Namarumiwa Paulo oomulembela kalata Timoteyu, unoyo ali ndimuwa fwae, moi aongile ira: “Ndinaulamula mwakopolo vamaso va Mulungu na Kristu Yesu koma teto angelo oira sakuliwa, ira u-arelenga malangizo anala vookaana sakulo kapena kondela.” — 1 Tim. 5:21.

Yowambela, tiyemoni nikambilane vya angelo anayo katili mugulu leli. Vinakeda oneya ira ka-i angelo a 144 000. Vevo Paulo amulembela liye Timoteyu kalatela, Akristu ozoziwa kali kaanambeele venyi-iwa nodowa udimu. Vathawi ineyo, anamarumiwa koma teto ozoziwa amo-i kali kaanakale vyolengiwa vya uzimu, eno aliwa ka-i “angelo oira sakuliwa”. — 1 Akor. 15:50-54; 1 Ates. 4:13-17; 1 Yoh. 3:2.

Koma teto ‘angelo oira sakuliwala ka-i angelo anayo katavwele Mulungu vathawi yaigumula. Angelo anala kookala umbali ya Satana moi kookala viwanda koma teto adani a Yesu. (Gen. 6:2; Luka 8:​30, 31; 2 Pe. 2:4) Usogolo, aliwa kanoza ka-eeliwe mundende wa chaka 1 000 koma vaduli viwa kanoza kaonongiwe vamo-i na Satana Mdjerekezi. — Yuda 6; Chiv. 20:1-3, 10.

“Angelo oira sakuliwa,” anayo Paulo aaromolile liye, vinaoneya ira mba angelo ororomeleya anayo kali umbali ya “Mulungu na Kristu Yesu.”

Udimu ukala angelo masauzande anjinji anayo kali ororomeleya. (Aheb. 12:22, 23) Koma kaninafuneya ganiza ira aliwa kano-inda chito dofwanafwnana va thawi imo-ive. (Chiv. 14:17, 18) Umbuwelani ira thawi imo-iwa ngelo oova-iwa chito yoononga asilikali a Asuri okwakwana 185 000. (2 Mam. 19:35) Angelo anjinji koova-iwa chito ‘yoza chosa mu Umwene [wa Yesu] vyongo vyetene vyotakala koma teto athu etene oovwela malamulo.’ (Mat. 13:39-​41) Angelo amo-iwa teto kanoza ka-inde chito ‘yoza sonkani-a osakuliwae udimu. (Mat. 24:31) Koma angelo amo-iwa koolamuliwa ira kanitetezenga mundila di-u detene.’— Sal. 91:11; Mat. 18:10; Erekezelani na Mateyu 4:11; Luka 22:43.

“Angelo oira sakuliwa” oromoliwa va 1 Timoteyu 5:​21 vinaoneya ira mba angelo anayo kava-iwe chito davadela dokami-a mipingo. Mu chaputala inela, Paulo oopeleka malangizo azelu anayo kanakami-a andimuwa ira ka-indenga pama chito diwa dedo dinapangi-e ira athu amo-iwa kaalemekezenga. Andimuwa kanafuneya inda chito diwa moosakula muthu moi katinafuneya sakula vyongo kapena weluza mopupuluma. Chifukwa ilukulu ineyo inapangi-a ira andimuwa ka-arelenga malangizo owandeliwa a Paulo chi yoi aliwa kano-inda chito damupingo “vamaso va Mulungu na Kristu koma teto angelo oira sakuliwa” Eno vinakeda oneya ira angelo amo-iwa kano-inda chito dokami-a pingo monga teteza atumiki a Mulungu, akami-a va chito yolaleela koma teto muwandela Yehova mwemo vyongo vina-edelaathu. — Mat. 18:10; Chiv. 14:6.