MURU 15
Kodi Yesu Mbaani?
Yesu ngumuthu m’mo-i mwa athu anayo kali ochuka vinjinji. Athu anjinji, kanoiziwa zina laye koma katinaiziwa vinjinji vyokuza liye, teto kanosambaula vyo-iyana-iyana kafukiwa ira Yesu mbaani. Nanga Baibulo linaonga ira Yesu mbaani?
1. Kodi Yesu mbaani?
Yesu ngu m’ngelo wakopolo unoyo unakala udimu. Yehova Mulungu amulengile Yesu aanalenge yongo iliyetene. Eeno, liye unoiziweya ira “woambeela baluwa wa vyolengiwa vyetene.” (Akolose 1:15) Baibulo linawonga ira Yesu ngu “mwana wobaluwa eka” chifukwa ngokaaunoyo alengiwe na Yehova mwin’nya. (Yohani 3:16) Yesu oo-inda chito limo-i na Babaye Yehova, vomukami-eda lenga vyongo vimo-i na vimo-i. (Welengani Miyambo 8:30.) Yesu uno-indave chito limo-i na Yehova mosangalala. Liye unotumikela mororomeleya, monga woonga m’malo mwa Mulungu. Teto unoiriwa “Mawu,” tapulela ira unofii-a mauthenga na malangizo okumela wa Mulungu. — Yohani 1:14.
2. Chifukwa n’ni Yesu azile vailambo yavati?
Chaka 2 000 ndivirile mundulimu, Yehova ooira vyondabwi-a. Liye oo-indi-edela chito zimwaye wowela, votami-a moyo wa Yesu udimu nou-ela m’mbani mwa namwali m’mo-iwa zina laye Mariya. Mwandila inela, Yesu oobaluwa monga muthu. (Welengani Luka 1:34, 35.) Yehova oomutumiza Yesu vailambo yavati ira aze akale Mesiya wolonjeziwa, kapena nere Kiristu, koma teto ira aze avulumuche athu. a Malonjezo etene a m’Baibulo oonga vya Mesiya kookwakwaneli-ediwa mwaliye. Eeno athu kavyaaruchile muzindikila Yesu monga “Kiristu, mwana wa Mulungu wa moyo.” — Mateyu 16:16.
3. Kodi vano Yesu uli waani?
Yesu angaphiwe vailambwela, Yehova oomuvenyi-a monga mngelo, moi oowelela udimu. Udimuwo, “Mulungu oomugweli-a nomu-ela vamalo avadimu.” (Afilipi 2:9) Vano Yesu ukaana udido wavadimu moi ngwanambili wa Yehova.
FUNJEDANI VYOWENJEDELEYA
Saelani ira muiziwe vyoona vyokuza Yesu koma teto chifukwa iwa funjeda vyaliye uli wokami-a.
4. Yesu kai Mulungu wakopolo detene
Baibulo linafunji-a ira ngakale Yesu uli mngelo wakopolo udimu, liye unovwela Mulungu unoyo uli Babaye Yehova. Chifukwa n’ni ninawonga eeno? Onelani VIDIYO ira muiziwe vyevyo Baibulo linawongaathu vyokuza iyana wewo ulivo vaari va Yesu na Mulungu wakopolo detene.
Welengani malemba o-arelala ira muone iyana wewo ulivo vaari va Yehova na Yesu. Welengani lemba lililetene, era eeno tapanyani vyofuka vyo-arelavi.
Welengani Luka 1:30-32.
-
Kodi vyevyo mngelo awongile liye vinatonyi-eda avi ira Yesu na Yehova Mulungu “Wamudimudimu” mbaathu o-iyana?
Welengani Mateyu 3:16, 17.
-
Vathawi ineyo Yesu abadiziwa liye, kodi udimu wavweile mawu oyi avi?
-
Nanga munaona ira mawayo kali ambaani?
Welengani Yohani 14:28.
-
Kodi vaari va baba na mwana mbaani unakalanga ndimuwa koma teto waudindo ulukulu?
-
Kodi Yesu atapulela n’ni voonga ira Yehova ngu Babaye?
