MURU 05
Baibulo Tibuku Lokumela wa Mulungu
Baibulo chi mpaso yavadela ineyo Yehova univa-ile liye, moi ikaana mabuku 66. Mwina nyo munovifuka ira: ‘Kodi Baibulo lakumele waani? Nanga alilembile mbaani?’ Ira nisomede vyofuka vyevi, tiyeni nikambilane vyevyo Mulungu apangile liye ira uthengae wa m’Baibulo ufiye wa iyo.
1. Akala athu mbanayo kalembile Baibulo, chifukwa n’ni ninaonge ira mulembiwa mulukulu ngu Mulungu?
Baibulo lalembiwe na athu 40 wa chaka vakwikwi 1600 kumela mu 1513 Yesu aanabaliwe, fiyeda mu chaka ya 98 Yesu angabaluwile. Athu anayo kalilembile moywiwa wali wo-iyana-iyana. Ngakale vili eeno, mabuku etene mbogwilizana. Kodi vyevi vyaandeile avi? Vyaaendeile chifukwa yoi Mulembiwa Mulukulu wa Baibulo ngu Mulungu. (Welengani 1 Atesalonika 2:13.) Athwayo katalembile maganizwiwa. Koma “koonga mawu okumela wa Mulungu mosogoleliwa na zimu owela.” a (2 Petulo 1:21) Mulungu oo-indi-eda chito zimwae owela vowandela kapena nionge ira pangi-a alombwanala ira kalembe maganizwae. — 2 Timoteyu 3:16.
2. Kodi muthu uliwetene unokoza fwanya Baibulo?
Athu a “ilambo iliyetene, fuko lililetene, iongelo iliyetene, na tundu uliwetene” kanokoza fwanya uthenga wapama wa m’Baibulo. (Welengani Chivumbuluso 14:6.) Mulungu oonechecha ira Baibulo lifwanyeye mu viongelo vinjinji kwaranya buku lililetene. Athu anjinji kanokoza fwanya Baibulo moi kavinalandela ira kanakala waani kapena kanaonga iongelo iivi.
3. Kodi Yehova utetezile avi Baibulo ira kalionongiwe?
Baibulo lalembiwe va vipangizo vyoolimba vyopangiwa na vikopa koma teto manachi a tundu umo-iwene. Koma athu oliomeliwana Baibulo koolikopela na manda moweli-edaweli-eda koma teto mosamala. Ngakale ira olamulela amo-iwa kooyesayesa ira kaliwononge, koma athu amo-iwa koololela ela moywiwa vangozi ira kaliteteze. Yehova kalolile ira iliyetene kapena muthu uliwetene amulepeli-e niwandela uthengae. Baibulo linaonga ira: “Mawu a Mulungwi-u kanoza kakalewo mpakana walewale.” — Yesaya 40:8.
FUNJEDANI VYOWENJEDELEYA
Saelani ira muone vyevyo Mulungu apangile liye vowandela athu ira kalembe Baibulo, mwemo alitetezele liye koma teto vyevyo apangile liye ira lifwanyeyenga wa athu etene.
4. Baibulo linosambaula ekiwa vya mwemo kalilembileathu
Onelani VIDIYO. Yamala welegani 2 Timoteyu 3:16, era eeno tapanyani vyofuka vyo-arelavi:
-
Akala athu mbanayo kalembile Baibulo, chifukwa n’ni linaromoliwa ira Mawu a Mulungu?
-
Kodi nyo munororomela ira Mulungu ooawandela athu ira kalembe maganizwae?
Mulembi unokoza lemba kalata, koma uthenga wa mukalateyo ngwa bwanae. Mofwanafwana na vyevi, athu koolemba Baibulo, koma uthengiwa wakumele wa Mulungu
5. Baibulo liigumana na mavuto anjinji
Voi Baibulo tilokumela wa Mulungu, kai vyodabwi-a ira liye ooliteteza. Ambeela wale, olamulela akopolo kookala kaesaesanga ira kaliononge Baibulo. Na aliwene teto asogoleli aipembezo kookala kaesaesanga libisa Baibulo ira athu katiliwelenge. Athu anjinji koo-ela moywiwa vangozi ira kateteze Baibulo ngakale ira kooruni-iwa moi kookoza piwa. Ira mumuiziwe m’mo-i mwa athu anala, onelani VIDIYO, era eeno tapanyani vyofuka vyo-arelavi.
-
Kodi iziwa ira athu anjinji kooira vinjinji voteteza Baibulo uukami-ani ira muomeliwengana liwelenga? Chifukwa n’ni munaonga eeno?
Welengani Salimo 119:97, era eeno tapanyani yofuka yo-arelela:
-
Kodi chin’ni yapangi-ile ira athu anjinji kalolele ela moywiwa vagozi vo-inda chito yotapulela koma teto gawela Baibulo?
6. Tibuku la athu etene
Baibulo tibuku lelo litapuleliwe koma teto gaweliwa vinjinji kwaranya buku lililetene. Welengani Vyoira 10:34, 35, era eeno tapanyani vyofuka vyo-arelavi:
-
Chifukwa n’ni Mulungu unafuna ira Mawae katapuleliwe nogaweliwa mu viongelo vinjinji?
-
Kodi pivyongo vyiivi vyokuza Baibulo vyevyo vinauomelani?
Va
100%
ya athu vailambo yavati
kanokoza fwanya Baibulo muiongelo ineyo kanaivwaathu pama
Baibulo linofwanyeya mu viongelo vyokwaranya
3000
viongelo
Baibulo letene kapena mbaliwa
Mabaibulo 5000 000 000
koogaweliwa
moi nambala inela inokwaranya buku lililetene
ATHU AMO-IWA KANAONGA IRA: “Baibulo tibuku lawale lolembiwa na athu.”
-
Kodi nyo munaganiza avi?
-
Kodi chin’ni inatonyi-eda ira Baibulo mba Mawu a Mulungu?
VYEVYO NIFUNJEDILE IYO
Baibulo mba Mawu a Mulungu, moi liye oonechecha ira athu etene kawandenga lifwanya.
Vyofuka Vyoweli-eda
-
Kodi naoganga ira Mulungu ooawandela athu ira kalembe Baibulo ninatapulela n’ni?
-
Chin’ni inaupangi-ani chidwi mwaganizela vyevyo vyaireile ira Baibulo kalionongiwe, litapuleliwe koma teto ligaweliwe?
-
Kodi nyo munavwa avi mwaganizela vyevyo Mulungu auireleni liye ira muvwenga Mawae?
ONANI VIMO-I
Welengani limbili la Baibulo— ambeela laliathu mipukutu dawale mpakana vathawiila.
Onani mwemo Baibulo lavulumuwedeathu ngakale ira vookala vyongo taaru vyevyo vyapangi-e ira lionongiwe.
“Baibulo — Buku Limene Linapulumuka M’zambiri” (Nsanja ya Olonda Na. 4 2016)
Onani vyevyo athu amo-iwa kapangileathu ira katapulele Baibulo ngakale ira vyoo-ela moywiwa vangozi.
Baibulo likala likopeliwanga koma teto tapuleliwa maulendo anjinji. Koma kodi nyo munasimikizele avi ira uthengiwa kuchenjile?
“Kodi Baibulo Linasinthidwa Kapena Kusokonezedwa?” (Khani yavawebusaiti)
