Ndabaliwe mu 1955, ndipo ndali mwana ogomi-eda va a-ima aalombwana aralu. Ndaulukulele vakwikwi na damu limo-iliwa um’mwela wailambo ya Finland wewo panopa uli taoni ya Vantaa.

Am’manga koobadiziwa nokala a Mboni da Yehova unga-alile chaka doyeva ira ndibaliwe. Koma ababanga kooruni-a choonadi ndipo katalola ira am’manga kanifunji-enga kapena nitukula vodowa umisonkano. Eno am’manga kandifunji-a makundo a m’Baibulo ababanga kavenyavo.

Keda ambeela ndangali mwana, ndooesaesa vwela Yehova. Mwaisazo, vathawi imo-iwa ndangan’na chaka 7 aphunzisanga koolunduwa vinjinji chifukwa yoi ndookoonda dja makeke anayo katangani-iwe na magazi vophiya. Ndiye koondifinya matama na ndanda limo-i ira ndi-ule umulomo wanga ndipo na ndanda limo-iliwa kootukula supuni yokala na kekeyo ira kandidji-e. Koma ndookwakwani-a atatili-a supuniyo.

Ababanga kootatiya ndangan’na chaka 12. Kangatatiile ndoowambeela fwanyeya vamisonkano. Abali na arongola mupingo koondikonda ndipo vyevi vyoonditandiza ira ndikale va usamwali na Mulungu. Ndoowambeela welenga Baibulo dambo lililetene koma teto funjeda mabukwi-u mwatindi. Vyevi vyoopangi-a ira ndibadiziwe ndangan’na chaka 14, va 8 Ogaste, 1969.

 Ndingakede mari-a sukulu ndoowambeela upainiya wogarateya. Vangavirile milungu doyeva ndootamela udela wewo wafuneya olaleela anjinji. Delali ti la Pielavesi, ndipo lili vaari va ilambo ya Finland.

Wu Pielavesi, kuwewo ndagumanile miyo na musikana m’mo-iwa zina lae Sirkka unoyo vanduli viwa akalile iyananga. Ndookopeya noviyevi-a wae koma teto chifukwa yoi unomukonda vinjinji Yehova. Liye kaafuna vyongo vinjinji kapena teto chuka. Nootelana va 23 Marichi, 1974. M’malo modowa umalo amo-iwene ira nidowe nasangalale vanduli va ukwati-u, noodowa wu Karttula, wewo wafuneya olaleela Umwene anjinji.

Keda ambeela vevo natelanile iyo, Yehova oonisamalela chifukwa yo-ela vyongo vya Umwene vamalo owambeela. (Mat. 6:33) Mwaisazo, vevo nali iyo wu Karttula, kanan’na galimoto moi naenda va njinga. Munyengo yodidila, unde woodidila vinjinji mpakana ma-inje kooundana. Ira niwande laleela mugawo la pingwi-u lelo lali lilukulu, nafuneya galimoto, koma kanan’na ndalama.

Thawi imo-iwa nchimwenanga ooza za niona. Liye ooniomela murima noniva-a galimotwae. Ndipo ali angalivele wale misonkho detene. Iyo nafuneya nikedenga gula makura ba-i. Eno veva noofwanya galimoto ineyo naifuna iyo wa thawi indendai.

Veva Yehova oonitonyi-eda ira unerenga kwakwaneli-eda udindwae woniva-a vyofuneya vamoyo. Iyo nafuneya nikedenga ela vya Umwene vamalo owambeela.

Mu 1978, ningavolowile Sukulu ya Utumiki Waupainiya, M’bali Raimo Kuokkanen, a unoyo ali m’mo-i mwa alangizi-u, oonilimbikisa ira nisaine fomu ya Sukulu ya Giliyadi. Eno noowambeela funjeda Ingelezi ira nize nivolowena sukulu inela. Koma mu 1980, na-anafukede sukulwila, kooniitana ira nidowe natumikelenga wu ofesi ya tambi wu Finland. Vathawila atumiki a va Beteli katan’na mwayi ovolowa sukulu inela. Koma iyo nafuna ira nitumikelenga wewo Yehova unafuna liye o-okala wewo nafuna iyo, eno noosomedela. Komave noopitiliza funjeda Ingelezi ira mwina usogolo ninokoza zakala na mwayi ovolowa Sukulu ya Giliyadi.

