NYIMBO dali dofuneya vinjinji vaikalelo ya Aizaraeli. Baibulo linotonyi-eda ira nyimbo dimo-idiwa daimbiwa na vida koma nyimbo dimo-i daimbiwa na mawu oka ookaana vida. Ndipo mbali imo-iwa ya Malemba monga buku la Masalimo, Nyimbo ya Solomo koma teto Malilo, ti nyimbo. Buku la Music in Biblical Life laongile ira Baibulo linotonyi-eda ira “wan’le athu kooimba nyimbo va vyoireya vyo-iyana-iyana.”

Aliwa kooimba nyimbo va vyoireya vyo-iyana-iyana. Aizaraeli kooimba nyimbo votonyi-eda mwemo kavwelaathu. (Yes. 30:29) A-iyana koo-indi-eda chito maseche voimba mosangalala koma teto ina vamwambo osakula mwene, va vikondwelelo koma teto ngati kawinile kondo. (Owel. 11:34; 1 Sam. 18:6, 7; 1 Mam. 1:39, 40) Aizaraeli kooimba teto nyimbo dokuza murima vinjinji vathawi ya malilo. (2 Lim. 35:25) Vinaoneya “ira Aizaraeli kali athu oomeliwa vinjinji nyimbo” malinga na vyevyo buku la McClintock and Strong’s Cyclopedia laongileathu.

Aliwa kooimba nyimbo munyumba ya mwene. Mamwene a Aizaraeli koosangalala vinjinji na nyimbo. Mwaisazo, Mwene Sauli oomuitanela Davide waniwa ira adowe aimbenga nyimbo. (1 Sam. 16:18, 23) Ndipo Davide angakalile mwene oopanga vipangizo vyoimbela, oopeka nyimbo dapama koma teto oopanga vyoi vakale gulu loimba nyimbo va kachisi wa Yehova. (2 Lim. 7:6; Amo. 6:5) Mwene Solomo naliyene ookaana oimba aalombwana na aa-iyana.— Nam. 2:8.

Aliwa kooimba volambela. Yofuneya vinjinji choi Aizaraeli kooimba nyimbo volambela Yehova. Mwaisazo, va kachisi wu Yerusalemu vookala oimba 4 000. (1 Lim. 23:5) Aliwa kooimba vo-indi-eda chito vyoimbela vya migo-i, azeze, malipenga na vida vimo-i vyoimbela. (2 Lim. 5:12) Koma vagulu la athu etene anayo kaimba volambela Yehova kai etene anayo kaimba mwaluso vinjinji. Vinaoneya ira Aizaraeli anjinji kaimba nyimbo kadowanga uvikondwelelo wu Yerusalemu. (Sal. 120-134) Ndipo vyolemba vya Ayuda vinatonyi-eda ira Aizaraeli kooimba nyimbo dokala na mawu oyi Tamandani Ya, a vamwambo wa Pasika.

Nyimbo tidofuneyave wa athu a Mulungu malambwano. (Yak. 5:13) Naimbanga nyimbo ninakala nipanganga mbali yolambela wi-u. (Aife. 5:19) Ndipo nyimbo dinonitandiza ira nigwilizanenga na Akiristu afwi-u. (Akol. 3:16) Dinonilimbikisa teto nagumananga na mavuto. (Vyo. 16:25) Nyimbo dinonitandiza vinjinji ira nitonyi-ede vyoi ninororomela Yehova koma teto ninomukonda.