Mulungu wa Okotobala 7-13
MASALIMO 92-95
Nyimbo 84 na Pempelo | Mawu Owambeela (1 min.)
1. Tumikela Yehova Kwapama Vinjinji
(10 min.)
Yehova unafuna ira nimulambelenga (Sal 92:1, 4; w18.04 takuru 26 ndima 5)
Liye unotandiza athwae ira kasakulenga ekiwa vyoira vyevyo kanasangalalenaathu (Sal 92:5; w18.11 takuru 20 ndima 8)
Liye unosangalala na athu anayo kanamutumikela ngakale vevo kaliathu okalamba (Sal 92:12-15; w20.01 takuru 19 ndima 18)
VIFUKENI IRA, ‘Kodi chin’ni inandilepeli-a vipeleka wa Yehova koma teto badiziwa?’
2. Makundo Okami-a
(10 min.)
-
Sal 92:5 — Kodi mawu avalembali kanafotokoza avi zelu da Yehova? (cl takuru 176 ndima 18)
-
Kodi mba makundo aavi anayo mufwanyile nyo vowelenga winyu Baibulo wa mulungu ula?
3. Welenga Baibulo
(4 min.) Sal 94:1-23 (th-CN phuzilo 5)
4. Ulendo Owambeela
(4 min.) LALEELA MWAMWAI. Vevo munawaleda nyo na muthu, fwanyani mpata oyi mumufotokozele vyoi munofunjeda Baibulo na athu. (lmd phuzilo 5 likundo 3)
5. Ulendo Oweli-eda
(3 min.) LALEELA MWAMWAI. Muwandeleni muthu unoyo akoondilevo funjeda Baibulo mundulimu ira mufunjedenga na liye. (lmd phuzilo 8 likundo 4)
6. Funji-a Athu
(5 min.) Kambilanani na ofunjeda unoyo kanadowa vasogolo. (lmd phuzilo 12 likundo 5)
Nyimbo 5
7. Kodi Azombwe Kanapange Avi Kapanikizeya na Nkhawa?
(15 min.) Khani yokambilana.
Athu anayo kanatumikela Yehova naaliwene teto kanokaana nkhawa. Mwaisazo, Davide thawi dimo-i ookaana nkhawa vamoywae ndipo pumwemo vililiathu teto na abali-u malambwano. (Sal 13:2; 139:23) Pivyovwi-a chisoni ira naaliwene teto azombwe kanokaana nkhawa. Thawi dimo-i, nkhawa dinokoza mupangi-a muthu onanga ira vyongo vyevyo unapanga liye thawi detene monga dowa usukulu kapena umisonkano pivyopanikiza. Athu amo-iwa kanokoza fiya mpakana vovuteya maganizo kapena funa vipha.
Azombwe, mwaonanga ira mupanikizeya na nkhawa muawandelenga makolwinyu kapena muthu unoyo ngu ndimuwa. Koma teto kamudiwalenga muwandela Yehova mpempelo ira autandizeni. (Afi 4:6) Liye unoza autandizeni. (Sal 94:17-19; Yes 41:10) Kaganizelani isazo ya Steing.
Onelani VIDIYO yoi Yehova Oondisamalela. Era eno fukani mafuso ala:
• Kodi ti vesi liivi la m’Baibulo lelo lamutandizile Steing, nanga chifukwa n’ni?
• Kodi Yehova amusamalele avi?
Makolo, munokoza tandiza a-iminyu mali-a nkhawa vowavuruwana moleza murima, atonyi-eda ira munowakonda koma teto atandiza ira karoromelenga ira Yehova unowakonda. (Tit 2:4; Yak 1:19) Mudalilenga Yehova ira aulimbikisengani koma teto auva-eni kopolo dedo munafuneya nyo ira mutandize a-iminyu.
Kaninaiziwe vevo muthu m’mo-iwa mupingo unalimbana liye na nkhawa kapena vwechecha mwemo unavwela liye. Komave ninokoza atandiza voesaesa konda muthu uliwetene mupingo koma teto pangi-a ira muthu uliwetene avionenga ira ngofuneya. — Miy 12:25; Ahe 10:24.
8. Phuzilo la Baibulo la Pingo
(30 min.) bt-CN muru 16 ndima 6-9, na bokosi vatakuru 132
