2022-жылы 15—31-декабрда Жахабанын Күбөлөрү Сенегалда жыл сайын өткөрүлчү Дакар эл аралык жарманкесине биринчи жолу катышышты. Ал жарманкенин өткөрүлүп жатканына быйыл 30 жылдын жүзү болду. Жарманкеде колго жасалган буюм-тайымдар коюлду. Ошондой эле жалпыга көрсөтүлчү кызматтар жана маданият жаатындагы кызматтар сунушталды. Жарманкеге Африканын ар кайсы жерлеринен, ошондой эле төгөрөктүн төрт бурчунан жүз миңдеген адамдар барат.

Ал жактагы ишенимдештерибиз атайын чатыр тигип, jw.org сайтына чыккан материалдар менен бирге үй-бүлөгө арналган адабияттарды көрсөтүштү. Ошондой эле кызыккандарга «Жахаба Кудай менен дос бол» деген сериядагы мильтфильмдерди жана «Жаштардын ою» деген рубрикага чыккан видеолорду коюп беришти.

Чатырга келген адамдардын кээ бирлери буга чейин биздин сайтыбыз жөнүндө угушпаптыр. Алар ошол жерден эле телефонун ачып, сайтка кирип көрүштү. Сайтыбызда 1000ден ашуун тилде, анын ичинде жергиликтүү тилде да ар кандай материалдар бар экенин билип аябай таасирленишти. Ошентип, кызыккандарга 3 000ден ашык адабият таратылды.

Алыстан келген коноктордун бири: «Жарманкеден баарынан да силердин чатырга келип силер менен сүйлөшкөн жакты»,— деген. Дагы бирөө: «Эгер эң жакшы көргөзмө үчүн байге берилсе, силер сөзсүз утмаксыңар»,— деп айткан.

Жарманкеде чатырдын тигилишин уюштурган Мартин Лауд деген ишенимдешибиз: «Дүйнөнүн булуң-бурчунан келген ушунча көп конокторду көрүп, төбөбүз көккө жете сүйүнүп жаттык. Алардын көбү Ыйык Китепке негизделген материалдарды акысыз сунуштап жатканыбызга чын жүрөгүнөн ыраазычылык билдиришти»,— деп ой бөлүштү.

Ушул жарманкеге катышып, сонун жетишкендиктер болгонуна аябай сүйүнүп жатабыз. Бул Жахабанын элинин анын Сөзүндөгү акылмандыкты баарына жеткиргенге дагы деле күч жумшап жатканын дагы бир ирет далилдеп турат (Накыл 3:21, 22).