Машаякка байланыштуу пайгамбарлыктар Исанын Машаяк болгонун далилдейби?
Ыйык Китепте эмне деп айтылат?
Ооба. Иса жерде жүргөн кезинде «дүйнөнүн Куткаруучусу» боло турган «Машаяк Жол башчы» тууралуу көптөгөн пайгамбарлык сөздөрдү аткарган (Даниел 9:25; 1 Жакан 4:14). Атүгүл Машаякка байланыштуу пайгамбарлыктарды Иса өлгөндөн кийин да аткара берген (Забур 110:1; Элчилер 2:34—36).
«Машаяк» деген эмнени билдирет?
«Машиах» (Машаяк) деген еврей сөзү жана ага маанилеш «Христос» деген грек сөзү «майланган» деген маанини туюнтат. Андыктан «Иса Машаяк» деген «Иса Майланган» же «Иса ошол Машаяк» дегенди билдирет.
Байыркы убакта кимдир бирөө бийлик кылууга дайындалганда, адатта, башына май куюп, анын майланганын көрсөтүшчү (Лебилер 8:12; 1 Шемуел 16:13). Кудай Исаны Машаяк катары дайындап, зор бийликке ээ кылган (Элчилер 2:36). Бирок Кудай Исаны май менен эмес, ыйык рух менен майлаган (Матай 3:16).
Машаякка байланыштуу пайгамбарлыктарды Исанын өзүнөн башка кишилер да аткарышы мүмкүн беле?
Жок. Манжанын изи бир эле кишиге таандык болгондой, Ыйык Китептеги аткарылган пайгамбарлык сөздөр бир гана Машаякка таандык. Бирок Ыйык Китепте мындай эскертүү камтылган: «Жалган Машаяктар, жалган пайгамбарлар чыгат. Алар, мүмкүн болсо, тандалгандарды да адаштырыш үчүн, улуу жышаандарды, кереметтерди көрсөтүшөт» (Матай 24:24).
Машаяк келечекте келиши мүмкүнбү?
Жок. Ыйык Китепте Машаяктын Ысрайыл падышасы Дөөтүнүн тукумунан чыгары алдын ала айтылган (Забур 89:3, 4). Бирок б. з. 70-жылы римдиктер Иерусалимди басып алганда, кыязы, жүйүттөрдүн Дөөтүгө чейинки ата-тегинин санжырасы жок кылынган a. Ошол убактан тартып, Исанын Дөөтү падышанын тукумунан чыкканын эч ким далилдей албай калган. Ал күндөрдөн айырмаланып, Исанын күндөрүндө жүйүттөрдүн ата-тегинин санжырасы бар болчу. Ошол себептен атүгүл анын душмандары Исанын Дөөтүнүн тукумунан чыкканын талашка салышкан эмес (Матай 22:41—46).
Ыйык Китепте Машаякка байланыштуу канча пайгамбарлык жазылган?
Машаякка байланыштуу пайгамбарлыктардын так санын айтуу мүмкүн эмес. Анткени пайгамбарлыктарды саноо ыкмасы ар кандай болушу, атүгүл Машаяктын өзүнө тийиштүү пайгамбарлыктар да ар башкача эсептелиши мүмкүн. Алсак, Ышая 53:2—7-аяттарда тутумунда бир нече пайгамбарлык сөз камтылган Машаякка байланыштуу пайгамбарлык айтылган. Айрымдар бул жерде айтылгандарды бир пайгамбарлык деп эсептесе, башкалар ар бир пайгамбарлык сөздү өз-өзүнчө пайгамбарлык деп эсептеши ыктымал.
