2018-ЖЫЛ, 6-НОЯБРЬ
АРГЕНТИНА
2018-жылы Аргентинада Жаштардын жайкы олимпиадалык оюндары учурунда эл көп жерде күбөлөндүрүү өнөктүгү өткөрүлдү
2018-жылы Аргентинанын борбор калаасы Буэнос-Айрес шаарында өткөрүлгөн Жаштардын жайкы олимпиадалык оюндары учурунда бир туугандарыбыз 6—18-октябрда эл көп жерде күбөлөндүрүү өнөктүгүн уюштурушту.
Адабият текчесинин жанында Сент-Китстен жана Невистен келген спортчулар турушат. Өнөктүк учурунда күн сайын жүздөгөн адабияттар таратылды
15—18-жаштагы жаштар арасында өткөрүлгөн, дүйнө жүзүндөгү эң чоң мультиспорттук таймаш деп эсептелген Жаштардын олимпиадалык оюндарына 206 өлкөдөн 4 000 спортчу келди. Жахабанын Күбөлөрү уюштурган өнөктүккө 6 400дөн ашуун жарчы катышты. Мунун аркасында ар кайсы өлкөлөрдөн болгон спортчуларга Ыйык Китептеги жакшы кабарды угууга шарт түзүлдү. Ишенимдештерибиз жүздөй жерге 390 сүйрөмө текче коюшту.
Бул жаштар арасында өткөрүлгөн таймаш болгондуктан, сүйрөмө текчелерге «Жаштардын суроолору. Пайдалуу кеңештер» деген эки томдуу китептер жана «Жаштардын 10 суроосуна жооп» деген китепче коюлду. Адабияттар көптөгөн тилдерде, анын ичинде араб, кытай, англис, француз, немис, корей, португал, орус, испан тилдеринде жана аргентина жаңдоо тилинде болгон. Өнөктүк учурунда күн сайын орто эсеп менен 790 адабият таратылды.
Өнөктүккө катышкан бир туугандар жаштарга да, чоңдорго да Ыйык Китепте жазылган кабарды таратып, зор кубаныч алышты (Забур 110:3).
Сизге булар да кызыктуу болушу мүмкүн
ЖАҢЫЛЫКТАР
2018-жылкы Олимпиадалык жана Паралимпиадалык оюндар учурунда Жахабанын Күбөлөрү Ыйык Китепке негизделген адабияттарын сунушташты
Кореядагы Жахабанын Күбөлөрү атайын өнөктүк уюштурушуп, 2018-жылкы Олимпиадалык жана Паралимпиадалык кышкы оюндарга ар кайсы өлкөдөн келген конокторго Ыйык Китепке негизделген адабияттарын бекер сунушташты.
КАБАР АЙТУУ ИШИБИЗ
Германиядагы көчмө текчелер «өргүүгө кетишти»
Жахабанын Күбөлөрү адабият текчелерин Берлинге, Кёльнга, Гамбургга, Мюнхенге жана эл эс алганы көп барган башка жерлерге коюшкан. Мунун натыйжасы кандай болгон?
КООМГО КӨРСӨТКӨН ЖАРДАМЫБЫЗ
«Тур де Франс» учурунда жубатарлык кабар жарыяланды
Жахабанын Күбөлөрү «Тур де Франстын» этаптары башталган жерлерге адабият текчелерин коюп, жубатарлык, үмүт берерлик кабарды жарыялашты.