MURU 42
Kodi Baibulo Linaonga Vyoi Avi Vakhani Yokala Vabanja na Ookala Vabanja?
Athu avikalelo vimo-i kanaroromela ira muthu kanakale osangalala akala ira kali vabanja. Komave, kai athu etene anayo kali vabanja kanakala osangalala. Baibulo linaonga ira kala vabanja kapena ookala vabanja, vyetene chimphaso yokumela wa Yehova.
1. Kodi ookala vabanja kwapama moi avi?
Baibulo linaonga ira: “Naliyene unoyo u-iyanile na moyo wokala yeka novolowa m’banja upanga pama, koma unoyo aali vabanja upanga pama vinjinji.” (Welengani 1 Akorinto 7:32, 33, 38.) Chifukwa n’ni ninaonge ira muthu unoyo usakulile ookala vabanja upanga pama “vinjinji”? Vofwanya ira Mkiristu unoyo aali vabanja kanakaana udindo osamalela mulombwana kapena mu-iyanaye unokaana ufulu oinjiva. Athu anayo kaali vabanja, kanokoza wenjedela utumikiwa mundila dinjinji. Mofwanafwani-a, kanokoza dowa uilambo imo-iwa ira kalaleele utenga wapama. Koma teto yofuneya vinjinji, kanokaana thawi injinji yolimbi-a usamwaliwa na Yehova.
2. Kodi panga ukwati osomedeleya na Boma kwapama moi avi?
Kala vabanja teto ukana upamiwa monga mwemo vinakaleelaathu na ookala vabanja. Baibulo linaonga ira “ambili kanokwaranya m’mo-i.” (Namalaleya 4:9) Komave ira Banja liendenga pama, athu otelanayo kanofuneela arela makundo a m’Baibulo. Athu anayo kanapanga ukwati osomedeleya na Boma, kanolonjeza ira kanerenga muomeliwana nomulemekeza fwiwoyo koma teto muona ira ngofuneya vinjinji. Athu anayo kali vabanja loi eeni kanoona ira mbotitiedeya vinjinji iyana na athu anayo kanakeda landana kalelanga limo-i. Riya umo-iwa koi a-ima anayo kanabaluwela mu banja loi makolwiwa kopanga ukwati osomedeleya na Boma kanokala otitiedeya.
3. Kodi maganizo a Yehova mboi avi vakhani ya banja?
Vevo Yehova aambeeli-a liye banja aongile ira: “Mulombwana unoza a-iye babaye na m’maye dowa kala na mu-iyanaye.” (Genesesi 2:24) Yehova unafuna ira mulombwana na mu-iyana etene kaomeliwanenga nokala limo-i wamoywiwa wetene. Liye unolola muthu mali-a ukwati akala fwayeyo upangile chigololo. Vyera eeno, Yehova unopeleka mwai wa muthu oochimoyo ira asakule mali-a banja kapena oomali-a. a (Mateyu 19:9) Yehova kanafuna ira Akiristu kakalenga vamitala. — 1 Timoteyu 3:2.
FUNJEDANI VYOWENJEDELEYA
Onani vyevyo munairenyo ira musangalalenga koma teto muomeli-a Yehova akala muli vabanja kapena kamuli vabanja.
4. Mu-indi-edenga chito pama mphaso yookala vabanja
Yesu aona ira ookala vabanja chimphaso. (Mateyu 19:11, 12) Welengani Mateyu 4:23, era eeno tapanyani yofuka yo-arelela:
-
Kodi Yesu a-indi-edile chito avi mphaso yookala vabanja votumikela Babaye nokami-eda athu amo-iwa?
Akiristu kanokoza sangalalanga vo-indi-edela chito mphaswiwa yookala vabanja monga mwemo Yesu airela liye. Onelani VIDIYO, era eeno tapanyani yofuka yo-arelela.
-
Kodi Akiristu kana-indi-edele avi chito mphaso yookala vabanja?
Nanga munoiziwa?
Baibulo kalinaonga chaka dedo muthu unafuneela liye kala vabanja. Komave, linolimbi-a ira muthu unafuneela dedi-eda fiya vathawi ineyo “ukwaranyile liye vachimake va unyamata.” Vathawi inela munyamata unokaana ilakolako yakopolo vinjinji yogonana, vyevyo vinapangi-e ira alepele sakula vyongo mofwaneelela. — 1 Akorinto 7:36.
5. Sakulani mwazelu unoyo munafuna nyo kalanaye vabanja
Sakula muthu unoyo munafuna nyo kalanaye vabanja chikhani ilukulu. Welengani Mateyu 19:4-6, 9, era eeno tapanyani yofuka yo-arelela:
-
Chifukwa n’ni Mkiristu kanafuneela tamangela volowa m’banja?
