2019-жылдын 30-августунда Кениянын Кисуму шаарында болуп өткөн региондук жыйында Жахабанын Күбөлөрү Ыйык Китептин «Жаңы дүйнө котормосунун» луо тилинде чыкканын кулактандырышты. Ыйык Китептин жарык көргөнүн Кениядагы филиалдын комитетинин мүчөсү Реми Прингл бир тууган жыйындын биринчи күнү кулактандырды. Жыйындын программасын дагы эки башка жерде трансляция аркылуу уккандарды кошкондо жыйынга жалпысынан 2 481 киши катышты.

Ыйык Китепти толугу менен которууга үч жылдай убакыт кеткен. Которууга катышкан бир туугандардын бири мындай деген: «„Жаңы дүйнө котормосунун“ луо тилинде жарык көрүшүн көптөн бери күтүп жүргөн бир туугандарга бул зор кубаныч тартуулаары шексиз. Жыйналыштагы көптөгөн үй-бүлөлөр үйүндөгүлөрүнүн ар бирине Ыйык Китеп алып бере албайт. Ошондуктан алардын ар биринин „Жаңы дүйнө котормосуна“ ээ болгону зор бата болду. Мындан тышкары, бул котормо азыркы эл сүйлөгөн тилде которулгандыктан, бир туугандар аны өздүк жана үй-бүлөлүк изилдөөсүндө колдонуунун аркасында ишенимин ого бетер бекемдей алат».

«Жаңы дүйнө котормосу» толугу менен же жарым-жартылай которулган тилдердин саны 184кө, анын ичинде 2013-жылдагы кайра каралган басылышы толугу менен которулган тилдердин саны 25ке жетти. Биз бул котормонун Кениянын филиалынын аймагындагы 1 800дөй жарчыга Жахабага дагы да жакындай берүүгө жардам береринен такыр шектенбейбиз. Ошондой эле «Жаңы дүйнө котормосу» бир туугандарга беш миллиондой киши сүйлөгөн луо тилинде жакшы кабарды жеткирүүгө жардам берет деп ишенебиз (Матай 24:14).