KHANI YOFUNJEDA 33
NYIMBO 130 Muzikhululuka
Kodi Pingo Unasazi-ede Avi Maganizo a Yehova Vakhani ya Athu Ochimwa?
“Muthu apanga chimo, nikaana onikami-a.” — 1 YOH 2:1.
VYEVYO NINAFUNJEDE IYO
Mukhanila ninokambilana vyevyo ninafunjedavo iyo va vyevyo vyaireile mupingo wau Korinto muthu m’mo-i angapangile chimo lilukulu.
1. Kodi Yehova unafuna ira athu etene kapange n’ni?
YEHOVA oova-a athu ufulu osakula. Nino-indi-edanga chito ufulu unola thawi detene nasakulanga vyoira mwazelu. Khani yofuneya vinjinji ineyo uliwetene unafuneya liye sakula chi yokuza vipeleka wa Yehova nokala m’banja la athu anayo kanamulambela. Yehova unafuna ira muthu uliwetene apange vyevi. Chifukwa n’ni? Chifukwa unowaomeliwana athu koma teto unowafunela vyapama. Liye unafuna ira akale vausamwali na aliwa koma teto kaze kafwanye moyo oomala. — Doto. 30:19, 20; Agal. 6:7, 8.
2. Kodi Yehova unafuna ira athu anayo katilapile kapange n’ni? (1 Yohani 2:1)
2 Yehova kanakanyi-eda muthu uliwetene ira amutumikelenga. Liye unafuna ira muthu uliwetene asakulenga ekave vyevyo unafuna liye panga. Kodi inaireya chin’ni ngati Mkiristu obatiziwa uphwanyile lamulo la Mulungu nopanga chimo lilukulu? Ngati kanalape, unafuneya chosiwa mupingo. (1 Akor. 5:13) Koma ngakale vili eno, Yehova unoembekezela ira muthu unoyo upangile vyotakaloyo dambo limo-i unoza awelele wa liye. Moi chi chifukwa iwa apelekile dipo ira athu ochimwa anayo kalapile kakululukeliwenga. (Welengani 1 Yohani 2:1.) Mulungwi-u wachikondi unovepa athu anayo kapangile chimo ira kalape. — Zak. 1:3; Arom. 2:4; Yak. 4:8.
3. Kodi ninakambilana n’ni mukhanila?
3 Yehova unafuna ira nisazi-edenga maganizwae va khani ya machimo koma teto athu anayo kapangile chimo. Mukhanila ninokambilana mwemo ninapangele iyo vyevi. Mwawelenganga khanila munoona (1) vyevyo vyaireile mupingo wau Korinto muthu m’mo-iwa angapangile chimo lilukulu, (2) malangizo anayo namarumiwa Paulo apelekile liye muthu ochimoyo angalapile, koma teto (3) mwemo khani ya m’Baibulo inela inatonyi-edelaathu mwemo Yehova munaonela liye Akiristu anayo kapangile chimo lilukulu.
VYEVYO PINGO WAU KORINTO WAPANGILEATHU MUTHU M’MO-IWA ANGAPANGILE CHIMO LILUKULU
4. Kodi chin’ni yaireile mupingo wau Korinto? (1 Akorinto 5:1, 2)
4 Welengani 1 Akorinto 5:1, 2. Va ulendwae wanaralu waumishonale, Paulo oovwa khani imo-i yokumudwi-a ineyo yaireile mupingo wau Korinto unoyo wali wangakede garati-iwa wene. M’bali m’mo-iwa oogonana na am’mae omufwanya. Ikalelo inela yali yotakala vinjinji moi ‘ngakale athu a mitundu dimo-i katapanga ikalelo yotakala ngati inela.’ Akiristu a wewo kaganiza ira kavali vuto ira m’bali oyi enoyo apitilizeve kala mupingo. Mwina amo-i kooganiza ira vyevi vinatonyi-eda ira Mulungu ngwachifundo koma teto unowavwechecha athu anayo kai angwiro. Koma Yehova kanalekelela vyotakala vaari va athwae. Vopanga vyongo moonyaswa eni, muthuyo oowononga limbili la pingo. Liye ookoza teto sokoneza Akiristu anayo aaledana liye. Ndiye kodi Paulo aalangizile pingoyo ira upange n’ni?