 Vangavirile chaka doyeva, Bungwe Lolamulela loosomedela ira atumiki ava Beteli kanokoza volowana Sukulu ya Giliyadi. Thawi ineyo noosaina mafomu koma kaninatantauza ira kanasangalala na utumiki wava Beteli. Nafuna ira nikede kala okozeya dowa tumikela uliwetene wewo unafuneye. Nooitaniwa ira nidowe navolowe kalasi nambala 79 ya Sukulu ya Giliyadi ndipo noomari-a maphuzilo mu Septembala 1985. Ningamari-ile kanitumizile wu Colombia.

Wu Colombia, utumiki-u owambeela wali wa wu ofesi ya tambi. Ndooesaesa panga vyevyo ndinawande miyo vautumikanga, koma vangakede vira chaka imo-i, ndoowambeela ona ira bola kandichenje. Wathawi yowambeela vamoywanga ndoovepa ira kandiva-e utumiki umo-iwa. Vanduli viwa nootumiziwa monga amishonale mu mzinda wa Neiva, muchigawo ya Huila.

Chito yolaleela inondisangalasa vinjinji. Nda-anatele, vevo ndapanga miyo upainiya wu Finland, thawi dimo-i ndoowambeela laleela mamawa vinjinji mpakana mazulo. Nangakede telana wene, miyo na Sirkka noolaleela teto dambo letene. Nalaleelanga mugawo laundendai, thawi dimo-i nagona mugalimoto. Vyevi vyootandiza ira kaniononge thawi yoinjiva ira niende dambo lo-arela ndipo noowambeela laleela mombaraanya.

Eno nangakede kala amishonale, noowambeela nawili sangalala na utumiki ngati vowambeela. Pingwi-u ooulukula ndipo abali na arongola wu Colombia kali aulemu, achikondi koma teto oyamikela.

Vakwikwi na wu Neiva wewo nalaleela iyo, ookala mataoni ambiili wewo kawali wa Mboni uliwetene. Ndoofunechecha ira uthenga wapama ufiye teto m’mataoni anala. Koma chifukwa yoi m’madelala mooireya kondo davachiweniweni, alendo katakala otetezeya. Eno ndoopempela ira m’mataoni ambiilala mufwayeye muthu oyi afunjede nokala wa Mboni. Ndoofuna ndingagumanile na muthu okumela m’mataoni ambiilala wu Neiva ira afunjede choonadi ira adowe waniwa ira alaleelenga. Kandaiziwa ira Yehova ukaana ndila yapama vinjinji kwaranya ineyo ndaganizela miyo.

Va-anavire thawi yolapa ndoowambeela funjeda Baibulo na muzombwe m’mo-iwa zina lae Fernando González. Liye akala wu Algeciras, ineyo ili imo-i mwa mataoni ambiilale anayo kawali wa Mboni uliwetene. Fernando ooenda ulendo wa makilomita okwaranya 50 za inda chito wu Neiva. Ookozeela pama phuzilo liletene ndipo oowambeela fwanyeya vamisonkano detene. Keda ambeela mulungu unoyo aambeele liye funjeda, Fernando oowambeela sonkani-a athu amutaoni ya waniwa nowafunji-anga vyevyo ufunjedile liye m’Baibulo.

Fernando abadiziwe mu Januwale 1990, vangakede vira medi 6 kumela vevo aambeele liye funjeda Baibulo. Vangakede vira thawi yoyeva oowambeela upainiya ogarateya. Voi sopano wu Algeciras ookala wa Mboni, vyali vyo-orucha ira ofesi ya tambi itumizewo apainiya avadela. Mu Febuluwale 1992, mutaonila moogarati-iwa pingo.

