MURU 1
N’nga Milanyo Daphamadi Thiivi?
1. N’nga thi milanyo daphama diivi dedo Mulungu un’na liye wa athu ethene?
Mulungu unafuna ira athu va ilambo yethene ya vathi kakhaena ingumi yaphama. Uliye oophandutcha ilambo na vyongo vyethene vili muilambwela na mwasa woomeliwana athu. Vachinene-eva, liye unoza amali-e zuzuma wa athu ethene va ilambo ya vathi. Thetho liye unoza amali-e vyongo vyethene vyevyo vinaambeeli-a zuzuma. — Welengani Yeremiya 29:11.
Kavili boma lelo liwandhile mali-a uwalanga, bulela na ukhwa. Mbwenye vyongo vinoza vichenje. Vachinene-eva, Mulungu unoza amali-e maboma methene a athu va ilambo ya vathila no garathi-avo boma laye. Athu anayo kanathongiwenga na boma lelo, kanoza kakhaena murendele na ingumi yaphama. — Welengani Yesaya 25:8; 33:24; Daniyeli 2:44.
2. N’nga mwasiwa ngwan’ni milanyo daphamadi dili dofuneya malambwano?
Zuzuma unaza umala Mulungu aza anoonga athu ethene othakala va ilambwela. (Zefaniya 2:3) N’nga vyevi vinaireya alini? Bayibulo loovaela wonga makhalelo anayo kanawophopi-a athu malambwano. Vyoireya vya malambwano vinothonyi-eda ira Mulungu u-alile vang’ono ira amali-e nyarwa dethene va ilambwela. — Welengani 2 Timoteyu 3:1-5.
3. N’nga chin’ni inafuneela iyo ira?
Ninafuneela nifunjedenga vya Mulungu m’Mazwaye, Bayibulo. Bayibulo lili n’nga kalata yokhumela wa babi-u wa zivelo. Linoniwandela mwemo munafwanyele iyo ingumi yaphama malambwano, mbwenye thetho munafwanyele iyo ingumi yo-omala va ilambo ya vathila usogolowu. Chiimbarimbari ira athu amo-i kathinawomeliwa kauwonangani mufunjedanga Bayibulo. Mbwenye kamu-iye. Ira muze mufwanye ingumi yo-omala vinaroromela funjeda Bayibulo. — Welengani Miyambo 29:25; Chivumbuluso 14:6, 7.
Mwina Munokoza Funa Iziwa Teto vi
VYA IYO
Mwasiwa Ngwan’ni Ninafuneela Funjeda Bayibulo?
Bayibulo linokhami-a athu mamiliyoni anjinji va ilambo yethene fwanya vyosomeda vya vyofuka vyofuneya vanjinji vya va ingumi. Nyo munofuna khala m’mo-i mwa athu anala?
