MURU 50
Munaire Avi Ira Banja Linyu Likale Losangalala? — Mbali Yanambili
A-ima chimphaso yokumela wa Yehova. Moi liye unafuna ira makolo kasamalelenga pama mphaso inela. Yehova unopelaka malangizo azelu anayo kanakami-e makolo ira kakwakwani-e ira vyevi. Malangizwaye kanokami-eda teto a-ima iziwa vyevyo kanaireathu ira banja likalenga losangalala.
1. Kodi Yehova unapeleka malangizo woi avi wa makolo?
Yehova unafuna ira makolo kaomeliwengana a-imiwa koma teto kaesaesenga fwanya thawi yowaleda na aliwa. Liye unafuna teto ira makolo katiti-edenga a-imiwa uvyongo vyotakala koma teto ka-indi-edenga chito makundo a m’Baibulo vowafunji-a. (Miyambo 1:8) Liye unolangiza ababa ira: “Muwalele [a-iminyu] nowafunji-a . . . ganiza waye [wa Yehova].” (Welengani Aifeso 6:4.) Yehova unosangalala makolo ka-indi-edanga chito malangizwaye volela a-imiwa koma teto akala katinava-a athu amo-iwa udindo owalelela a-imiwa.
2. Kodi Yehova unapeleka malangizo woi avi wa a-ima?
Yehova unolangiza a-ima ira: “Muvwelenga makolwinyu.” (Welengani Akolose 3:20.) A-ima kalemekezanga koma teto vwela makolwiwa kanomuomeli-a Yehova koma teto makolwiwa. (Miyambo 23:22-25) Angali mwana, Yesu opeleka isazo yapama vinjinji vakhani inela. Ngakale ira ali wangwiro liye oovwela no lemekeza makolwaye. — Luka 2:51, 52.
3. Munaire avi ira nyo etene m’banja mwinyu mukale vausamwali wapama na Mulungu?
Akala muli makolo, kaninakaikela ira munofunechecha ira a-iminyu kaomeliwengana Yehova monga mwemo munairela nyo. Ndiye munaire avi ira vyevi viwandeye? Muirenga vyevyo Baibulo linaongaathu. Vale lini: ‘Ukomelelenga [Mawu a Yehova] mwa a-imawo. Uongengana vyamawayo wagarati vati m’mba mwawo na voenda vasewu.’ (Dotoronomo 6:7) Mawu woi ‘komelela’ kanatapulela funji-a muthu likundo limo-iliwa lene moweli-edaweli-eda. Mwina mwafuna kami-a a-iminyu ira katidiwale likundo limo-iliwa lene, munoawandela likundolo moweli-edaweli-eda. Eeno likundo lavalembali tiloi thawi detene munafuneela fwanya thawi yofunji-a a-iminyu vyokuza Yehova. Munopanga pama vinjinji mwafwanyanga thawi mulungu uliwetene ira munjedanga vyokuza Yehova monga banja. Akala kamuna a-ima, funjeda mawu a Mulungu mulungu uliwetene unoukami-ani ira mukale vausamwali wapama na Yehova.
FUNJEDANI VYOWENJEDELEYA
Onani makundo anayo kanakami-e ira banja likale lotiti-edeya koma teto losangalala.
4. Mufunji-enga a-iminyu mwachikondi
Funji-a mwana kai chito yamasika. Koma kodi Baibulo linaukami-eni avi? Welengani Yakobo 1:19, 20, era eeno tapanyani vyofuka vyo-arelavi:
-
Kodi makolo kanatonyi-ede avi chikondi kaonganga na a-imiwa?
-
Chifukwa n’ni makolo kalunduwa katinafuneela langiza a-imiwa vathawi ineyo? a
5. Mutiti-edenga a-iminyu
Ira mutiti-ede a-iminyu, munafuneela musambaulela mwaninyu uliwetene khani dokuza gonana. Mwina munokoza nyaswanga ira mutapanye na a-iminyu khani dedi. Onelani VIDIYO, era eeno tapanyani vyofuka vyo-arelavi.
-
Chifukwa n’ni makolo amo-iwa vinaarucha tapanya na a-imiwa khani dokuza gonana?
-
Kodi makolo amo-iwa ka-indi-edile chito ndila diivi vowasambaulela a-imiwa khani dokuza gonana?
Baibulo loovaela wonga ira ilambo ya Satanela inerenga takalave. Welengani 2 Timoteyu 3:1, 13, era eeno tapanyani yofuka yo-arelela:
-
Amo-i mwa athu otakala anayo kanaromoliwa mu vesi 13 kanoirela a-ima uwalanga okuza gonana. Ndiye chifukwa n’ni makolo kanafuneela funji-a a-imiwa khani dokuza gonana koma teto mwemo kanavititi-edeleathu wa athu anayo kanaira uwalanga unola?