Kodi Fernando akeda laleela mutaoni ya waniwa oka? Naari! Angatelile, liye na iyanae kootamela mutaoni ya San Vicente del Caguán. Ila chi  taoni imo-i mwa mataoni anayo kawali wa Mboni. Aliwa kootandiza ira mutaonila mugarati-iwe pingo. Mu 2002, Fernando oo-eliwa kala oing’anela dela ndipo liye na iyanae Olga, kanopitilizave panga utumiki unola.

Kumela va vyevyo vyandiireelevi, ndifunjeda funeya oromola mwachindunji khani dokuza Umwene dedo ndinapempelela miyo. Yehova unopanga vyevyo iyo kaninakwakwani-e. Ndipo chito yo-andela kai yee-u, koma chi yaae. — Mat. 9:38.

Mu 1990 noova-iwa utumiki oing’anela dela. Dela li-u lowambeela lali mu taoni ya Bogotá ineyo ili likulu la ilambwela. Nookaana mantha na utumiki unola. Miyo na iyananga kanin’na luso lililetene lavadela koma teto nali na-analemeele kala mu mataoni alukulualukulu. Komave Yehova ookwakwaneli-eda lonjezo lae lava Afilipi 2:13 loi: “Mulungu ngunoyo unaulimbi-ani. Unouva-ani murima ofuna panga vyongo vyevyo vinamuomela koma teto unouva-ani kopolo dopangela vyongovyo. Liye unopanga vyevi chifukwa pivyevyo vinamusangalasa.”

Vanduli viwa noodowa dowa tumikela mudela limo-iliwa mutaoni ya Medellín, ineyo ndiiromolile miyo umaambeelelo ule. Athu a wewo kali kangalemeelile vyachiwawa vyevyo vyaireya musewu ndipo kataviona ngati yongo. Mwaisazo, vathawi imo-iwa ndipangi-anga phuzilo la Baibulo, athu koowambeela ombelana futi vande va nyumba ineyo nali iyo. Miyo ndoofuna gonati vati ira ipolopolo kindifwanye koma ndoodabwa ira ofunjedoyo kavyamukuza ndipo akeda pitiliza welenga ndima. Angamari-ile welenga ookuma vande. Vangakede vira thawi yoyeva, liye ooza na a-imae ang’onong’ono ambiili ndipo aongile ira: “Pepani, ndadowile dowa atukula kaye a-imala.”

Vikala teto thawi dimo-i vevo moywi-u wakalaathu vangozi. Dambo limo-i nilaleelanga, iyananga ooza atamanganga ndipo aoneya wamantha vinjinji. Aongile ira muthu m’mo-iwa oofuna muombela futi. Vyevi vyoondipangi-a mantha vinjinji. Koma vanduli viwa noozindikila ira muthu wa futiyo, kaafuna muombela Sirkka koma afuna amuombele muthu m’mo-iwa unoyo avira vakwikwi na Sirkka.

Vangavirile thawi noowambeela lemeela ndipo kanaova vyachiwawa vyevyo vyaireya musewu. Limba murima wa a Mboni amudela leli anayo kagumana na vyongo ngati vyevi mwina teto vyoopi-a kwaranya vyevi, woonilimbikisa vinjinji. Naona ira ngati Yehova unaatandiza ndiye kuti na-iyene teto unoza anitandize. Thawi detene noo-arela malangizo a andimuwa, panga vyongo mosamala, koma teto iya vyongo vyetene m’mandani mwa Yehova.

Komave thawi dimo-i vyongo kavyafiya votakala ngati mwemo naganizela iyo. Mwaisazo, dambo limo-i ndoovwa ngati azimai ambiili kanaakangana vande va nyumba. Kandaomeliwa onela athu kakangananga koma mwinyailo wa nyumbeyo oondiitana ira ndidowe ndakale vakonde. Vanduli viwa ndoozindikila ira kai athu anayo kakangana koma dali mbalame doromoliwa maparoti ndipo mbalamedi dapanga masika oerekezela vyevyo athu a nyumba davakwikwi kapangaathu.

