2020-жылдын 12-январында Филиппиндеги Батангас аймагында жайгашкан Тааль жанар тоосу асманга күл бүркүп, түтүнү 14 километрдей бийиктикке көтөрүлдү. Жанар тоо атылып, көптөгөн адамдар жабыр тартып калбашы үчүн, бийликтегилер ал тоонун жака-белинде жашаган адамдарга алдыдагы коркунуч тууралуу эскертишти. Тааль өлкөнүн аракеттеги жанар тоолорунун бири болгондуктан, өкмөт ал жакта жашаган он миңдеген тургундарды коопсуз жакка көчүрдү.

Буга чейин 500дөн ашуун бир тууганыбыз коопсуз жайларга көчүрүлгөн. Алар Падышалык залдарында жана ишенимдештеринин үйлөрүндө баш калкалоодо. Алардын эч кимиси жаракат алган эмес. Филиалдын комитети Кырсык болгондо жардам берүү комитетине үйүн таштап качууга аргасыз болгон боордошторубузга дароо жардам көрсөтүү ишин тапшырган.

Биз Филиппиндеги ишенимдештерибиздин мындан ары да «баш маанабыз, күчүбүз» болгон Жахабага таяна беришин сурап тиленип турабыз (Забур 46:1—3).