5. Kodi Paulo alangizile ira pingo upange n’ni, nanga atapulela n’ni? (1 Akorinto 5:13) (Onani teto ithuzithuzi.)
5 Welengani 1 Akorinto 5:13. Mowandeliwa, Paulo oolemba kalata moi oopeleka malangizo oyi muthu ochimoyo achosiwe mupingo. Kodi Akiristu ororomeleya kafuneya panga n’ni na muthuyo? Paulo ooawandela ira ‘ka-iye gwilizana’ na liye. Kodi veva atapulela n’ni? Liye oofotokoza ira lamulo leli linotangani-avo “ngakale dja limo-i na muthu oyi enoyo” kai ofwanelela. (1 Akor. 5:11) Dja limo-i na muthuyo unokoza pangi-a ira niambeele aleda. Va pivyoneya ira Paulo atapulela ira Akiristu katafuneya aleda na muthuyo. Vyevi vyooteteza ira athu mupingomo katisokonezeye na makalelwae otakala. (1 Akor. 5:5-7) Enjedela vevo, iya aleda na muthuyo ookami-a ira muthuyo azindikile ira ulapelana vinjinji na Yehova, anyaswe koma teto alape.
Mosogoleliwa na Mulungu, Paulo oolemba kalata yopeleka malangizo oyi kamuchose mupingo muthu oolapa (Onani ndima 5)
6. Kodi Akiristu awu Korinto koma teto muthu unoyo apangile chimo kapangile avi kangawachelile kalata ya Paulo?
6 Angatumizile kalatae wa Akiristu awu Korinto, vinaoneya ira Paulo ooganizela vyevyo pingoyo unapangeathu waachela kalateyo. Vyangairile eno Tito ooza na uthenga unoyo wamusangalasile. Akiristwayo koowachela pama kalatae. (2 Akor. 7:6, 7) Aliwa koo-arela malangizo a mu kalateyo. Vaanavire thawi indendai kumela vevo Paulo aatumizile liye kalatae, muthu ochimoyo oolapa nochenja ikalelwae yotakala. Moi oowambeela arela malangizo a makundo olungama a Yehova. (2 Akor. 7:8-11) Ndiye kodi Paulo alangizile pingoyo ira upange n’ni?
VYEVYO PINGO WAPANGILEATHU MUTHU UNOYO APANGILE CHIMO ANGALAPILE
7. Kodi muchosa mupingo muthu unoyo apangile chimo wamukami-ile avi? (2 Akorinto 2:5-8)
7 Welengani 2 Akorinto 2:5-8. Paulo aongile ira ‘sumululiwa na athu anjinji eni wali okwakwanela wa muthu unola.’ Mawu amo-i ninokoza onga ira ilango inela yoomukami-a. Kodi yamukami-ile avi? Yoomukami-a ira alape. — Aheb. 12:11.
8. Kodi Paulo alangizile pingo ira upange n’ni?
8 Vanduli viwa Paulo oolangiza pingoyo ira: “Mukululukeleni na murima wetene koma teto mumiali-a” “nomusimikizela ira munomuomeliwana.” Onani ira Paulo afuna ira pingoyo upange vinjinji ookala keda lola ira awelele mu gulu la Yehova. Paulo afuna ira vyoonga koma teto vyoira viwa vimusimikizele muthuyo ira koomukululukela na murima wetene koma teto kanomuomeliwana. Vyevi vyootonyi-eda ira aliwa koomuwachela nawili mupingo.
9. Chifukwa n’ni athu amo-iwa vyaarucha kululukela muthu unoyo alapile?
9 Kodi athu amo-i mupingomo vyoowarucha muwachela nawili muthu ochimwa unoyo alapile? Baibulo kalinaonga koma mwina vookala athu amo-i. Moi vyoira vyae vyoowambeli-a mavuto mupingo koma teto nyaswi-a athu amo-i. Mwina teto amo-i koona ira kai chilungamo wachela nawili muthuyo monga m’baliwa chifukwa aliwa kooesaesa kaana makalelo apama. (Erekezelani na Luka 15:28-30.) Ndiye chifukwa n’ni pingoyo wafuneya mutonyi-eda chikondi yeniyeni wa m’baliwa unoyo alapilela?
10-11. Kodi yaireye chin’ni aakale ira andimuwa katamukululukele muthu ochimwa unoyo alapile?
10 Kaganizelani vyevyo vyaireye ngati andimuwa katinafuna muwachela nawili muthu olapoyo mupingo kapena teto ngati vanduli voweli-ediwa Akiristu afwae katinafuna mutonyi-eda chikondi. Liye ookoza kaana “chisoni vinjinji.” Moi erenga viona ira kanatumikele nawili Yehova. Vyomurucha teto ira apitilize sakaeda usamwalae na Mulungu.
11 Yongo yoopi-a vinjinji chi yoi ngati abali na arongolayo katafuna mukululukela muthu olapoyo oosokoneza usamwalae na Yehova. Chifukwa n’ni ninaonga eno? Chifukwa m’malo momusazi-eda Yehova unoyo unakululukela athu ochimwa anayo kalapile, koomusazi-eda Satana unoyo uli ookaana chifundo koma teto wankaza. Aliwa kakala ngati vida vyevyo Mdyelekezi unavi-indi-eda liye chito vofuna lepeli-a muthuyo ira aambeele tumikela nawili Yehova. — 2 Akor. 2:10, 11; Aife. 4:27.
