MURU 39
Mwemo Mulungu Munaonela Liye Magazi
Magazi mbofuneya vinjinji. Kavali muthu unoyo unakaana moyo vookala magazi. Mulungu ngunoyo anilengile, eeno liye ngunoyo unaniwandela mwemo nina-indi-edele iyo chito magazi. Kodi Mulungu unawonga n’ni vyokuza magazi? Kodi athu kanafuneela djanga kapena eliwa magazi? Kodi munaire avi ira musakule vyongo mwazelu vakhani inela?
1. Kodi Yehova unaona avi magazi?
Yehova ooawandela atumikaye awale ira: “Moyo wa inyama iliyetene [yamoyo iliyetene] mbamagazaye” (Levitiko 17:14) Yehova unaona ira magazi kanaimelela moyo. Eeno voi moyo chimphaso yokumela wa Mulungu, magazi teto mbopatuleya.
2. Mulungu unokoondi-a indi-eda chito magazi molakweya
Yehova oolamula atumikaye ira katidjenga magazi. (Welengani Genesesi 9:4 na Levitiko 17:10.) Liye ooweli-eda lamuloli vo-indi-eda chito bungwe lolamulela lelo lalamulile Akiristu ira ‘kapitilize pewa . . . magazi’ — Welengani Vyoira 15:28, 29.
Kodi pewa magazi unatapulela n’ni? Akala dokotala uuwandeleni ira mupewe walwa vinatapulela ira mu-iye walwa. Kodi nyo munodja yodja ineyo in’na walwa, kapena muno-ela waloyo mujakisoni novilatela? Kamunaire vyevi. Pivyofwanafwana teto na lamulo lelo Mulungu apelekile liye lokuza magazi. Lamuloli linatapulela ira kaninafuneela dja magazi kapena nyama yoosinga. Teto kaninafuneela piya magazi nowadja kapena dja yodja ineyo itangani-iwe na magazi.
Nanga bwanji nawonga vyo-indi-eda chito magazi vakhani dachipatala? Viikala ndila dimo-i dokami-edela obulela dedo dinatwa lamulo la Mulungu lokuza magazi. Vyevi vinotangani-avo mu-ela obulela magazi kapena vigawo vilukulu vyamagazi vyevyo vili: Maselo ofiila, maselo owela, maselo okami-eda magazi mangana koma teto ma-inje a m’magazi. Koma viikala ndila dimo-i dokami-edela obulela dedo ndili dorucha ndiiziwa akala dinatwa lamulo la Mulungu kapena naari. Mofwanafwani-a, achipatala kanowanda indi-edela chito vigawo ving’onong’ono vyevyo vinalandiwa kumela uvigawo vilukulu vyamagazi. Thawi dimo-i vanofuneela indi-eda chito magazi a muthu unoyo unabulela anayo kalandiwe muthuthu mwaye nosungiwa. Vakhani ngati dedi, uliwetene unafuneela sakula yeka vyofuneela ira. a — Agalatiya 6:5.
FUNJEDANI VYOWENJEDELEYA
Saelani mwemo munasakulele nyo vyoira vakhani ya tandizo la chipatala lokuza magazi.
3. Musakulenga vyongo vyevyo vinaomeli-e Yehova
Mwasakulanga tandizo lachipatala, kodi munasakule avi vyongo mogwilizana na mwemo Mulungu munaonela liye magazi? Onelani VIDIYO, era eeno tapanyani funeya o-arela makundo anayo kali mpedimu.
-
Mupepelenga ira Yehova aukami-eni sakula vyongo mwazelu. — Yakobo 1:5.
-
Musaelenga makundo a m’Baibulo noona mwemo munaa-indi-edele nyo chito. — Miyambo 13:16.
-
Saelani ndila dedo waninyuwo achipatala kana-indi-edelaathu chito vokami-a obulela anayo kanafuneela magazi.
-
Vandila dedo mufwanyile nyo onani ndila dedo munakoondenyo diwachela.
-
Sakulani vyongo vyevyo vinaukami-eni ira mukaena iguguda murima yowela. — Vyoira 24:16. b
-
Iziwani ira kavali muthu unoyo unafuna usakulelani vyoira vakhani yokuza iguguda murima, kaya ngu iyana kapena mamuninyu, ndimuwa mupingo kapena muthu unoyo unaufunji-ani Baibulo. — Aroma 14:12.
-
Lembani vyevyo musakulile nyo.
