20-МАЙ, 2022 | ЖАҢЫРТЫЛДЫ: 17-ОКТЯБРЬ, 2023
ОРУСИЯ
ЖАҢЫРТЫЛГАН МААЛЫМАТ. ТҮРМӨГӨ КЕСИЛИП КЕТИШТИ | Жахабанын жардамы менен куугунтукка туруштук берип жаткан ишенимдештерибиз
2023-жылдын 13-октябрында Орёл шаарынын Советский райондук соту Владимир Мельниктин, Владимир Пискарёвдун жана Артур Путинцевдин ишине байланыштуу чечимин жарыялады. Ал үчөө тең 6 жылга эркинен ажыратылды. Алар 2020-жылдын декабрь айынан бери камакта отурушкан. Эми мөөнөтү аяктаганча отурушат.
Жагдайдын өрчүшү
2020-жыл, 8-декабрь
Владимир Мельникке, Владимир Пискарёвго жана Артур Путинцевге каршы кылмыш иши козголгон
2020-жыл, 9-декабрь
Бийликтегилер Орёл шаарындагы Жахабанын Күбөсү болгон сегиз үй-бүлөнүн, анын ичинде ушул үч ишенимдешибиздин, үйүн тинтишкен. Алар убактылуу тергөө камак жайына жөнөтүлгөн
2020-жыл, 11-декабрь
Владимир Мельник менен Владимир Пискарёв тергөө камак жайына камалган
2020-жыл, 14-декабрь
Артур Путинцев тергөө камак жайына камалган
2021-жыл, 19-январь
Бийликтегилерге Владимир Пискарёвдун ден соолугуна байланыштуу олуттуу көйгөйлөр бар экенин билдиришсе да, алар медициналык жардам көрсөтүүдөн жана дары-дармек берүүдөн баш тартышкан
2021-жыл, 21-январь
Владимир Пискарёвго жубайы алып келген дары-дармекти алууга уруксат беришкен, бирок дагы деле эч кандай медициналык жардам көрсөтүшкөн эмес
2021-жыл, 24-июнь
Владимир Пискарёв ооруканада текшерилип, инсульт болгону аныкталган. Оор акыбалына карабай аны кайра тергөө камак жайына жиберишкен
2021-жыл, 29-октябрь
Үч ишенимдешибиз тең экстремисттик уюмдун иш-чараларын уюштуруп жатат деп айыпталган
2022-жыл, 31-январь
Сот отуруму башталган
Жеке маалымат
Бул ишенимдештерибизди үй-бүлөлөрүнөн убактылуу ажыратып салышса да, Жахабанын сүйүүсүнөн, колдоосунан эч ким ажырата албайт (Римдиктер 8:38, 39).
Сизге булар да кызыктуу болушу мүмкүн
ЖАҢЫЛЫКТАР
Ишеними үчүн түрмөдө отургандар. Орусия
Орусиядагы Жахабанын Күбөлөрү ишеними үчүн камалып жатышат. Алар жөнүндө көбүрөөк билиш үчүн учурда түрмөдө отурган Жахабанын Күбөлөрүнүн кагаз түрүндөгү тизмесин карагыла.