MURU 06
Kodi Moyo Waambeele Avi?
Mulungu ngu “kasupe wa Moyo.” (Salimo 36:9) Kodi munororomela vyevi? Athu amo-iwa kanaganiza ira vya moyo vyakede kalawo mwaekiwa. Ngati vyevi vili vyoona, mwina teto na-iyene nakede kalawo mwangozi. Koma akala Yehova Mulungu ngunoyo alengile vya moyo, ndiye kuti ookaana yolinga. a Tiyemoni nikambilane vyevyo Baibulo linaongaathu vakhani ya mwemo moyo waambeeleathu koma teto chifukwa iwa ninafuneela roromela ira vyevyo Baibulo linaongaathu pivyoona.
1. Kodi vyongo vya muchilengedwe vyakalilewo avi?
Baibulo linaonga ira: “Vowambeela Mulungu oolenga udimu na ilambo yavati.” (Genesesi 1:1) Asayansi anjinji kanosomedela ira vyongo vya muchilengedwela vikaana chiyambi. Kodi Mulungu avilengile avi? Mulungu oo-indi-eda chito zimu owela, unoyo “chikopolo ya Mulungu” yo-inda chito, ira alenge vyongo vyetene vya muchilengedwela, tangani-avo milalang’amba, nyenyedi koma teto mapulaneti. — Genesesi 1:2.
2. Chifukwa n’ni Mulungu alengile ilambo yavati?
Yehova ‘kaalengile ilambo yavatila vookaana yolinga. Ooipanga ira athu kakalengamo.’ (Yesaya 45:18) Liye oolenga ilambo yavati no-elamo vyongo vyetene vyofuneela ira athu kakalengamo mpakana walewale. (Welengani Yesaya 40:28; 42:5.) Asayansi kanaonga ira ilambo yavatila chavadela vinjinji. Aliwa katifwanyile pulaneti imo-iwa kwaranya ilambwela ineyo ili na vyongo vyofuneya ira athu kakale na moyo.
3. Kodi chin’ni inapangi-a athu kala o-iyana na vinyama?
Yehova angalengile ilambwela, oopanga teto vyongo vya moyo. Yowambeela alengile vyomela na vinyama. Angairile eeno “Mulungu oolenga muthu muifwanafwani-edo yae.” (Welengani Genesesi 1:27.) Kodi chin’ni inapangi-a ira athu kakale o-iyana na vinyama? Iyo athu ninowanda kaana makalelo apama monga chikondi na chilungamo chifukwa yoi nalengiwe muifwanafwani-edo ya Mulungu. Liye oonilenga teto na luso lowanda funjeda viongelo, sangalala na nyimbo koma teto vyongo vimo-i vyoriya. Moi mo-iyana na vinyama, iyo athu ninowanda mulambela Mulengi-u.
FUNJEDANI VYOWENJEDELEYA
Fwanyani umboni osimikizela ira vya moyo vyeere lengiwa, koma teto oyi khani ya m’Baibulo yosambaula vyoi vyongo vyeere lengiwa cholondola. Onani mwemo makalelo anayo athu kan’naathu kananikami-edeleathu iziwa vyokuza Mulungu.
4. Vya moyo vyeere lengiwa
Athu kanolemekeziwa chifukwa yopanga vyongo vyoriya volandela vyongo vya muchilengedwe. Ndiye kodi ngu mbaani unoyo unafuneela lemekeziwa chifukwa ya vyongo vya muchilengedwevyo? Onelani VIDIYO, era eeno tapanyani yofuka yo-arelela.
-
Kodi pivyongo vyiivi vyevyo athu kapangileathu volandela vyongo vya muchilengedwe?
Ira nyumba imangiwe, vanokala m’mo-iwene olemba mapulani koma teto oimanga. Ndiye kodi ngu mbaani unoyo alembile mapulani koma teto panga vyongo vya muchilengedwe? Welengani Aheberi 3:4, era eeno tapanyani vyofuka vyo-arelavi:
-
Kodi pivyongo vyiivi vya muchilengedwe vyevyo vyinausangalasani?