Nanga munoiziwa?
A Mboni da Yehova kanokumi-a mabuku na vyongo vimo-i vyokami-a makolo ira kafunji-e a-imiwa khani dokuza gonana, koma teto ira kaatiti-ede wa athu anayo kanafuna airela uwalanga. Mofwanafwani-a, onani:
-
Tetezani Ana Anu (vidiyo)
-
“Kuphunzitsa Mwana Wanu Nkhani Zokhudza Kugonana” (Galamukani! Na. 5 2016)
6. Mulemekezenga makolwinyu
A-ima na anyamata kanolemekeza makolwiwa kaonganga mwaulemu na aliwa. Onelani VIDIYO, era eeno tapanyani vyofuka vyo-arelavi.
-
Chifukwa n’ni mwana kapena nyamata unafuneela onga mwaulemu na makolwaye?
-
Kodi nyamata unatonyi-ede avi ira unolemekeza makolwaye aonganga na aliwa?
Welengani Miyambo 1:8, era eeno tapanyani yofuka yo-arelela:
-
Kodi nyamata unafuneela ira n’ni makolwaye kamulangizanga?
7. Mufwanyenga thawi yofunjeda Baibulo monga banja
Mabanja a Mboni da Yehova kanoesaesa fwanya thawi mulungu uliwetene ira kafunjede limo-i Baibulo. Kodi pivyongo vyiivi vyevyo munaire nyo volambela wavabanja? Onelani VIDIYO, era eeno tapanyani vyofuka vyo-arelavi.
-
Kodi banja linaire avi ira liirenge lambela wavabanja mulungu uliwetene?
-
Kodi makolo kanaire avi ira lambela wavabanja ukalenga osangalasa koma teto okami-a? — Onani ithuzithuzi ineyo ili umaambelelo wa murula.
-
Chin’ni inairi-e ira banja linyu lilepelenga funjedela limo-i mawu a Mulungu?
Wan’le wu Izarayeli, Yehova ooembekezela ira banja lililetene lifwanyenga thawi yotapanya malemba thawi detene. Welengani Dotoronomo 6:6, 7, era eeno tapanyani yofuka yo-arelela:
-
Kodi nina-indi-ede chito avi likundo la mulembali?
Vyevyo munaire nyo volambela wavabanja:
-
Kozeela misonkano dapingo.
-
Welenga koma teto tapanya khani ya m’Baibulo ineyo banja linyu linaomeliwenaathu.
-
Akala mun’na a-ima ang’onong’ono, basharini kapena sindikiza vyoi a-iminyu kaire va jw.org.
-
Akala a-iminyu mbaanyamata, tapanyani naaliwa khani yokuza anyamata va jw.org.
-
Panga sewelo limo-iliwa lene la m’Baibulo limo-i na a-iminyu.
-
Onela notapanya vidiyo ya va jw.org.
ATHU AMO-IWA KANAONGA IRA: “Baibulo tilorucha vinjinji moi a-ima katinalivwecheche.”
-
Kodi munasomede avi?
VYEVYO NIFUNJEDILE IYO
Yehova unafuna ira makolo kaomeliwengana a-imiwa afunji-a koma teto atiti-eda. Liye unafuna ira a-ima kalemekezenga novwela makolwiwa koma teto ira banja letene limulambelenga mogwilizana.
Vyofuka Vyoweli-eda
-
Kodi makolo kanaire avi ira kafunji-e koma teto titi-eda a-imiwa?
-
Kodi a-ima kanatonyi-ede avi ira kanolemekeza makolwiwa?
-
Kodi banja linapindule avi lafwanyanga thawi yolambela limo-i mulungu uliwetene?
ONANI VIMO-I
Kodi mbamakalelo aavi anayo kanakami-e ira mwaninyu aulukule pama?
“Makhalidwe 6 Amene Muyenera Kuphunzitsa Ana Anu” (Galamukani! Na. 2 2019)
Onani malangizo anayo Baibulo linapelekaathu wa athu anayo kanasamalela okalamba.
“Kodi Baibulo Limanena Zotani pa Nkhani Yosamalira Makolo Achikulire?” (Khani yavawebusaiti)
Onani yongo ineyo yamukami-ile baba m’mo-iwa unoyo kaaiziwa mwemo munalelele liye a-ima ira akale baba wapama.
Onani vyevyo vinakami-e baba ira agwilizanenga vinjinji na a-imaye aalombwana.
a M’Baibulo mawu woi, “malangizo” kanatapulela funji-a, sogolela, koma teto kami-a muthu ira achenje. Koma katinatapulela zuzumi-a kapena irela muthu uwalanga. — Miyambo 4:1.
