2018-жылдын 30-ноябрында Алясканын Анкориж шаарына жакын жерде кубаттуулугу 7,0 баллга жеткен жер титирөө болду. Жер титирөөдөн каза тапкандар болбосо да, жалпыга маалымдоо каражаттары билдиргендей, жолдорго чоң жарака түшүп, бир топ жери талкаланды.

Кошмо Штаттардагы филиал маалымдагандай, жер титирөөдөн 7 жарчы анча оор эмес жаракат алган. 2 Падышалык залы жана бир туугандардын 16 үйү зыянга учураган. Райондук көзөмөлчүлөрдүн жетекчилиги алдында жыйналыштар муктаж болгондорду тамак-аш, кийим-кече, суу жана баш калкалоочу жай менен камсыз кылып жатышат. Андан сырткары, жергиликтүү аксакалдар жабыр тарткандарды сооротуп-жубатууда.

Биз жер титирөөдөн улам зыянга учураган бир туугандарыбыз үчүн тиленип турабыз. Жахабанын ага дайыма таянгандарга күч берип, чеп болуп берерине бекем ишенебиз (Забур 28:8, 9).