2019-жылдын 25-январында, жума күнү, Бразилиянын Минас-Жерайс штатындагы Брумадинью шаарында тоо-кен жайынын дамбасы жарылып, жер көчкү болду. Ал кырсык, бери дегенде, 150 кишинин өмүрүн алып кетти. 182 киши дагы деле дайынсыз.

Брумадинью шаарындагы эки жыйналышта 180дей Жахабанын Күбөсү бар. Алардын көбү тоо-кен компаниясында иштейт. Дамба жарылганда, 10 ага-инибиз жумушта болчу. Алардын тогузу аман-эсен экени такталды. Тилекке каршы, бир бир тууганыбыз табыла элек. Ал жыйналышта аксакал болуп кызмат кылчу. Андан тышкары, Жахабанын Күбөсү болгон, бери дегенде, беш үй-бүлө башка жакка көчүрүлгөн жана бир үй толугу менен талкаланып калган.

Бразилиядагы филиалдын комитетинин бир мүчөсү жана ошол аймактагы райондук көзөмөлчүлөр зыян тарткан бир туугандарга Ыйык Китептеги аяттарды окуп берип, сооротуп-жубатууда жана керектүү жардам көрсөтүүдө. Ушул кырсыктан жапа чеккен бир туугандарыбызга күч-кайрат берип, колдоп турушун сурап Жахаба Кудайыбыздан тиленип турабыз (Римдиктер 15:5).