакшы экенин билеби? Албетте! Ушуга ишенип, ал айткандай кылсак, акылдуулук кылган болобуз (Нкл 16:3, 9). Бирок кээде биздин оюбуз аныкына төп келбей калышы мүмкүн. Ошондо ага канчалык ишенерибиз сыналат. Эгер Жахаба жараткан нерселер жөнүндө ой жүгүртсөк, анын акылмандыгына ого бетер ынанып, ишенимибиз чыңдалат (Нкл 30:24, 25; Рм 1:20).

«ӨЗҮ ЖАРАЛГАНБЫ? КУМУРСКАЛАР „ЖОЛ ТЫГЫНЫНАН“ КАНТИП КАЧЫШАТ?» ДЕГЕН ВИДЕОНУ КӨРҮП, БУЛ СУРООЛОРГО ЖООП БЕРГИЛЕ:

• Кумурскалардын көпчүлүгү күнүгө эмне кылат?

• Алар эмне үчүн «жол тыгынына» кабылышпайт?

• Адамдар алардан эмнени үйрөнсө болот?

«ӨЗҮ ЖАРАЛГАНБЫ? ТҮКТҮҮ ААРЫНЫН УЧУУ ЖӨНДӨМҮ» ДЕГЕН ВИДЕОНУ КӨРҮП, БУЛ СУРООЛОРГО ЖООП БЕРГИЛЕ:

• Чакан учакты башкарыш эмне үчүн кыйын?

• Түктүү аары эмне үчүн тең салмактуулугун жоготпойт?

• Түктүү аарынын мындай тубаса жөндөмүн изилдөө адамдарга кандай пайдасын тийгизиши мүмкүн?

Силер жашаган жердеги Жахаба жараткан нерселер анын акылмандыгын кантип айгинелеп турат?