12. Kodi pingo wamusazi-eda avi Yehova?
12 Ndiye kodi pingo wau Korinto wamusazi-ede avi Yehova, ookala Satana? Aliwa kookoza panga vyevi vosazi-eda mwemo Yehova munapangela liye vyongo na athu ochimwa anayo kalapile. Kaonani vyevyo olemba Baibulo amo-iwa kaongileathu vyokuza Yehova. Davide aongile ira liye “ngwapama” moi “ngokozeya kululuka.” (Sal. 86:5) Mika alembile ira: “Kodi vikala Mulungu m’moi ofwanafwana na nyo, unoyo unakululuka vyolakwa na machimo?” (Mika 7:18) Moi Yesaya aongile ira: “Muthu otakala a-iye ndila dae teto ovoreya afwae a-iye maganizwae. Liye awelele wa Yehova moi unoza amupangele chifundo. Awelele wa Mulungwi-u, chifukwa unoza amukululukele na murima wetene.” — Yes. 55:7.
13. Chifukwa n’ni wali ofuneya muweli-eda mupingo muthu unoyo alapile? (Onani bokosi loi, “ Kodi ti Alini Vevo Muthu Wau Korinto Aweli-ediwe Liye?”)
13 Ira athu amupingo wau Korinto kamusazi-ede Yehova kafuneya wachela muthu ochimwa unoyo ulapile koma teto musimikizela ira kanomuomeliwana. Vo-arela malangizo a Paulo oyi kamuwachele muthu olapoyo, pingo ootonyi-eda ira ‘wali ovwela va vyongo vyetene.’ (2 Akor. 2:9) Ngakale ira vali vangakede vira thawi yoyeva kumela vevo achosiwe liye, muthuyo oolapa. Eno kavali chifukwa yochedwela muweli-eda mupingo.
NISAZI-EDENGA CHILUNGAMO NA CHIFUNDO YA YEHOVA
14-15. Kodi ninafunjedavo n’ni va vyevyo vyaireile upingo wau Korinto? (2 Petulo 3:9) (Onani teto ithuzithuzi.)
14 Khani ineyo yaireile upingo wau Korintwela yalembiwe ira ‘inilangize.’ (Arom. 15:4) Khani inela inatonyi-eda ira Yehova kanalekelela machimo alukulu vaari va athwae. Liye kanaona ira athu ochimwa anayo katinalapa kanafuneya pangeliwa chifundo ira kapitilizengave kala mupingo limo-i na atumikae ororomeleya. Yehova ngwachifundo koma kanalekelela moi makundwae katinachenja. (Yuda 4) Moi lekelela muthu oolapa kinakale chifundo chifukwa vinokoza sokoneza athu etene mupingo. — Miya. 13:20; 1 Akor. 15:33.
15 Ngakale vili eno, ninoiziwa ira Yehova kanafuna ira uliwetene aze aonongiwe. Liye unofuna vulumucha athu ngati vinawandeye. Unotonyi-eda chifundo wa athu anayo kalapile moi unofuna ira kakale teto nawili vausamwali na liye. (Ezek. 33:11; welengani 2 Petulo 3:9.) Eno vevo muthu wau Korinto alapile liye no-iya ndilae yotakala, Yehova oomu-indi-eda chito Paulo vowandela pingoyo ira umukululukele nomuwachela teto mupingo.
Pingo unosazi-eda chikondi na chifundo ya Yehova vowachela athu anayo kaweli-ediwe (Onani ndima 14-15)
16. Kodi munavwa avi mwaganizela mwemo khani yau Korinto mwaendeleathu?
16 Kambilana vyevyo vyaireile upingo wau Korinto unikami-a ona ira Yehova ngwachikondi koma teto wachilungamo. (Sal. 33:5) Iziwa vyevi unonipangi-a ira nimutamandenga vinjinji. Voi etene nili athu ochimwa ninofuneya ira anikululukelenga. Ninafuneya muyamikela Yehova chifukwa yopeleka dipo lelo linapangi-a ira anikululukelenga. Pivyolimbikisa vinjinji iziwa ira Yehova unowaomeliwana athwae moi unowafunela vyapama.
17. Kodi ninaza nikambilana n’ni mukhani yo-arela?
17 Kodi muthu apanga chimo lilukulu malambwano, andimuwa kanasazi-ede avi isazo ya Yehova nomukami-a ira alape? Kodi pingo unafuneya panga n’ni ngati andimuwa kaganizile vyomuchosa kapena muweli-eda muthu? Vyofuka vyevi vinoza visomediwe mukhani yo-arela.
NYIMBO 109 Tizikondana Kwambiri Kuchokera Mumtima
