2018-жылдын 23-июлунда тутанган от Калифорния штатындагы Реддинг шаарына жакын жерге чейин каптап келди. Жалындаган от жайылып отуруп, 8 кишинин өмүрүн кыйды. Ошондой эле 45 миң гектардай жерди жалмап, 1 300дөн ашуун имаратты өрттөп кетти.

Берилген отчётко ылайык, кырсык болгон аймакта жашаган жарчылардын эч кимиси оор жаракат алган жок. Болгону, бульдозер айдап, өрт өчүргүчтөргө жардам берип жаткан бир бир тууган өрттөн жаракат алды. Бактыга жараша, өмүрүнө коркунуч туулганчалык деңгээлде жабыркаган жок. Андан сырткары, 454 бир тууган башка жакка көчүрүлдү. Учурда алар туугандарыныкында же башка жарчылардын үйүндө убактылуу баш калкалап жатышат. Жахабанын Күбөлөрүнүн 12 үйү өрттөнүп кеткен.

Жарчылардын баары аман-эсен экени такталды. Райондук көзөмөлчүлөр менен жергиликтүү аксакалдар ушул оор учурда бир туугандарга рухий жактан да, материалдык жактан да кам көрүш үчүн кызматташууда (Накыл сөздөр 17:17).