4. A Mboni da Yehova kanofuna wachela tandizo lapama la chipatala
Pivyowandeya vwela lamulo la Mulungu lokuza magazi moi ninowanda wachela tandizo lapama la chipatala moo-eliwa magazi. Onelani VIDIYO.
Welengani Tito 3:2, era eeno tapanyani yofuka yo-arelela:
-
Chifukwa n’ni ninafuneela ira vyongo mwaulemu koma teto mofwaasa nawonganga na madokotala?
|
Vyo-ololiwa |
Mkiristu unokoza sakula yeka |
|---|---|
|
A. Ma-inje a m’magazi |
Vigawo ving’onong’ono vyokumela m’ma-inje a m’magazi |
|
B. Maselo owela |
Vigawo ving’onong’ono vyokumela m’maselo owela |
|
C. Maselo okami-a magazi mangana |
Vigawo ving’onong’ono vyokumela m’maselo okami-a magazi mangana |
|
D. Maselo ofiila |
Vigawo ving’onong’ono vyokumela m’maselo ofiila |
5. Vyevyo munafuneela nyo iziwa vyokuza vigawo ving’onong’ono vyamagazi
Magazi kokaana vigawo vilukulu 4 vyevyo vili: Maselo ofiila, maselo owela, maselo okami-a magazi mangana koma teto ma-inje a m’magazi. Vigawovi vikaana teto vigawo vinjinji ving’onong’ono. c Vimo-i mwa vigawovi kanovi-indi-eda chito vopanga mirombwe dolimbanana marenda kapena dokami-a ira magazi kamangane no-iya kuma.
Vakhani yosakula vigawo ving’onong’ono vyamagazi, Mkiristu uliwetene unafuneela sakula yeka vyoira mogwilizana na iguguda murima yaye. Akiristu amo-iwa kanokoza koonda tandizo lachipatala lelo linafuneya ira madokotala ka-indi-ede chito vigawo ving’onong’ono vyamagazi. Koma iguguda murima ya akiristu amo-iwa inokoza alola wachela vigawo ving’onong’ono vyamagazi.
Mwasakulanga vyoira vakhanila, vifukeni ira:
-
Kodi ndinamusambaulele avi dokotala chifukwa iwa ndinakoonda kapena lola ira ka-indi-ede chito vigawo ving’ong’ono vyamagazi vondikami-a?
KODI MUTHU MO-IWA ANGAUFUKILENI IRA: “Kodi eliwa magazi kuchimwa?”
-
Nyo munamusomede avi?
VYEVYO NIFUNJENDILE IYO
Yehova unafuna ira nionenga ira magazi mbopatuleya.
Vyofuka Vyoweli-eda
-
Chifukwa n’ni Yehova unaona ira magazi mbopatuleya?
-
Kodi ninaiziwa avi ira lamulo la Mulungu loi nipewenga magazi lino-inda teto chito vakhani yopewa eliwa magazi?
-
Kodi munasakule avi vyoira mwazelu vakhani yo-indi-eda chito magazi ngati tandizo lachipatala?
ONANI VIMO-I
Kodi munafuneela ganizela vyongo vyiivi mwaanasakule tandizo lachipatala lofuneya indi-eda chito magazinyu?
“Mafunso Ochokera kwa Owerenga” (Nsanja ya Olonda, October 15, 2000)
Kodi munafuneela ganizela n’ni mwasakulanga wachela kapena koonda vigawo ving’onong’ono vyamagazi?
“Mafunso Ochokera kwa Owerenga” (Nsanja ya Olonda, June 15, 2004)
Kodi chin’ni yamuiri-ile dokotala m’mo-iwa roromela ira maganizo a Yehova vakhani ya magazi mbovweya?
“Ndinayamba Kuona Magazi Mmene Mulungu Amawaonera” (Galamukani!, December 8, 2003)
Onani mwemo andimuwa anayo kanatumikela m’makomiti oongi-ana na achipatala kanakami-edelaathu abali na arongoliwa.
b Onani likundo la 5 “Vyevyo Munafuneela Nyo Iziwa Vyokuza Vigawo Ving’onong’ono Vyamagazi”; Mawu Aumapeto 3, “Ndila Dokami-edela Obulela Dokuza Magazi.”
c Madokotala amo-iwa kanoona ira vigawo vilukulu 4 vyamagazi vili ngati vigawo ving’onong’ono. Eeno, munafuneela musambaulela dokotalinyu movweya pama ira mwasakulile vyoi kamunalole eliwa magazi atuta, kapena maselo ofiila, maselo owela, maselo okami-a magazi mangana koma teto ma-inje a m’magazi.
