MURU 8
N’nga Mulungu Una-iyela n’ni Vyongo Vyothakhala no Zuzuma Ireyanga?
1. N’nga vyongo vyothakhala vyaambeelile avi?
Mulungu u-iya athu ira kathonge ilambwela wa thawi yokhwakhwanela vofuna thonyi-eda ira aluwa katinawandha mali-a nyarwa da athu
Vyongo vyothakhala vyaambeelile va ilambo ya vathila Satana angawongile yonama yowambeela. Umaambelelo liye ali mungelo waphama, mbwenye “kagaratheyile muimbarimbari”. (Yohani 8:44) Liye owulukhuli-a murima wofuna ira alambeliwenge wewo wali wofwanelela Mulungu ekha. Satana omunami-a mu-iana wowambela, Eva, no muiri-a ira amuvwele liye malo movwela Mulungu. Adamu ogwilizana na Eva aluwa iya muvwela Mulungu. Vyaerile Adamu vyowambeli-a zuzuma na wukhwa. — Welengani Genesesi 3:1-6, 19.
Vevo Satana amunami-a liye Eva ira a-iye muvwela Mulungu, liye era ambeeli-a rungunuwela uthongi ulukhulu wa Mulungu, vamo-i undimuwaye okala Wa Mudimudimu. Mofwanafwana na Satana, athu anjinji kanokhoonda ira Mulungu aathongenga. Mwa ndhila yenela, Satana ukala ‘namathonga wa ilambo.’ — Welengani Yohani 14:30; 1 Yohani 5:19.
2. N’nga nerenga vyophanduchiwa vya Mulungu phiyevyo vyathakhanle?
Mabasa methene a Mulungu mbolongomana. Athu na angelo anayo Mulungu uwaphanduchile liye koowandha muvwela Mulungu molongomana. (Dotoronomo 32:4, 5) Mulungu ooniphanducha na ufulu woira nisakhulenga irana vyaphama vamo-i vyothakhala. Ufulula unoniva-a ngari yothonyi-eda zivelo li-u wa Mulungu. — Welengani Yakobo 1:13-15; 1 Yohani 5:3.
3. N’nga Mulungu una-iyela n’ni zuzuma ireyanga fiyeda malambwano?
Wa thawi yoyeva, Yehova u-iya ira athu karungunuwele uthongaye ulukhulu. Mwasiwa ngwan’ni? Ira athonyi-ede ira kavali uthongi uli wethene wonoyo unawandhe kami-a athu iyavo waye. (Namalaleya 7:29; 8:9) Khumela vevo athu vaphanduchiwileathu, vivirile chaka 6000. Vyoireya vya ilambwela vyinothonyi-eda ira kavali uthongi uli wethene wonoyo uwandhile khami-a athu. Maboma aathu katiwandile mali-a khondo, uphanga, vyo-olongomana na marenda. — Welengani Yeremiya 10:23; Aroma 9:17.
Mo-iyana na mauthongi a athu, uthongi wa Mulungu unokhami-a athu anayo kali umbalaye. (Yesaya 48:17, 18) Chineneveva, Yehova unomali-a mauthongi methene a athu. Athu anayo kanasakhule thongiwa na Mulungu mbanayo kanaze kakhale va ilambo ya vathila. — Yesaya 11:9; Welengani Daniyeli 2:44.
4. N’nga vilela wa Mulungu unaniva-a ngari yoi avi?
Satana awongile ira kalivo muthu unamulambele Yehova na mwasa wa zivelo. Nyo munofuna muruni-a Satana? Ee, munowandha! Vilela wa Mulungu unoniva-a ngari yo thonyi-eda akhala ninafuna thongiwa na Mulungu vamo-i na athu. Vyoira vi-u vya dambo na dambo vinothonyi-eda mbali nisakhule iyo. — Welengani Yobu 1:8-12; Miyambo 27:11.
5. N’nga ninasakhule avi ira nithongiwenga na Mulungu?
Vyosakhula vi-u vinothonyi-eda akhala ninafuna ira nithongiwenga na Mulungu
Ninowandha sakhula ira nithongiwenga na Mulungu nasayelanga ira niiziwe lambela wa imbarimbari wewo unafwanyeya m’Mazu a Mulungu, Bayibulo, no arela vinawongaathu. (Yohani 4:23) Iyo ninowanda muruni-a Satana n’nga namathonga vo-ovolowela mu politika na mu khondo da ilambwela, ninga mwemo Yesu mwairile liye. — Welengani Yohani 17:14.
Satana uno-indi-eda mabasa khopholo daye ira airi-enga vyongo yothakhala na vyongo vyowononga makhalelo aphama. Narambelanga vyoira vyevyi, afwi-u amo-iwa na abali-u amo-iwa kanerenga ninyogodola vamo-i niruni-a. (1 Petulo 4:3, 4) Moi-eno ninafuneya nisakhule yongo yimo-i. N’nga ninasakhule n’ni? Ninasakhule wendha na athu anayo kanamuziveliwana Mulungu? Ninasakhule vwela malamulo a Mulungu a zelu na a zivelo? Nasakhula vyevyi, ninothonyi-eda ira Satana oonama vawongile liye ira nakhala vanyarwa kaninawandhe irana yofuna ya Mulungu. — Welengani 1 Akorinto 6:9, 10; 15:33.
Zivelo la Mulungu wa athu linoniva-a iroromelo yoi vyongo vyothakhala no zuzuma vinoza vimale. Athu anayo kanathonyi-ede ira kanororomela vyevyi kanoza kakhalewo wa dowa no dowa va ilambo ya vathila. — Welengani Yohani 3:16.
