2017-ЖЫЛ, 8-ИЮНЬ
ОРУСИЯ
Президент Владимир Путин жакшы ата-эне болгон Жахабанын Күбөлөрүнө сыйлык ыйгарды
НЬЮ-ЙОРК. 2017-жылдын 31-майында Орусиянын президенти Владимир Путин Москва шаарындагы Кремлде өткөн аземде 8 баланы чоңойтуп жаткан Валерий менен Татяна Новиктерге «Ата-эненин даңкы» сыйлыгын ыйгарды. Карелияда жашаган Валерий менен Татяна Новиктер — Жахабанын Күбөсү.
Сыйлык ыйгаруу аземи Эл аралык балдар күнүнө бир күн калганда Кремлде өткөн.
«Ата-эненин даңкы» сыйлыгы президенттин буйругу менен 2008-жылдын май айында негизделген. Орусия өкмөтү бул сыйлыкты кеминде 7 баласы бар жана балдарынын ден соолугуна, психикалык саламаттыгына, билим алышына, адеп-ахлактуу болушуна кам көргөн ата-энелерге берет. Мындай сыйлык алган үй-бүлө коомдун бекем болушуна салым кошкон үлгүлүү үй-бүлө деп эсептелет.
Президент Владимир Путинден «Ата-эненин даңкы» сыйлыгын алып жаткан Валерий Новик.
Жахабанын Күбөлөрүнүн бүткүл дүйнөлүк башкы башкармалыгынын өкүлү Давид Симонян мындай дейт: «Биз бул сыйлыкты Жахабанын Күбөлөрүнүн дүйнө жүзү боюнча жүргүзүп жаткан Ыйык Китепке негизделген акысыз билим берүү ишинин Орусиядагы эле эмес, бүт дүйнө жүзүндөгү ата-энелерге жана балдарга коомго пайда алып келген инсандардан болууга жардам берип жатканынын далили деп эсептейбиз. Орусиянын Жогорку Соту Орусиядагы Жахабанын Күбөлөрүнүн административдик борборунун жоюлганына байланыштуу чечимди 2017-жылдын 17-июлунда кайра карап жатканда Орусиянын президенти Владимир Путин өзү ыйгарган бул сыйлык да эске алынат деп үмүттөнөбүз».
Байланышуу:
Давид Симонян, Жалпыга маалымдоо бюросу, тел: +1-845-524-3000
Сизге булар да кызыктуу болушу мүмкүн
ЖАҢЫЛЫКТАР
Таиланд өкмөтү коомду өнүктүрүү үчүн Жахабанын Күбөлөрүнүн адабияттарын колдонууда
Таиланд өкмөтү коомдук көйгөйлөрдү чечүүдө 3 жылдан бери Жахабанын Күбөлөрүнүн Ыйык Китепке негизделген адабияттарын колдонуп жатат.
КӨПТӨРДҮ КЫЗЫКТЫРГАН СУРООЛОР
Жахабанын Күбөлөрү үй-бүлөлөрдү бузабы же чыңдайбы?
Жахабанын Күбөлөрүн үй-бүлөлөрдү бузат деп айыпташат. Бирок чынында кандай?