Welengani Yohani 12:49.
-
Kodi Yesu aona ira liye na Babaye mbaathu ofwanafwana? Nyo munaona avi?
5. Umboni wotonyi-eda ira Yesu ali Mesiya
M’Baibulo mukala vyoro-eda vinjinji vyoonga vya Mesiya unoyo Mulungu amusakulile liye ira aze avulumuche athu. Vyoro-edavi vyoowakami-eda athu ira kamuiziwe mo-orucha. Onelani VIDIYO ira muone vimo-i mwa vyoro-eda vyokuza Yesu vyevyo vyakwakwaneli-ediwe vathawi ineyo ali liye vailambo yavatila.
Welengani vyoro-eda vya m’Baibulo vyo-arelavi, era eeno tapanyani vyofuka vyo-arelavi:
Welengani Mika 5:2 ira muiziwe wewo Mesiya abaluwele liye. b
-
Kodi wewo Yesu abaluwele liye vinogwilizana na vyevyo yoro-edela yawongileathu? — Mateyu 2:1.
Welengani Salimo 34:20 na Zakariya 12:10 ira muone vyevyo Baibulo lawongileathu vyokuza phiwa wa Mesiya.
-
Kodi vyoro-edavi vyookwakwaneli-ediwa? — Yohani 19:33-37.
-
Chifukwa n’ni kavyakale vyowandeya ira Yesu apangi-e ira vyoro-edavi vikwakwaneli-ediwe?
-
Nanga vyevi vinaukami-edani zindikila n’ni vyokuza Yesu?
6. Funjeda vyokuza Yesu unonikami-a vinjinji
Baibulo linonilimbi-a ira ninafuneela funjeda vyokuza Yesu, koma teto udindo unoyo Mulungu amuva-ile liye. Welengani Yohani 14:6 na 17:3, era eeno tapanyani yofuka yo-arelela:
-
Kodi funjeda vyokuza Yesu kofuneya moi avi?
Yesu oo-ula ndila yonikami-eda ira Mulungu akale fwi-u. Liye oofunji-a imbarimbari yoonga vya Yehova, koma teto zela mwaliye, iyo ninowanda za fwanya moyo wo-omala
ATHU AMO-IWA KANAONGA IRA: “A Mboni da Yehova katinaroromela Yesu.”
-
Nyo munasomede avi?
VYEVYO NIFUNJEDILE IYO
Yesu ngu mngelo wakopolo. Liye ngu mwana wa Mulungu teto ngu Mesiya.
Vyofuka Vyoweli-eda
-
Chifukwa n’ni Yesu unairiwa “owambeela baluwa wa vyolengiwa vyetene”?
-
Kodi aira n’ni aanaze vailambo yavatila?
-
Nanga ninaiziwa avi ira Yesu ngu Mesiya?
ONANI VIMO-I
Funjedani vinjinji vyokuza udindo wa Yesu monga Mesiya.
“Kodi Maulosi Onena za Mesiya Amatsimikizira Kuti Yesu Analidi Mesiya?” (Khani yavawebusaiti)
Saelani ira muone chifukwa iwa Baibulo linafunji-a ira Mulungu ngu Babaye wa Yesu.
“Baibulo Limati Yesu Ndi Mwana wa Mulungu?” (Khani yavawebusaiti)
Onani chifukwa iwa yofunji-a yoi Mulungu Ulimo Milungu Diraru kai yokumela m’Baibulo.
Welengani ira muiziwe mwemo m’ma m’mo-iwa achenjele liye moywaye angasaelile vyevyo Baibulo linaongaathu vyokuza Yesu.
“Mzimayi Wachiyuda Anafufuzanso Mozama Zimene Ankakhulupirira” (Galamukani!, May 2013)
a M’muru 26 na 27 ninoza nitapanye chifukwa iwa iyo athu n’nafuneela vulumuchiwa, koma teto mwemo Yesu anivulumuchele liye.
b Onani Mawu Aumapeto 2 ira muiziwe yoro-eda ineyo yawongile thawi ineyo Yesu aze liye aoneele vailambo yavati.
