N’nga zuzuma unoza umale dambo limo-i?
Nyo munasomede ira . . .
-
ee?
-
naari?
-
vamo-i?
BAYIBULO LINAWONGA IRA:
“Mulungu . . . unoza asusure misodi dethene m’maso mwiwa, thetho khunaza ukhala ukhwa, naari khumbanya, naari ula, naari bulela.”—Chivumbuluso 21:3, 4.
IZIWA VYEVI UNAUKHAMI-EDANI AVI?
Vinoukhami-ani roromela ira khai Mulungu unanizuzumi-a.—Yakobo 1:13.
Munomiyali-eya mwaiziwa ira Mulungu vinomuvoreya nazuzumanga.—Zakariya 2:8.
Vinoukhami-ani khaana idedi-edo yoi zuzumawu unoza umale.—Salimu 37:9-11.
N’NGA NIROROMELENGA VYEVYO BAYIBULO LINAWONGAATHU?
Ee, va myasa minli di:
-
Mulungu unoidanana zuzuma na makhalelo othakhala. Khaumbuwelani mwemo Yehova Mulungu mwavwela liye vevo athwaye khazuzumi-iwechaathu mu thawi ya mundulimu. Bayibulo linawonga ira: “Vevo vazuzumi-iwechaathu, naliene thetho vyomuvoreya.”—Yesaya 63:9.
Thetho Mulungu khanawomeliwana awona athu khaazuzumi-anga afwiwa. Mwalifwanafwani-o, Bayibulo linawonga ira Mulungu unoidanana “mandha ochuuchi-a magazi a athu o-otheenga.”—Miyambo 6:16, 17.
-
Mulungu unoumbuwela kada muthu wa iyo. Khai ekhi-uve ‘unaiziwa zuzuma wi-u na upha wi-u,’ Yehova thetho unoiziwa!—2 Limbili 6:29, 30.
Zela mu Umwenaye, Yehova unoza amali-e zuzuma wa kada muthu chineneveva. (Mateyu 6:9, 10) Malambwano, Mulungu unodidili-a murima wa athu anayo khanamusayela na murimiwa wethene.—Vyoira [Machitidwe] 17:27; 2 Akorinto 1:3, 4.
KHAUMBUWELANI
N’nga Mulungu una-iyela n’ni vyongo vyothakhala ireyanga?
Bayibulo linosomeda yofuka yenela va AROMA 5:12 na 2 PETULO 3:9.