24-НОЯБРЬ, 2022 | ЖАҢЫРТЫЛДЫ: 21-АВГУСТ, 2023
ОРУСИЯ
ЖАҢЫРТЫЛГАН МААЛЫМАТ: ИШЕНИМДЕШИБИЗ ТҮРМӨГӨ КЕСИЛДИ | Куугунтукка карабай жигердүү кызмат кылганга бел байлаган ишенимдешибиз
2023-жылдын 18-августунда Алтай аймактык соту Павел Казадаевге чыгарылган өкүмдү өзгөртүп, үч жылга эркинен ажыратты. Ал буга чейин шарттуу соттолгон болчу. Аны сот залынан дароо түрмөгө алып кетишти.
2023-жылдын 29-майында Алтай аймагындагы Барнаул шаарынын Индустриалдык райондук соту Павел Казадаевди айыптуу деп таап, аны 3 жылга шарттуу соттоду. Ал азырынча камакка алынбайт.
Жеке маалымат
Оор кыйынчылыктарга карабай Жахабанын элинин кубанып, кызматын жигердүү аткарып жатканын көрүү ишенимибизди бекемдейт (Матай 5:11).
Жагдайдын өрчүшү
11-май, 2021
Кылмыш иши козголгон
27-май, 2021
«Армагедон» деп аталган атайын операциянын жүрүшүндө коопсуздук кызматынын кызматкерлери Новокузнецк шаарындагы Павелдин жана башка жакта жашаган туугандарынын үйлөрүн тинтишкен. Павел менен анын жубайын суракка алыш үчүн үйүнөн 350 километр алыс жайгашкан Барнаул шаарына алып кетишкен. Экстремисттик деп табылган уюмдун иштерине катышканы үчүн Павелге каршы кылмыш иши козголуп, убактылуу камак жайына камалган.
28-май, 2021
Убактылуу камак жайынан бошотулган, бирок ага өзү жашаган жерден башка жакка чыгууга чектөө коюлган
12-август, 2022
Сот иши башталган
Сизге булар да кызыктуу болушу мүмкүн
ЖАҢЫЛЫКТАР
Ишеними үчүн түрмөдө отургандар. Орусия
Орусиядагы Жахабанын Күбөлөрү ишеними үчүн камалып жатышат. Алар жөнүндө көбүрөөк билиш үчүн учурда түрмөдө отурган Жахабанын Күбөлөрүнүн кагаз түрүндөгү тизмесин карагыла.