MURU 53
Musakulenga Vyosangalasa Vyoi Kavinakumudwi-e Yehova
Yehova ngu “Mulungu waimwerumweru.” (1 Timoteyu 1:11) Liye unafuna ira nikaena moyo osangalala. Koma teto unosangalala nafwanyanga thawi yovuma, vanduli voi ni-inda chito. M’murula, ninoona vyevyo ninaire iyo ira ni-indi-edenga chito thawi-u yovuma, mundila yoi nisangalalenga koma teto muomeli-a Yehova.
1. Kodi niganizelenga vyongo vyiivi nasakulanga vyosangalasa?
Kodi nyo munaomeliwa panga n’ni vathawi yovuma? Athu amo-iwa kanoomeliwana kala vande welenganga mabuku, vuruwana nyimbo, onela mafilimu, kapena saela vyongo va intaneti. Koma amo-iwa kanoomeliwa dowa enda na afwiwa, dowa sambilela, vocha bola, kapena panga masika amo-iwa. Kaya nisakun’le panga n’ni, thawi detene nisimikizelenga ira vyosakula nipangile iyo ‘pivyosomedeleya wa Mbwiye.’ (Aifeso 5:10) Eeno chipama ganizela likundo leli chifukwa malabwano athu anjinji kanoomeliwa vyosangalasa vyevyo Yehova unaidanana liye, monga vyakondo, vyachiwelewele kapena vyamizimu. (Welengani Salimo 11:5.) Ndiye chin’ni inanikami-e ira nisakulenga vyosangalasa mwazeru?
Naomeliwangana waleda na athu anayo kanaomeliwana Yehova, na-iyene ninolandela makaleliwa apama teto ninerenga sakula vyosangalasa vyapama. Monga mwemo naonele iyo m’muru 48, “muthu owenda na athu azelu, unoza akale wazelu.” Komave akala ninaomeliwana waleda na athu anayo kaana-indi-eda chito makundo a Mulungu vamoywiwa, ‘ninoza nifwanye mavuto.’ — Miyambo 13:20.
2. Chifukwa n’ni ninafuneela samala ira kanikalelenga panga vyosangalasa?
Ngakale ningasakulile vyosangalasa vyoi kavinakumudwi-e Yehova, ninofuneela samala ira kanikedenga panga vyosangalasa. Vili eeno chifukwa yoi nera na-asamale ninokoza lepela fwanya thawi yopanga vyongo vyofuneya vinjinji. Baibulo linonilimbi-a ira ‘ni-indi-edenga chito pama thawi-u.’ — Welengani Aifeso 5:15, 16.
FUNJEDANI VYOWENJEDELEYA
Onani vyevyo vinaukami-eni ira musakulenga vyosangalasa mwazelu.
3. Mupewenga vyosangalasa vyotakala
Chifukwa n’ni ninafuneela samala vosakula vyosangalasa? Onelani VIDIYO, era eeno tapanyani vyofuka vyo-arelavi.
-
Kodi masika anayo kaireya wan’le wu Roma kanafwanafwana avi na vyosangalasa vimo-i vyevyo athu kanairaathu malabwano?
-
Muvidiywela, kodi Danny afunjedile n’ni vyokuza vyosangalasa?
Welengani Aroma 12:9, era eeno tapanyani yofuka yo-arelela:
-
Kodi vesili linaukami-edeni avi vosakula vyosangalasa?
Kodi pivyongo vimo-i vyiivi vyevyo Yehova unaidanana liye? Welengani Miyambo 6:16, 17 na Agalatiya 5:19-21. Mwawelenga lemba lililetene, tapanyani yofuka yo-arelela:
-
Kodi mavesala muromoliwe vyongo vyiivi vyevyo vinafwanyeya vinjinji mu vyosangalasa vyevyo athu kanaomeliwanaathu malambwano?
Vyevyo munaire nyo ira musakulenga vyosangalasa mwazelu
Muvifukenga ira:
-
Kodi vyosangalasavyo vinotangani-avo vyongo vyevyo Yehova unaidanana iliye?
-
Kodi vinondilepeli-a ira vyongo vyofuneya vinjinji?
-
Kodi vinondiiri-a ira ndigwilizanenga na athu anayo kaanaomeliwana Yehova?
Ninafuneela esaesa pewa iliyetene ineyo inani-ele m’mavuto. Eeno akala vali vyosangalasa vimo-i vyevyo ninavikaikela iyo kwapama keda vipewa
4. Mu-indi-edenga chito pama thawinyu
Onelani VIDIYO, era eeno tapanyani yofuka yo-arelela.
-
Ngakale ira m’bali wa muvidiywela kaaonela vyongo vyotakala, kodi vuto laye lali n’ni?
Welengani Afilipi 1:10, era eeno tapanyani yofuka yo-arelelela:
-
Kodi vesili linanikami-ede avi pewa malela thawi injinji vavyongo vyosangalasa?
5. Musakulenga vyosangalasa vyapama
Ngakale ira viikala vyosangalasa vinjinji vyevyo Yehova kanasangalalana, viikala vinjinji vyoi kavinamukumudwi-e. Welengani Namalaleya 8:15 na Afilipi 4:8, era eeno tapanyani yofuka yo-arelela:
-
Kodi pivyosangalasa vyapama vyiivi vyevyo munaomeliwana nyo?
Viikala vyosangalasa vyapama vyevyo munaire nyo
ATHU AMO-IWA KANAONGA IRA: “Kan’naonavo vuto lililetene na vyosangalasa monga vyakondo, vyachiwelewele kapena vyamizimu. Riya uwa kai miyo unaviira.”
-
Kodi nyo munaviona avi?
VYEVYO NIFUNJEDILE IYO
Yehova unafuna ira nisakulenga vyosangalasa vyapama.
Vyofuka Vyoweli-eda
-
Kodi Akiristu kanafuneela pewa vyosangalasa vyoi avi?
-
Chifukwa n’ni ninafuneela pewa malela thawi vavyosangalasa?
-
Chifukwa n’ni munafuneela sakula vyosangalasa vyoi kavinakumudwi-e Yehova?
ONANI VIMO-I
Kodi mbaani un’na udindo wonisakulela vyosangalasa? Welengani khanila ira muiziwe yosomeda iwa.
“Kodi Muli ndi Lamulo Loletsa Mavidiyo Ena, Mabuku Ena Ndiponso Nyimbo Zina?” (Khani yavawebusaiti)
Onani makundo anayo kanaukami-eni sakula pama vyosangalasa.
Mukhani yoi “Ndinasiya Ngakhale Kudana Ndi Azungu,” onani chifukwa iwa muthu m’mo-iwa a-iile vyevyo aomeliwana liye ira vathawi yosangalala.
“Baibulo Limasintha Anthu” (Nsanja ya Olonda, February 1, 2010)
Onani vyevyo vyamukami-ile m’ma m’mo-iwa ira asakule vyongo mwazelu vakhani ya vyosangalasa vyokuzana na vyamizimu.
