Жахабанын Күбөлөрүнүн баары, негизинен эле, кайсы гана жерде жашабасын, миссионердик маанайды чагылдырууга аракет кылышат, башкача айтканда, дайыма башкаларга өздөрү Ыйык Китептен окуп-билген жана ишенген нерселерин айтып берүүгө умтулушат (Матай 28:19, 20).

 Андан тышкары, Жахабанын Күбөлөрүнүн кээ бирлери өздөрүнүн эле өлкөсүнүн Ыйык Китептеги жакшы кабар таратыла элек жерлерине атайын барып, ал жактагыларга Кудайды таанып-билүүгө жардам беришет. Айрымдары болсо ошол эле максатта чет өлкөгө көчүп барышат. Иса пайгамбардын: «Жердин учу-кыйырына чейин менин күбөлөрүм болосуңар»,— деп алдын ала айтканы алардын жашоосунда аткарылып жатканы аларга чоң кубаныч тартуулайт (Элчилер 1:8).

 1943-жылы Жахабанын Күбөлөрүнүн миссионерлери билим ала алышы үчүн атайын мектеп ачылган. Ошондон тартып Ыйык китептик Гилат мектеби деп аталган ал мектептен 8 000ден ашуун Жахабанын Күбөсү билим алды.