2020-жылдын 21-июнунда, жекшемби күнү, видео байланыш аркылуу өткөрүлгөн атайын жолугушууда «Жаңы дүйнө котормосунун» кайра каралган басылышы грузин тилинде чыкканы жарыяланды. Бул тууралуу Жетектөөчү Кеңештин мүчөсү Жеффри Жэксон алдын ала жаздырылган баяндамасында кулактандырды. Программаны уккандардын жалпы саны 19 521ге жетти. Кайра каралган басылыштын электрондук түрү jw.org сайтына дароо коюлду.

Ыйык Китептин кайра каралган басылышы грузин тилине төрт жылдын ичинде которулду. Бул ишке катышкан бир ишенимдешибиз: «Котормодо жөнөкөй тил колдонулгандыктан аны ар кайсы курактагы адамдар оңой түшүнө алат. Ошон үчүн үй-бүлөлөр аны жата калып окушат деп ойлойм»,— деди.

Дагы бир котормочу: «Окурмандар кат-сабатына карабай ойлорду оңой түшүнө алгыдай болсун деген максат менен иштедик»,— деген.

Ыйык Китептин айкын-так бул котормосун окугандар Жахабанын ушундай жол менен көрсөткөн сүйүүсүнө чексиз ыраазы болоруна толук ишенебиз (Жакып 1:17).