Baibulo linoukami-ani ira musakule pama muthu unoyo munakalenanyo vabanja. Koma yofuneya vinjinji kusakula muthu unoyo unamuomeliwana Yehova. b Welengani 1 Akorinto 7:39 na 2 Akorinto 6:14. Era eeno tapanyani vyofuka vyo-arelavi:
-
Chifukwa n’ni Mkiristu unafuneela telana na Mkiristu fwaye?
-
Kodi munaganiza ira Yehova unavwa avi akala ira Mkiristu utelana na muthu unoyo aanamutumikela?
Vinyama vyevyo vili vyo-iyana vyamangeleliwa vangolo vinokoza vuteyanga ira viirelenga vyongo limo-i. Mofwanafwana na vyevi, Mkiristu unoyo uli vabanja na muthu oororomela unogumana na mavuto anjinji
6. Muonenga ukwati monga mwemo Yehova munauonela liye
Wale wu Izarayeli, alombwana amo-iwa koo-iya a-iyaniwa vavifukwa vyo-ovweya. Welengani Malaki 2:13, 14, 16, era eeno tapanyani yofuka yo-arelela:
-
Chifukwa n’ni Yehova unaidanana mali-a banja vavifukwa vyo-ovweya?
M’mo-i apanga chigololo kapena banja lamala vinokuza fwaye oolakwa koma teto a-ima
Onelani VIDIYO, era eeno tapanyani yofuka yo-arelela.
-
Akala mwatelanile na muthu unoyo aanatumikela Yehova, kodi munaire avi ira banja linyu liendenga pama?
7. Mu-indi-edelenga chito makundo a Yehova okuza ukwati
Muthu unafuneela panga tindi ira a-indi-edenga chito makundo a Yehova okuza ukwati. c Komave Yehova unodalisa athu anayo kanaesaesa ira vyevi. Onelani VIDIYO.
Welengani Aheberi 13:4, era eeno tapanyani vyofuka vyo-arelavi:
-
Kodi nyo munaona ira makundo anayo Yehova aniva-ile liye okuza banja mbovweya? Chifukwa n’ni munaonga eeno?
Yehova unafuna ira Akiristu anayo kanafuna telana kadowe kalembi-e ukwatiwa uboma. Akiristu anayo Banja liwa lamalile, naaliwene kanafuneela dowa landa ikalata yomali-ela ukwati uboma, chifukwa maboma kanafuna ira zika diwa diirenga vyevi. Welengani Tito 3:1, era eeno tapanyani yofuka yo-arelela:
-
Akala muli vabanja, kodi moolembi-a ukwatinyu uboma?
KODI MUTHU M’MO-IWA ANGAUFUKILENI IRA: “Kodi viikala chifukwa yolembi-ela ukwatanga uboma? Yofuneya kai akala ninatonyi-edana chikondi ba-i?”
-
Kodi muthu unola munamusomede avi?
VYEVYO NIFUNJEDILE IYO
Kala vabanja kapena ookala vabanja vyetene chimphaso yokumela wa Yehova. Vyetene vinokami-a muthu unoyo unaira vyevyo Yehova unafuna liye ira akale osangalala.
Vyofuka Vyoweli-eda
-
Kodi muthu unaire avi ira a-indi-edenga chito pama mphaswaye yookala vabanja?
-
Chifukwa n’ni Baibulo linaonga ira Mkiristu atelanenga na Mkiristu fwaye?
-
Kodi Baibulo linaonga ira muthu unokoza mali-a banja vachifukwa iivi?
ONANI VIMO-I
Kodi tela kapena teliwa “mwa Mbwiye” unatapulela n’ni?
“Mafunso Ochokera kwa Owêrenga” (Nsanja ya Olonda, July 1, 2004)
Onelani vidiyo ya mbali diraru ineyo inaukami-eni sakula vyoira mwazelu vakhani yokuza kala vabanja koma teto ookala vabanja.
Onani chifukwa iwa m’bali m’mo-iwa unaona ira vyevyo Yehova umuva-ile liye pivyamtengo wavadimu vinjinji kwaranya vyetene vyevyo a-iile liye.
Ndinkakhulupirira Kuti Nayenso Akhoza Kuphunzira Choonadi (1:56)
Kodi muthu unafuneela ganizela makundo aavi afuna mwalana kapena mali-a banja?
“Tizilemekeza ‘Chimene Mulungu Wachimanga Pamodzi’” (Nsanja ya Olonda, December 2018)
a Onani Mawu Aumapeto 4 vakhani yomwalana akala ira m’mo-i kairile chigololo.
b Vikalelo vimo-i, makolo kanomusakulela mwaniwa muthu woi aze akalenaye vabanja. Akala vili eeno, makolo achikondi kanoing’ana muthu unoyo unaomeliwana Yehova ookala chuma ineyo muthuyo un’na liye.
c Akala munakala na muthu woi kamunatelane, vili na nyo sakula mu-iya kapena telana na liye.
