2021-жылдын 30-майында Грек Жазмаларынын «Жаңы дүйнө котормосу» алур тилинде жарык көрдү. Анын электрондук форматта чыкканын Конго Демократиялык Республикасындагы (Киншаса) филиалдын комитетинин мүчөсү Хагиес Кабитсва алдын ала жаздырылган программа учурунда кулактандырды.

• Алур тилинде Борбордук Африкада жашагандар, өзгөчө, Конго Демократиялык Республикасынын түндүк-чыгышында жана Угандага чектеш аймакта жашагандар сүйлөшөт

• Эсептөөлөргө ылайык, бул тилде 1 735 000 киши сүйлөйт

• Алур тилиндеги 48 жыйналышта жана топтордо 1 500дөн ашуун жарчы кызмат кылат

• 6 котормочу бул долбоордун үстүнөн 12 ай бою эмгектенишкен

Конгодогу (Киншаса) филиалдын комитети Кристиан Белотти мындай деп ой бөлүшкөн: «Алур тилинде сүйлөгөн жарчылар бул котормону окугандан ырахат алат болуш керек. Башкаларга да аяттарды жакшыраак түшүндүрүп берип, Кудайдын Сөзүн көбүрөөк баалаганга жардам бере алышат деп ишенем» (Лука 24:32).

Бул Ыйык Китеп ишенимдештерибизге «түбөлүк жакшы кабарды» мындан ары да ынталуу жарыялай бергенге көмөк кыларынан шектенбейбиз (Аян 14:6).