2021-жылдын 20-июнунда Ыйык Китептин «Жаңы дүйнө котормосу» бикол тилинде санарип түрүндө жарыкка чыкты. Аны Филиппиндеги филиалдын комитетинин мүчөсү Дентон Хопкинсон деген ишенимдешибиз кулактандырды. Атайын программа онлайн түрүндө өткөрүлүп, 97 жыйналышка түз эфир аркылуу көрсөтүлдү.

• Бикол тилинде, негизинен, Филиппиндин 5 шаарындагы 5 миллион 800 миңдей киши сүйлөйт. Ал шаарлар: Албай, Камаринес Норте, Камаринес Сур, Катандуанес жана Сорсогон

• Филиппин боюнча элдин көпчүлүгү сүйлөгөн тилдердин ичинен бикол тили 5-орунда турат

• Бул тилдеги жыйналыштарда 5 800дөн ашык жарчы бар

• Котормочулардын 2 тобу эмгектенип, бул ишти 7 жарым жылда бүтүрүшкөн

Бир котормочу мындай деген: «Бикол тилинин көп диалектилери бар. Ошондуктан котормодо бикол тилинде сүйлөгөндөрдүн көбү түшүнө ала турган сөздөрдү колдонуш үчүн өзгөчө күч жумшалды».

Дагы бир котормочу: «Түшүнүктүү, азыркы эл сүйлөгөн тилде чыгарылган бул котормо окурмандарга Ыйык Китепте жазылгандардын маанисин түшүнгөнгө жардам берет деп ишенебиз»,— деген.

Филиппинде «Жаңы дүйнө котормосунун» кайра каралган басылышы жергиликтүү дагы алты тилде: себуан, хилигайнон, илоко, пангасинан, тагал, варай-варай тилдеринде жарык көргөн.

Бул котормонун чыкканына бикол тилинде сүйлөгөн ишенимдештерибиз аябай кубанып жатышат. Биз да алардын кубанычына ортоктошпуз. Бул котормо дагы көптөгөн адамдарга Жахабаны даңктаганга жана түбөлүк өмүр сүргөнгө жардам берет деп ишенебиз (Забур 22:26).