MURU 55
Mukami-enga Pigwinyu
Vailambo yetene, atumiki a Yehova kanosangalala tumikela Yehova m’mipingo damudela lelo kanakalaathu. Aliwa kanosangalala na malangizo anayo kanawachelaathu, teto kanoesaesa kami-a pingwiwa mundila do-iyana-iyana. Kodi munaona ira nanyen’ne munofuneela kami-a pingwinyu?
1. Kodi muna-indi-ede chito avi thawi na kopolo dinyu vokami-a pingo?
Iyo etene ninokoza kami-eda pingo mundila do-iyana-iyana. Mofwanafwani-a, kodi mupingwinyu muukala athu okalamba, kapena anayo kanabulela? Kodi munokoza akami-eda ira kafwanyeenga vamisonkano? Kapena munokoza akami-eda vyongo vimo-i, monga dowa agulela vyongo, kapena dowa a-indela chito davande? (Welengani Yakobo 1:27.) Ninokoza vipeleka teto dowa kami-eda sakaeda noweli-a Nyumba ya Umweni-u. Kalivo unanikanyi-eda ira ni-indenga chito inela. Koma chifukwa yoi ninowomeliwana Yehova na abali-u, ‘ninovipeleka mofunechecha.’ — Salimo 110:3.
A Mboni da Yehova obadiziwa kanokoza kami-eda teto pingo mundila dimo-i. Abali anayo kanakwakwani-a makundo a m’malemba, owakami-a ira kafwanelele maudindo mupingo, kanokoza sakuliwa ira katumikele monga atumiki okami-a, moi vira wathawi kanokoza fwanelela ira kakale andimuwa. Abali koma teto arongola kanokoza wenjedela vyevyo kanairaathu va chito yolaleela votumikela monga apainiya. Amboni amo-iwa kanokami-eda indana chito yomanga malo olambelela, kapena kanotamela upingo wewo unafuneela athu woi kakami-ede.
2. Kodi nina-indi-ede avi chito ndalama na vyongo vi-u vokami-a pingo?
Ninokoza ‘lemekeza Yehova na vyongo vi-u vyamtengo wavadimu.’ (Miyambo 3:9) Ninosangalala vinjinji indi-eda chito ndalama na vyongo vimo-i, ira dikami-e pingwi-u koma teto chito yolaleela ineyo inaireya vailambo yetene. (Welengani 2 Akorinto 9:7.) Teto vyongo vyevyo ninapeleka iyo, vino-indi-ediwa chito vaireya ngozi da muchilegedwe. Athu anjinji kanosakula ira thawi detene ka-elenga imo-iwene vambali ira kakwakwani-e peleka. (Welengani 1 Akorinto 16:2.) Ninokoza peleka ndalama di-u vo-indi-eda chito mabokosi avyopeleka anayo kanafwanyeya m’malwi-u olambelela, kapena ninokoza peleka zela va donate.pr418.com. Yehova univa-a mwai wotonyi-eda ira ninomuomeliwana moi ninoira vyevi vopeleka vyongo vyevyo nin’na iyo.
FUNJENDANI VYOWENJEDELEYA
Ganizelani ndila dimo-i dedo munakami-edele nyo pingo.
3. Ni-indi-edenga chito vyongo vyevyo nin’na iyo
Yehova na Yesu, kanoomeliwana athu anayo kanapeleka mosangalala. Mofwanafwani-a, Yesu ooyamikela mu-iyana wamasiye m’mo-iwa unoyo ngakale an’na ndalama doyeva vinjinji oodipeleka wa Yehova. Welengani Luka 21:1-4, era eeno tapanyani vyofuka vyo-arelavi:
-
Kodi nipelekenga wa Yehova vokaavevo nin’na iyo ndalama dinjinji?
-
Kodi Yehova na Yesu kanavwa avi napeleka mokumela vati vamurima?
Ira muone mwemo vyopeleka vi-u vina-indelaathu chito, oneleni VIDIYO. Era eeno tapanyani vyofuka vyo-arelavi.
-
Kodi vyopeleka vina-indi-ediwa chito avi ira vikami-e mipingo vailambo yetene?
4. Ninokoza vipeleka indana chito dimo-i
Atumiki a Yehova awan’le koovipeleka vo-inda chito yosakaeda malwiwa olambelela. Aliwa kooira vyevi ngakale ira kali kangapelekile wan’le ndalama dokami-eda chito inela. Welengani 2 Limbili 34:9-11, era eeno tapanyani yofuka yo-arelela:
-
Kodi mtumiki wa Yehova uliwetene wu Izarayeli, akami-ana avi vosamalela nyumba ya Yehova kapena malo olambelelamo?
Ira muone mwemo a Mboni da Yehova kanairelaathu vyongo mogwilizana na isazo ya m’Baibulwela, onelani VIDIYO. Era eeno tapanyani vyofuka vyo-arelavi.
-
Chifukwa n’ni ninafuneela indana chito yosakaeda koma teto weli-a Nyumba ya Umweni-u?
-
Kodi pivyongo vyiivi vyevyo munaire nyo vokami-a samalela malo olambelela?
5.Abali kanokoza wenjedela vyevyo kanairaathu ira kafwanelele va-iwa maudindo amo-i
Malemba kanolimbi-a abali ira kaesaesenga panga vyetene vyevyo kanawandeathu vokami-eda pingo. Ira muone isazo ya vyevyo kanairaathu, onelani VIDIYO. Era eeno tapanyani vyofuka vyo-arelavi.
-
Muvidiywela, kodi Ryan airile vyoi avi ira airenga vinjinji vokami-eda pingo?
Baibulo linosambaula vyevyo abali kanaireathu ira kafwanelele kala atumiki okami-a koma teto andimuwa. Welengani 1 Timoteyu 3:1-13, era eeno tapanyani vyofuka vyo-arelavi:
KODI MUTHU M’MO-IWA ANGAUFUKILENI IRA: “Kodi a Mboni da Yehova kanafwanya waani ndalama doendi-ana chitwiwa?”
-
Munamusomede avi?
VYEVYO NIFUNJEDILE IYO
Yehova unoyamikela vinjinji vyetene vyevyo ninaira iyo vo-indi-eda chito thawi-u, kopolo di-u, koma teto vyongo vyevyo nin’na iyo vokami-eda pingo.
Vyofuka Vyoweli-eda
-
Kodi nina-indi-ede chito avi thawi-u na kopolo di-u vokami-eda pingo?
-
Kodi nina-indi-ede chito avi vyongo vyevyo nin’na iyo vokami-eda pingo?
-
Kodi pivyongo vyiivi vyevyo munafuneela nyo panga vokami-eda pingo?
ONANI VIMO-I
Onani chifukwa iwa Mulungu kanafuna ira athu anayo kanamulambela kapelekenga yakumi malambwano.
“Kodi Baibulo Limanena Zotani pa Nkhani Yopereka Chakhumi?” (Khani yavawebusaiti)
Baibulo linopeleka maudindo wa abali obadiziwa. Nanga bwanji alongo obadiziwa kanofuneya va-iwa maudindo anala
“Udindo Umene Akulu Ali Nawo Mumpingo” (Nsanja ya Olonda, February 2021)
Onelani vidiywela ira muone vyevyo a Mboni amo-iwa olimba murima kairaathu ira kapeleke mabuku wa Akiristu afwiwa.
Onani ndila ineyo ninafwanyela iyo ndalama doendi-ana chitwi-u ineyo ili yo-iyana vinjinji na vipembezo vimo-i.
“Kodi Ndalama Zoyendetsera Ntchito Yanu Zimachokera Kuti?” (Khani yavawebusaiti)