-
Kodi chizelu roromela ira vyongo vyetene vya muchilengedwe vyeere lengiwa? Chifukwa n’ni munaonga eeno?
Nanga munoiziwa?
Munokoza fwanya khani koma teto mavidiyo okuza vyongo vya muchilengedwe va jw.org va miru doi “Kodi Zinangochitika Zokha?” koma teto “Zimene Ena Amanena Zokhudza Mmene Moyo Unayambira.”
“Pivyoona ira nyumba iliyetene yamangiwe na muthu m’mo-iwene, koma unoyo apangile vyongo vyetene ngu Mulungu”
5. Khani ya m’Baibulo yokuza lengiwa wa vyongo cholodola
Va Genesesi chaputala 1, Baibulo linosambaula mwemo ilambo yavati koma teto vyongo vya moyo mwaambeeleathu. Kodi nyo munororomela khani inela, kapena munona ira chokeda peka? Onelani VIDIYO, era eeno tapanyani vyofuka vyo-arelavi.
-
Kodi Baibulo linafunji-a ira ilambo yavati koma teto vya moyo vyetene vyalengiwe malambo 6 a maola 24?
-
Kodi nyo munaona ira khani ya m’Baibulo yokuza lengiwa wa vyongo chovweya koma teto yoona? Chifukwa n’ni munaonga eeno?
Welengani Genesesi 1:1, era eeno tapanyani yofuka yo-arelela:
-
Asayansi kanaonga ira chilengedwela ikaana chiyambi. Kodi vyevyo kanaongaathuvi vinagwilizana avi na vyevyo muwelengile nyo m’Baibulo?
Athu amo-iwa kanaganiza ira volenga vyongo, Mulungu akede pangi-a ira vichenje kumela wu vyongo vimo-i. Welengani Genesesi 1:21, 25, 27, era eeno tapanyani vyofuka vyo-arelavi:
-
Kodi Baibulo linafunji-a ira Mulungu apangile vyongo ving’onong’ono vyevyo vyachenjile nokala somba, vinyama koma teto athu? Kapena akede lenga vya moyo vya “mitundu” do-iyana-iyana? b
6. Va vyongo vyetene vyevyo Mulungu alengile liye, athu kalengiwe mwavadela
Iyo athu nili o-iyana na vinyama vyevyo Yehova alengile liye. Welengani Genesesi 1:26, era eeno tapanyani yofuka yo-arelela:
-
Voi nalengiwe muifwanafwani-edo ya Mulungu, kodi natonyi-edanga chikondi na chifundo ninatonyi-eda ira Mulungu ngoi avi?
ATHU AMO-IWA KANAONGA IRA: “Khani ya m’Baibulo yokuza lengiwa wa vyongo chokeda peka.”
-
Kodi nyo munaganiza avi? Chifukwa n’ni munaonga eeno?
VYEVYO NIFUNJEDILE IYO
Yehova oolenga vyongo vyetene vya udimu na vyailambo yavati.
Vyofuka Vyoweli-eda
-
Kodi Baibulo linafunji-a ira vyongo vya muchilengedwe vyakalilewo avi?
-
Kodi Mulungu ngunoyo alengile vya moyo vyetene kapena akede lola ira vya moyo vimo-i vichenjenga kumela wu vya moyo ving’onong’ono?
-
Kodi athu kana-iyana avi na vinyama?
ONANI VIMO-I
Onani vyevyo ninafunjede iyo kumela wu vyongo vya muchilengedwe.
“Kodi Zamoyo Zimatiphunzitsa Chiyani?” (Galamukani!, September 2006)
Onani mwemo baba munamufotokozelele liye mwanae khani ya m’Baibulo yokuza lengiwa wa vyongo.
Onani ngati khani yoi vya moyo vyeere chenja inagwilizana na vyevyo Baibulo linaongaathu.
“Kodi Mulungu Anasintha Zamoyo Zina Polenga Mitundu Inanso ya Zamoyo?” (Khani yavawebusaiti)
Onani akala vyevyo asayansi kasaeleathu vinatonyi-eda ira vya moyo vyeere lengiwa kapena vyakede kalawo ekiwa.
