MURU 2
N’nga Mulungu Mbaani?
1. Mwasiwa ngwan’ni ninafwaneela mulambela Mulungu?
Mulungu wa imbarimbari ngonoyo aphanduchile vyongo vyethene. Uliye kan’na maambelelo thetho kaza akhaana magomelo. (Salimu 90:2) Milanyo daphama dedo dinafwanyeya m’Bayibulo dinakhumela wa Mulungu. (1 Timoteyu 1:11) Vofwanya ira Mulungu nguniva-ile ingumi ninafwaneela nimulambelenga uliye baa-i. — Welengani Chivumbuluso 4:11.
2. N’nga Mulungu Ngoi Avi?
Kalivo muthu wonoyo ambi-iIenga muwona Mulungu na mwasa woyi uliye ngu Muzimu. Vyevyo vinathaphulela ira ukhaana khopholo na zelu dinjinji iyani-ana muthu uliwethene wa va ilambo ya vathi. (Yohani 1:18; 4:24) Moi eeno, ninowandha iziwa makhalelo a Mulungu zela mu vyongo vyevyo viphanduchile liye. Mwalifwanafwani-o, injiva wa vyova-a na maluwa vinothonyi-eda zivelo na zelu daye. Ulukhula wa ilambo unothonyi-eda khopholo daye. — Welengani Aroma 1:20.
Ninofunjeda vyongo vinjinji vya makhalelo a Mulungu nawelenganga Bayibulo. Mwalifwanafwani-o, Bayibulo linoniwandela vyevyo Mulungu vinawomeliwana liye na vyevyo vya-anawomeliwana liye. Thetho linoniwandela mwemo munaawonela liye athu na mwemo vinamukhuzelaathu athu kairanga vyongo vyaphama thetho kairanga vyothakhala. — Welengani Salimu 103:7-10.
3. N’nga Mulungu ukhaana zina?
Yesu eere: “Baba wee-u wa udimo, zina linyu licheni-iwe”. (Mateyu 6:9) Masiki Mulungu un’na mazina manjinji a undimuwa, uliye ukhaana zina laye limo-i baa-i. Zinalo linaromoliwa mo-iyana-iyana va kada iwongelo. Mu Ikokola n’nera “Yehova”. — Welengani Salimu 83:18.
M’mabayibulo manjinji zina la Mulungu ko-olikhumi-amo m’malo mwiwa aluwa elamo mazina aundimuwa n’nga Mbwiye na Mulungu. Mbwenye Bayibulo lowambeela valembiwaathu, zina la Yehova loolembiwamo maulendo okwakwana 7000! Yesu ooliiziwi-a zina la Mulungu vevo vaafunji-a liye vya Mulungu. — Welengani Yohani 17:26.
4. N’nga Yehova unothamaala vya iyovano?
Mofwanafwana na baba wa zivelola, Mulungu unonifunela uphama wee-u wokhalawo dowa no dowa
N’nga nerenge zuzuma wethene wewu unaireya va ilambwela unathonyi-eda ira Yehova ngu Mulungu wo-othamaala athu? Athu amo-i kanawonga ira nazuzumanga Mulungu unoonixixa, mbwenye vyevyo kai imbarimbari. — Welengani Yakobo 1:13.
Mulungu uwarii-eda athu. Liye univa-a ufulu wosakhula irana vyaphama vamo-i vyothakhala. Nyo kamunawomeliwa na ufulu wosakhula mulambela Mulungu? (Yoswa 24:15) Athu anjinji kanasakula airela afwiwa vyothakhala. Ngumwasiwa ilambo yethene yenela izaalile na nyarwa. Yehova vinomuvoreya awonanga vyongo vyo-olongomana viireyanga. — Welengani Genesesi 6:5, 6.
Yehova ngu Mulungu unathamaala athu. Liye unafuna ira niwomeliwenge na ingumi. Chinene-eva unoza amali-e zuzuma na athu ethene anayo kanaambeeli-a zuzumawu. Moi eeno, uliye ukhaana mwasa wovweya wo-iya ira vyongo vyothakhala vikhalewo wa thawi yoyeva. Va muru 8 ninoza nifunjede mwasiwa una-iyela liye vyongo vyothakhala ireyanga. — Welengani 2 Petulo 2:9; 3:7, 13.
5. N’nga n’namuwandhamele avi Mulungu?
Yehova unoniithana ira nimuwandhamele zela mwa livephelo. Uliye unothamaala vya muthu uliwethene va ekha. (Salimu 65:2; 145:18) Uliye uli wokhozeya nilevelela. Thetho unoona yesayesa wewo unaira iyo ira nimuwomeli-e, podhi angalive ira thawi dimo-i ninophophonyi-a. Masiki nili athu o-olongomana, ninowandha khala afwaye avamurimani a Mulungu. — Welengani Salimu 103:12-14; Yakobo 4:8.
Vofwanya ira Yehova nguniva-ile ingumi, ninafwanela ira nimuwomeliwengana kwaranya muthu uliwethene. (Maliko 12:30) Nathonyi-edanga zivelo li-u wa Mulungu vofunjeda vyongo vinjinji vya liye no irana vyevyo vinanivepha liye, ninoza nimuwandamele vinjinji. — Welengani 1 Timoteyu 2:4; 1 Yohani 5:3.
