MURU 21
Kodi Mbaani Anayo Kanalaleela Uthenga wapama?
Chinene veva, Yehova unoza a-indi-ede chito Umwenaye vomali-a mavuto etene anayo ninagumanana iyo. Unola ngu uthenga wapama vinjinji unoyo muthu uliwetene unafuneela liye uvwa. Yesu afuna ira o-arelaye kalaleelenga uthenga unola wa muthu uliwetene! (Mateyu 28:19, 20) Kodi a Mboni da Yehova kanaira n’ni vovwela lamulo la Yesuli?
1. Kodi lemba la Mateyu 24:14 linakwakwaneli-ediwa avi malambwano?
Yesu awongile ira: “Uthenga wapama wa Umwenola, unoza ulaleeliwe vailambo yetene yavati wewo uli athu.” (Mateyu 24:14) A Mboni da Yehova kanosangalala vo-inda chito yofuneya vinjinjila. Ninolaleela uthenga wapama vailambo yetene muviongelo vyokwaranya 1000! Chito inela chiilukulu vinjinji moi ninafuneela i-inda mwatindi koma teto mwadongosolo. Komave kaninakwakwani-e i-inda vaeki-u mookami-iwa na Yehova.
2. Kodi ninaira avi ira nilaleele athu?
Ninolaleela uliwetene wewo ninafwanye iyo athu. Mofwanafwana na Akiristu a muthawi ya anamarumiwa, ninolaleela “nyumba na nyumba.” (Vyoira 5:42) Ndila inela inonikami-a ira nilaleelenga athu mamiliyoni anjinji chaka iliyetene. Voi thawi dimo-i athu amo-iwa katinafwanyeya vande, ninolaleela teto vamalo anayo kanafwanyeya athu anjinji. Ninoesaesa indi-eda chito mwai uliwetene ira niwandele amo-iwa vyokuza Yehova koma teto vyevyo unafuna liye.
3. Mbaani un’na udindo olaleela Uthenga wapama?
M’kiristu waimbarimbari uliwetene, ukaana udindo olaleela uthenga wapama. Moi ninoona ira udindo unola ngofuneya vinjinji. Ninolaleela mulimwetene mwemo ninawandele iyo chifukwa ninoiziwa ira mimoyo da athu dili vangozi. (Welengani 1 Timoteyu 4:16.) Na-indanga chito inela kan’naliveliwa chifukwa Baibulo linawonga ira: “Mwawachelile waserele, va-ani waserele.” (Mateyu 10:7, 8) Ngakale ira athu amo-iwa kanokoonda uthengi-u, kanina-iya laleela chifukwa inda chito inela chimbali yolambela wi-u moi inomuomeli-a Yehova.
FUNJEDANI VYOWENJEDELEYA
Onani vyevyo a Mboni da Yehova kanairaathu ira kawande laleela vailambo yetene yavati koma teto mwemo Yehova munaakami-edelaathu laleela vailambo yetene.
Laleela vailambo yetene: (A) Costa Rica, (B) Estados Unidos, (C) Benin, (D) Tailândia, (E) Yap, (F) Suécia
4. Ninoira tindi ira nilaleele athu a mitundu detene
A Mboni da Yehova kanoira tindi ira kalaleele athu uliwetene wewo kaliathu. Onelani VIDIYO, era eeno tapanyani yofuka yo-arelela.
-
Chin’ni inauiri-ani chidwi mwaganizela tindi lelo a Mboni da Yehova kanairaathu ira kalaleele athu?
Welengani Mateyu 22:39 na Aroma 10:13-15, era eeno tapanyani vyofuka vyo-arelavi:
-
Kodi chitwi-u yolaleela inatonyi-eda avi ira ninowaomeliwana athu?
-
Kodi Yehova unaaona avi athu anayo kanalaleela uthenga wapama? — Onani vesi 15.
5. Nili achito afwaye a Mulungu
Vyevyo vinaireya na-indanga chito yolaleela, ngu umboni woi Yehova unosogolela chitwi-u. Kaganizelani vyevyo vyamuireele m’bali m’mo-iwa wawu Nova Zelândia zina laye Paul. Dambo limo-iwa alaleelanga nyumba na nyumba chigawo ya umazulo oogumanana mu-iyana m’mo-iwa. Mamawa wa dambo leli, mu-iyanole ali angapepelile wa Mulungu vo-indi-eda chito zina la Mulnugu loi Yehova moi oomuvepa ira amutumizele muthu oyi aze amulaleele. Eeno m’bali Paul awongile ira: “Vangavirile maola 3, ndoofiya vanyumba ya mu-iyanole.”
Welengani 1 Akorinto 3:9 era eeno tapanyani yofuka yo-arelela:
-
Kodi isazo ya wu Nova Zelândia inatonyi-eda avi ira Yehova ngunoyo unasogolela chito yolaleela?
Welengani Vyoira 1:8, era eeno tapanyani yofuka yo-arelela:
-
Chifukwa n’ni ninafuneela kami-iwa na Yehova ira ni-indenga pama chitwi-u yolaleela?
Nanga munoiziwa?
Vamulungu uliwetene vamisonkano damuwari mwa mulungu, ninofunjeda mwemo nina-indele iyo chitwi-u yolaleela. Akala mwapangilevo sonkanola, kodi munaona ira mapuziro anala mbokami-a?
6. Ninovwela lamulo la Mulungu loi nilaleelenga
Muthawi ya anamarumiwa athu oruni-a koowawandela ofunjeda a Yesu ira ka-iye laleela. Komave Akiristwala kootiti-eda ufuluwa olaleela moira “garati-a mwalamulo . . . chito ya uthenga wa pama.” (Afilipi 1:7) Pivyevyo teto a Mboni da Yehova kanairaathu malambwano. a
Welengani Vyoira 5:27-42, era eeno tapanyani yofuka yo-arelela:
KODI MUTHU M’MO-IWA ANGAUFUKILENI IRA: “Chifukwa n’ni a Mboni da Yehova kanalaleela nyumba na nyumba?”
-
Munamusomede avi?
VYEVYO NIFUNJEDILE IYO
Yesu oolamula o-arelae ira kalaleelenga Uthenga wapama wa athu a mitundu detene. Yehova unokami-a athwaye ka-indanga chito inela.
Vyofuka Vyoweli-eda
-
Mbaani kanalaleela uthenga wapama vailambo yetene?
-
Kodi chitwi-u yolaleela inatonyi-eda avi ira ninoomeliwana athu?
-
Kodi munaona ira chito yolaleela inokoza nikami-a ira nikalenga osangalala? Chifukwa n’ni munaona eeno?
ONANI VIMO-I
Onani vyevyo a Mboni da Yehova kanairaathu volaleela mataoni alukulualukulu.
Ntchito Yapadera Yolalikira M’malo Opezeka Anthu Ambiri ku Paris (5:11)
Kodi a Mboni da Yehova kairile vyoi avi wa athu otawa waniwa?
Onani mwemo inda chito yolaleela thawi detene wakami-edeleathu muthu m’mo-iwa kala osangalala.
Iziwani vyokuza milandu dofuneya vinjinji dedo niwinile iyo vyevyo vikami-ile ira chito yolaleela uthenga wapama ira idowe vasogolo.
“Olalikira Ufumu Anayamba Kupititsa Milandu Yawo Kukhoti” (Ufumu wa Mulungu Ukulamulira!, mutu 13)
a Iyo a Mboni da Yehova kaninafuneela vepa ilolezo ya muthu ira ni-inde chito yolaleela. Chifukwa Mulungu ngunoyo anilamulile ira ni-indenga chitwela.