Иса аткарган Машаякка байланыштуу айрым пайгамбарлыктар
Пайгамбарлык сөз |
Жазылганы |
Аткарылганы |
|---|---|---|
Ыбрайым пайгамбардын урпагы болмок |
||
Ыбрайымдын уулу Ыскактын тукуму болмок |
||
Ысрайылдын Жүйүт уруусунан төрөлмөк |
||
Дөөтү падышанын тукумунан чыкмак |
||
Кыздан төрөлмөк |
||
Бетлехемде төрөлмөк |
||
Эмануел b деген ат коюлмак |
||
Башынан эле момун болмок |
||
Ал төрөлгөндөн кийин ымыркай балдар өлтүрүлмөк |
||
Мисирден чакыртылмак |
||
Назареттик c деп аташмак |
||
Алдына кабарчысын жибермек |
||
Б. з. 29-жылы d Машаяк катары майланмакм |
||
Кудай аны өзүнүн Уулу экенин айтмак |
||
Кудайдын үйүнө болгон ынтасынан улам ичи өрт болмок |
||
Жакшы кабарды жарыяламак |
||
Галилеяда кызмат кылып жүргөндө, эл улуу жарыкты көрмөк |
||
Муса пайгамбарга окшоп, кереметтерди жасамак |
||
Муса пайгамбарга окшоп, Кудайдын атынан сүйлөмөк |
||
Көптөрдү ооруларынан айыктырмак |
||
Өзүнө көңүл бурдурмак эмес |
||
Кыйналгандарга боору оорумак |
||
Кудайдын адилеттүүлүгүн ачып бермек |
||
Кереметтүү Кеңешчи болмок |
||
Жахабанын ысмын жарыяламак |
||
Мисал менен сүйлөмөк |
||
Жол башчы болмок |
||
Көптөр ага ишенмек эмес |
||
Чалына турган таш болмок |
||
Адамдар аны четке кагышмак |
||
Себепсиз эле жек көрүндү болмок |
||
Иерусалимге салтанаттуу түрдө кодик минип кирип келмек |
||
Балдар аны даңкташмак |
||
Жахабанын ысмы менен келмек |
||
Жакын кишиси сатып кетмек |
||
Отуз күмүш тыйынга сатылмак e |
||
Достору таштап кетмек |
||
Жалган күбөлөр жалаа жабышмак |
||
Айыпташканда, жооп бермек эмес |
||
Уруп-сабашмак |
||
Башына урушмак |
||
Ур-токмокко алышмак |
||
Уруп-сабагандарга каршылык көрсөтмөк эмес |
||
Бийлик башындагылар ага каршы чыгыш үчүн бир кишидей биригишмек |
||
Колу-бутун мык менен кагып, устунга кадашмак |
||
Кийими үчүн өкчөмө таш ыргытышмак |
||
Кылмышкер катары эсептешмек |
||
Шылдыңдап, мазакташмак |
||
Күнөөкөрлөр үчүн азап чекмек |
||
Кудай аны таштап койгондой болмок |
||
Шарап беришмек |
||
Өлөр алдында суусамак |
||
Рухун Кудайга тапшырмак |
||
Өмүрүн бермек |
||
Адамзатты күнөөдөн арылтыш үчүн өмүрүн кун катары бермек |
||
Бир да сөөгү сынмак эмес |
||
Найза менен сайылмак |
||
Сөөгү байлар менен коюлмак |
||
Тирилтилмек |
||
Сатып кеткен шакиртинин ордуна башка шакирт тандалмак |
||
Кудайдын оң жагына отурмак |
a Макклинток менен Стронгдун энциклопедиясында: «Жүйүт урууларынын жана үй-бүлөлөрүнүн тизмеси Иерусалим талкаланганга чейин эмес, так ошол маалда жоголуп кеткени бир аз шек туудурат»,— деп жазылган.
b «Кудай биз менен» дегенди билдирген Эмануел деген еврей ысмы Исанын Машаяк катары аткарган ролун таамай сүрөттөйт. Анын жерге келгени жана кылган иштери Кудайдын өзүнө сыйынган адамдар менен бирге экенин далилдеген (Лука 2:27—32; 7:12—16).
c Сыягы, «назареттик» деген сөз «чырпык» деген маанини берген нэтсер деген еврей сөзүнөн келип чыккан.
d Машаяктын б. з. 29-жылы келишине байланыштуу ыйык китептик хронология тууралуу көбүрөөк билүү үчүн «Даниелдин Машаяктын келиши жөнүндөгү пайгамбарлыгы» деген макаланы карагыла.
e Бул пайгамбарлык Закарыя китебинде жазылган, бирок Ыйык Китептин бир жазуучусу Матай бул сөздөрдүн «Жеремия пайгамбар аркылуу айтылганын» айткан (Матай 27:9). Сыягы, Жеремия китеби Ыйык Китептин «пайгамбарлардын жазуулары» деп аталган бөлүгүндө айрым учурларда биринчилерден болуп жайгашчу (Лука 24:44). Матай, кыязы, «Жеремия» китеби тууралуу айтканда, өз ичине Закарыя китебин камтыган ошол китептердин жыйындысын айтса керек.
Сизге булар да кызыктуу болушу мүмкүн
ОЙГОНГУЛА!
Ыйык Китепте Машаяк жөнүндө эмне деп айтылат?
Ыйык Китепте өз ишин акырына чыгардан мурун Машаяктын өлөрү алдын ала айтылганын билчү белеңер?
ОЙГОНГУЛА!
Иудаизм динин туткан айым эмне үчүн диний көз карашын өзгөрткөн?
Ракел Хал Исанын өзү күтүп келген Машаяк экенине эмнеден улам ынанган?
ЫЙЫК КИТЕПТЕГИ ОКУУЛАР
Изилдеп көрүңүз
Жахабанын Күбөлөрүнүн бири менен Ыйык Китепти акысыз изилдеп көрүңүз.