2023-жылдын 1-мартынан 4-мартына чейин Вануатуда 4-категориядагы эки тропикалык шамал катталды. «Жуди» деп аталган биринчи шамал салыштырмалуу азыраак зыян алып келди. Андан кийин «Кевин» деп аталган шамал башталып, ошол эле аймактарды жабыркатты. Ушул экинчи шамал өлкөнүн түштүк тарабындагы көптөгөн аралдарга, анын ичинде Эфате деген негизги аралга бүлгүн салып, чоң зыянга учуратты.

• Ишенимдештерибизден эч ким каза болгон жок

• 3 үй талкаланды

• 30 үй бир аз зыян тартты

• 2 Падышалык залы зыянга учурады

• Райондук көзөмөлчүлөр менен жергиликтүү аксакалдар жабыр тарткандарды сооротуп-жубатып, зарыл жардам көрсөтүп жатышат

• Жапа чеккендерге колдоо көрсөткөнгө Кырсык болгондо жардам берүү боюнча бир комитет түзүлдү

Санаасы санга бөлүнүп турган Вануатудагы ишенимдештерибизди Жахаба калтырбайт деп бекем ишенебиз. Ал мындан ары да аларды сооротуп, тынчтык бере берет (Забур 94:19).