Он жылга жетпеген убакыттын ичинде Чилини экинчи жолу өрт каптады. Бийликтегилердин билдирүүсүнө ылайык, 2023-жылдын февралынын башынан тартып 300дөн ашуун өрттүн очогу аныкталган. Ар бир беш өрттүн бири дагы деле өчпөй жатат. Араукания, Био-Био жана Ньюбле облустарынын борбордук аймактарындагы 430 000ден ашуун гектар жерди өрт жалмап кетти. Өлкөдөгү чоң-чоң жолдор, ооруканалар сыяктуу маанилүү жерлердин зыянга учураганы айкын болду. Бери дегенде, 6 000 киши жабыр тартып, 1 500дөн ашуун үй күйүп кетти. Ушул күнгө чейин 25 киши өмүрүнөн айрылды.

• Бир да ишенимдешибиз каза болгон жок

• 222 жарчы башка жакка көчкөнгө аргасыз болду; 76 жарчы дагы деле үйлөрүнө кайтып бара элек

• 18 үй өрттөнүп кетти

• Падышалык залдарыбыздын бири да зыянга учураган жок

• Жергиликтүү аксакалдар менен райондук көзөмөлчүлөр өрттөн жапа чеккендерди сооротуп-жубатып, рухий жактан колдоп жатышат

• Кырсык болгондо жардам берүү комитети уюшулду

Жахабанын ушул сыяктуу оор «кыйынчылыкка кабылган» кызматчыларын сооротуп, алардын жанында болорунан шектенбейбиз (2 Корунттуктар 1:4).