MURU 25
Kodi Yolinga ya Mulungu Choi Nikaena Moyo Oyi Avi?
Baibulo linawonga ira muthu unakaana moyo “okwiiva, ozaala na mavuto.” (Yobu 14:1) Kodi Mulungu unafuna ira nikaena moyo oyi eni? Akala kai eeno, nanga yolinga yaye choi avi? Kodi yolingaela inoza ikwakwaneli-ediwe? Baibulo likaana vyosomeda vyomiyali-a vya vyofuka vyevi. Tiyemoni nione.
1. Kodi Yehova unafuna ira nikaena moyo oyi avi?
Yehova unafuna ira nikaena moyo wapama vinjinji. Liye angalengile Adamu na Hava anayo kali athu owambeela, oowa-ela m’paradaizo woriya vinjinji, woiriwa munda wa Edeni. Vanduli viwa “Mulungu oowadalisa noawandela ira: ‘Mubalane muinjive muzaale ilambo yavati.’” (Genesesi 1:28) Yehova afuna ira aluwa kabalenga a-ima, kasamalele ilambo yetene yavati ira ikale paradaizo koma teto ira kasamalelenga vinyama. Yolinga yaye yali yoi athu etene kakaena moyo wapama, nokaana moyo o-omala.
Ngakale ira malambwano iyo athu kaninakaana moyo mwemo a Mulungu afunela liye yolingaye kichenjile. (Yesaya 46:10, 11) Mulungu unofuna ira athu anayo kanamuvwela kaze kakaena moyo o-okaana mavuto mpakana walewale. — Welengani Chivumbuluso 21:3, 4.
2. Kodi ninaire avi ira nisangalalenga na moyo vathawi ila?
Yehova oonilenga mundila yoi niwandenga zindikila, vyosauwela vi-u “vyauzimu,” tapulela ira ninokaana murima ofuna muiziwa nomulambela. (Welengani Mateyu 5:3-6.) Liye unafuna ira nikale vausamwali olimba na liye, niendenga ‘mundila daye detene nomuwomeliwana,’ koma teto mutumikela na ‘murimi-u wetene.’ (Dotoronomo 10:12; Salimo 25:14) Vyevi vinonikami-a ira nisangalalenga ngakale ira ninogumanana mavuto. Natumikelanga Yehova, ninokaana moyo watatauzo chifukwa ninoira vyongo mogwilizana na yolinga yaye.
FUNJEDANI VYOWENJEDELEYA
Saelani ira muiziwe vinjinji vyokuza chikondi ilukulu ineyo Yehova atonyi-edile liye vevo alenga liye ilambwela ira iyo nikalengamo koma teto vyevyo mawaye kanawongaathu vyokuza yolinga ya moyo.
3. Yehova unafuna ira athu kakaena moyo wapama
Onelani VIDIYO, era eeno tapanyani yofuka yo-arelela.
-
Chifukwa n’ni Mulungu alengile ilambo yavati yoriya eeni?
Welengani Namalaleya 3:11, era eeno tapanyani yofuka yo-arelela:
-
Malinga nalembali, mufunjedile vyoi avi vyokuza Yehova?
4. Yolinga ya Yehova kichenjile
Welengani Salimo 37:11, 29 na Yesaya 55:11, era eeno tapanyani yofuka yo-arelela:
-
Kodi ninaiziwa avi ira yolinga ya Yehova yokuza iyo athu kichenjile?
Nyumba ineyo yawonongeile inokoza sakaediwa akoka. Pivyofwanafwana na ilambwela. Athu koiwononga vinjinji, koma Mulungu unoza aisakaede ira athu anayo unaaomeliwana liye kakalengamo
5. Nalambelanga Yehova ninokaana moyo osangalala
Iziwa yolinga ya moyo unonikani-a ira nikalenga osangalala. Onelani VIDIYO, era eeno tapanyani yofuka yo-arelela.
-
Kodi iziwa ira moyo ukaana yolinga wamukami-ile avi Terumi?
Welengani Namalaleya 12:13, era eeno tapanyani yofuka yo-arelela:
-
Ninatonyi-ede avi ira ninoyamikela Yehova va vyongo vinjinji vyapama vyevyo uniirele liye?
KODI MUTHU M’MO-IWA ANGAUFUKILENI IRA: “Kodi yolinga ya moyo chin’ni?”
-
Munamusomede avi?
VYEVYO NIFUNJEDILE IYO
Yehova unafuna ira nikaena moyo wapama vinjinji ookaana mavuto vailambo yavatila. Namulambelanga na murima wetene ninokaana moyo osangalala vinjinji, ngakale vathawi ila.
Vyofuka Vyoweli-eda
-
Kodi Yehova afuna ira Adamu na Hava kakaena moyo oyi avi?
-
Kodi ninaiziwa avi ira yolinga ya Mulungu yokuza athu kichenjile?
-
Nanga munaire avi ira mukaena moyo osangalala?
ONANI VIMO-I
Onani umboni otonyi-eda ira munda wa Edeni ookalavo.
“Kodi Kunalidi Munda wa Edeni?” (Nsanja ya Olonda, January 1, 2011)
Onani chifukwa iwa kanakaikela ira ilambwela inoza ikaleove mpakana walewale.
Onani mwemo Baibulo linaukami-edeleniathu iziwa yolinga ya moyo.
Onani mwemo muthu unoyo aganiza ira ukaana iliyetene vamoyo azindikilele liye ira oosauweleya yongo imo-iwene. Onani ineyo yamukami-ile iziwa yolinga ya moyo.
a M’muru o-arela ninoza nifunjede chifukwa iwa malambwano athu kanagumanana mavuto.