Mu 1997, ndoo-eliwa kala mulangizi wa Sukulu Yofunji-a Utumiki. b Ndoosangalala wachela maphuzilo a m’masukulu a gulu, koma ndali nda-anaganizelevo vyoi dambo limo-i ndinoza ndikale na mwayi ofunji-ana m’masukulwala.

Vanduli viwa ndoo-eliwa teto ira ndikale oing’anela chigawo. Porogaramu yoi vakalenga oing’anela chigawo ingamalile, ndoowelela dowa kala oing’anela dela. Eno wa chaka dotamangela 30 ndoosangalala tumikela monga mulangizi koma teto oing’anela oendaenda. Ndoofwanya madaliso anjinji vopanga mautumiki anala. Komave kai thawi detene vevo vyongo vyaendaathu pama. Dedi-ani ndiufotokozeleni.

Mwachibadwa ndili olimba murima. Ikalelo inela ikala inditandizanga ndagumana na vyongo vyorucha. Komave thawi dimo-i ndikala ndipanganga vyongo mopupuluma vofuna koza vyongo m’mipingo. Mwaisazo, ndikala ndilimbikisanga athu amo-iwa ira katonyi-edenga chikondi koma teto kaganizelenga afwiwa. Koma onga vyoona, vathawi imo-ive ineyo namiyene ndoovuteya tonyi-eda makalelo anala. — Arom. 7:21-23.

Thawi dimo-i ndookumudwa chifukwa ya vyevyo ndalakwi-a miyo. (Arom. 7:24) Dambo limo-i ndoomuwandela Yehova mpempelo ira bola ndikede iya umishonale nowelela wu Finland. Mazulo a dambo leli ndoodowa umisonkano da pingo. Vyevyo ndafunjedile miyo vyoondithandiza ona ira kandinafuneya iya utumikila koma ndikede esaesa koza vyevyo ndalakwi-a miyo. Keda kumela vathawi inela, ndinolimbikisiwa chifukwa ya mwemo Yehova asomedele liye pempelo langa. Ndinoyamikela teto ira unditandiza moona murima ira ndilimbane na vyevyo ndinalakwi-a miyo.

Miyo na Sirkka ninomuyamikela Yehova chifukwa yoniva-a mwayi okala muutumiki wa thawi detene wachaka dinjinji eni. Ndinomutokoza teto Yehova chifukwa yondiva-a iyana wachikondi koma teto ororomeleya.

Chineneveva ndinokwakwani-a chaka 70 ndipo ndino-iya tumikela monga mulangizi koma teto oing’anela dela komave vyevi kavinandikumudwi-a. Ndinaonga eni chifukwa yoi ndinororomela ira ninolemekeza Yehova namutumikelanga moviyevi-a koma teto mulambela chifukwa yomukonda koma teto muyamikela. (Mik. 6:8; Maliko 12:32-34) Muthu unolemekezave Yehova ngakale akala ira kanapanga utumiki ooneya vamaso va athu.

Ndaganizela mautumiki anayo ndikalile miyo ndipanganga, ndinoona ira kandiawachelile chifukwa yoi ndali okwaranya athu amo-iwa, kapena chifukwa yoi ndookaana luso limo-iliwalene lavadela. M’malomwiwa Yehova andiva-ile mautumiki anala chifukwa yooma murima wae ulukulu. Ndipo oondiva-a ngakale ira ndoolakwi-a vyongo vimo-i. Ndinoiziwa ira Yehova ngunoyo ukalile anditandizanga ira ndikwakwani-e mautumiki anala. Eno ndinokoza onga ira fooka wanga upangi-a ira kopolo da Yehova dioneele. — 2 Akor. 12:9.