MURU 14
Kodi Niirenga N’ni Ira Lambela Wi-u Umuwomeli-enga Mulungu?
Monga nifunjedile iyo m’muru 13, kai vipembezo vyetene vinamuwomeli-a Mulungu. Komave, ninowanda mulambela Mulengi-u mundila ineyo inamuwomela. Kodi Mulungu unasangalala nolambela uuvi, kapena nere “pembeza” woi avi? (Yakobo 1:27) Tiyemoni nione vyevyo Baibulo linafunji-aathu vakhani inela.
1. Kodi munafuneela indi-eda chito n’ni volambela?
Ninafuneela indi-edela chito Baibulo nalambelanga Mulungu. Yesu apepelanga wa Mulungu aongile ira: “Mawinyu chiimbarimbari.” (Yohani 17:17) Vipembezo vimo-i vina-iya akomove indi-edela chito makundo aimbarimbari anayo kali m’Baibulo lelo lili Mawu a Mulungu owandeliwa. M’malo mwiwa vinafunji-a maganizo na miyambo da athu. Koma Yehova kanasangalala na athu anayo ‘kanakakela umbali malamulo a Mulungu.’ (Welengani Maliko 7:9.) Mo-iyana na athu anala, iyo ninoomeli-a Mulungu chifukwa yo-indi-edela chito Baibulo volambela koma teto arela malangizwiwa.
2. Kodi niirenga avi ira Yehova asomedelenga lambela wi-u?
Yehova unafuna ira nimulambelenga liye eka chifukwa liye ngunoyo anilengile. (Chivumbuluso 4:11) Vyevi vinatapulela ira ninafuneela muwomeliwana nomulambela liye eka, moo-indi-eda chito vyosema, vithuzithuzi, kapena yofwanafwani-a iliyetene. — Welengani Yesaya 42:8.
Yehova unafuna ira nimulambelenga mundila “yowela na yosomedeleya.” (Aroma 12:1) Vyevi vinatapulela ira ninafuneela vwela malamulwaye vamoywi-u. Mofwanafwani-a, athu anayo kanawomeliwana Yehova, kanovwela no-arela malamulwaye vakhani yokuza telana. Teto kanoyesayesa pewa makalelo anayo kana-ele moywiwa vangozi monga dja sola, indi-edela chito mirombwe molakweya kapena ng’wa kachaso vinjinji. a
3. Chifukwa n’ni ninafuneela lambela Yehova limo-i na akiristu afwi-u?
Misonkano dedo ninakaana iyo mulungu uliwetene dinoniva-a mwai ‘omutamanda Yehova . . . mupingo.’ (Salimo 111:1, 2) Ndila imo-i ninairela iyo vyevi kuimbela Mulungu nyimbo domutamanda. (Welengani Salimo 104:33.) Yehova unafuna ira nisonkanenga chifukwa yoi unoniwomeliwana, teto unoiziwa ira misonkanodo dinonikami-eda kaana moyo osangalala mpakana walewale. Nadowa umisonkano ninolimbi-a athu amo-iwa teto aliwa kanonilimbi-a.
FUNJEDANI VYOWENJEDELEYA
Saelani ira muiziwe chifukwa iwa Yehova kanafuna ira ni-indi-edelenga chito vyosema volambela. Iziwani ndila dofuneya dedo nina-indi-edele iyo chito vomutamanda Mulungu.
4. Kani-indi-edelenga chito vyosema volambela
Kodi ninaiziwa avi ira Mulungu unosangalala napewanga indi-edela chito vyosema? Onelani VIDIYO, era eeno tapanyani yofuka yo-arelela.
-
Chin’ni yaireele atumiki a Mulungu amo-iwa anayo ka-indi-edele chito vyosema volambela?
Athu amo-iwa kano-indi-edela chito vyosema volambela Mulungu, chifukwa kanaganiza ira vyosemavyo vinowakami-a ira kamuwandamele. Koma nirenga pivyoona ira vyevi vinowakami-a ira kamuwandamele? Welengani Ekisodo 20:4-6 na Salimo 106:35, 36, era eeno tapanyani vyofuka vyo-arelavi:
-
Kodi pivyosema kapena vyofwanafwani-a vyiivi, vyevyo muonile nyo athu kavi-indi-edanga chito volambela?
-
Kodi Yehova unavwa avi athu ka-indi-edelanga chito vyosema?
-
Nanga munaona ira indi-edela chito vyosema kofwaneelela?
5. Nalambelanga Yehova eka ninokala omasuwa uvyofunji-a vyonama
Onani mwemo lambela Yehova mundila yosomedeleya unanikami-edeleathu ira nimasuwe uvyofunji-a vyonama. Onelani VIDIYO.
Welengani Salimo 91:14, era eeno tapanyani yofuka yo-arelela:
-
Kodi Yehova unanilonjeza ira unaniirele n’ni natonyi-edanga ira ninomuwomeliwana vomulambela liye eka?
6. Umisonkano dapingo ninolambela Mulungu
Nasomedangavo vamisonkano dapingo ninomutamanda Yehova teto ninolimbi-ana. Welengani Salimo 22:22, era eeno tapanyani vyofuka vyo-arelavi:
-
Kodi munosangalala vuruwana demanga umisonkano?
-
Nanga munoomeliwa kozeela vyoi mwasomede?
7. Yehova unosangalala nawandelanga amo-iwa vyevyo nifunjedile iyo
Viikala ndila dinjinji dedo nina-indi-edele iyo chito vowandela amo-iwa imbarimbari ya m’Baibulo. Welengani Salimo 9:1 na 34:1, era eeno tapanyani yofuka yo-arelela:
-
Kodi tilikundo liivi lelo mufunjedile nyo m’Baibulo lelo munafuna nyo wandela muthu m’mo-iwa?
ATHU AMO-IWA KANAONGA IRA: “Iyo nili ochimwa vinjinji moi kaninawande muwomeli-a Mulungu.”
-
Nyo munaganiza avi?
VYEVYO NIFUNJEDILE IYO
Ninomuwomeli-a Mulengi-u namulambelanga liye eka, namutamandanga vamisonkano da pingo, koma teto nawandelanga amo-iwa vyevyo nifunjedile iyo.
Vyofuka Vyoweli-eda
-
Ninaire avi ira niiziwe ndila yosomedeleya yolambelela Mulungu?
-
Chifukwa n’ni ninafuneela mulambela Yehova eka?
-
Chifukwa n’ni ninafuneela mulambela Mulungu limo-i na athu anayo kanafuna muwomeli-a?
ONANI VIMO-I
Mukhani yoi “Ndinasiya Kulambira Mafano,” onani vyevyo mu-iyana m’mo-iwa airile liye ira a-iye lambela vyosema.
Onani vyevyo vinaukami-eni ira musomedengavo vamisonkano da pingo.
“Tizitamanda Yehova Mumpingo” (Nsanja ya Olonda, January 2019)
Onani mwemo misonkano damukami-edeleathu nyamata m’mo-iwa ngakale ira oodowa umisonkano movuteela.
Athu anjinji kanaroromela ira mtanda chiizindikilo ya Ikiristu. Koma kodi ninafuneela u-indi-eda chito volambela?
“N’chifukwa Chiyani Simugwiritsa Ntchito Mtanda Polambira?” (Khani yavawebusaiti)
a Ninoza nitapanye pama khani dedi usogolowu.
