2021-жылдын 27-июнунда Ыйык Китептин «Жаңы дүйнө котормосу» тамил тилинин латын арибинде жарык көрдү. Программа 16 өлкөдө жашап, тамил тилинде сүйлөгөн ишенимдештерибизге көрсөтүлдү.

• Тамил тилинде дүйнө жүзү боюнча болжол менен 85 миллион киши сүйлөйт

• Бул тилдеги 334 жыйналыш менен 32 топто 20 500дөн ашык жарчы кызмат кылат

• Бул долбоорду ишке ашырыш үчүн 5 котормочу 6 ай эмгектенди

Тамил арибинде «Жаңы дүйнө котормосу» 2016-жылдын сентябрь айында чыккан. Дүйнө жүзү боюнча тамил тилинде сүйлөгөн боордошторубуз үчүн бул чоң бата болгон. Бирок алардын айрымдары тамил арибин окугандан кыйналгандыктан латын арибинде окуганды жакшы көрүшчү.

Бир котормочу өздүк изилдөөсү жөнүндө кеп кылып мындай деген: «Тамил арибин окуй албай кыйналчумун. Ошондуктан Ыйык Китепти изилдегенде англис тилиндеги котормого көп кайрылчумун. Эми жаңы котормо мага чоң жардам болот деп турам».

Ыйык Китептин бул жаңы котормосу көптөгөн бир туугандарыбызга Кудайдын Сөзүн «ой жүгүртүп окуп», рахат алганга жана жашоосу менен кызматта колдонуп кубанганга чоң жардам болорунан шектенбейбиз (Жашыя 1:8).