2022-жылдын 10-октябрында Хабаровск крайынын Солнечный райондук соту Борис Яговитовду айыптуу деп таап, 5 жылга шарттуу соттоду. Борис бир тууганыбыз тергөө камак жайында 5 айдан бери отурган. Соттун чечими чыкканда, ал дароо бошотулду. Азырынча ал түрмөгө камалбайт.

1. 2021-жыл, 14-декабрь

   Тергөөчүлөр Борис менен Ыйык Китепке кызыгымыш болуп жүргөн жашыруун полиция кызматкеринин сүйлөшкөн аудио жаздырууларын текшерип чыгышкан

2. 2021-жыл, 14-май

   Бориске каршы кылмыш иши козголгон. Экстремисттик уюмдун жолугушууларына катышып, жаңыларды да тартууда деген айып коюлган

3. 2021-жыл, 5-июнь

   Үйүн тинтип, Наталья экөөнү суракка алышкан. Андан кийин Борис убактылуу кармоочу жайга жөнөтүлгөн

4. 2021-жыл, 7-июнь

   Убактылуу кармоочу жайдан бошотулуп, үй камагына алынган

5. 2021-жыл, 29-декабрь

   Сот отуруму башталган. Сот учурунда айыптоочу Бористи үй камагынын шарттарын бузду деп айыптап, аны тергөө камак жайына камоону талап кылган. Бийликтегилер аны тергөө камак жайына жөнөтүшкөн

6. 2022-жыл, 24-февраль

   Тергөөчүлөр айрым эрежелерди бузгандыктан, иш кайра айыптоочуга кайтарылган. Бирок Борис тергөө камак жайынан бошотулган эмес

7. 2022-жыл, 9-июнь

   Сот отуруму улантылган

Борис менен Наталья акылын адил жана мактоого татыктуу нерселерге толтуруп, эң сонун үлгү көрсөтүп жатышат. «Тынчтыктын Кудайы» мындан ары да алар менен болоруна толук ишенебиз (Филипиликтер 4:8, 9).