MAKUNDO OTANDIZA VOFUNJEDA

Mukalenga Okozeya Funjeda Vyongo Visha

Mwakozeelanga funjeda munokoza vifukanga ira, ‘Kodi ndinaembekezela funjeda n’ni?’ Ngakhale ira munokoza iziwa vyevyo munafunjede nyo, muumbuwelenga ira vanokoza kala teto vyongo visha vyevyo Yehova unaufunji-eni liye. Ndiye kodi munapange n’ni ira mukalenga okozeya funjeda vyongo visha?

Muvepenga zelu. Muvepenga Yehova ira autandizeni vwechecha vyevyo unafuna liye ira mufunjede vathawi ila. (Yak. 1:5) Kamukedenga kutila na vyevyo munaiziwanyo wan’le.— Miya. 3:5, 6.

Muumbuwelenga ira Baibulo likaana kopolo. “Mawu a Mulungu mba moyo.” (Aheb. 4:12) “Mawu” a Mulungu a moyo kanokoza nitandiza mundila do-iyana-iyana thawi iliyetene ineyo ninawelenga iyo. Koma vi vinokoza andeya ngati nili okozeya funjeda vyongo visha va vyevyo niwelengile iyo.

Muyamikelenga vilivyetene vyevyo Yehova unaufunji-ani liye. Yodja yauzimu ili ngati “phwando la vyodja vyapama vinjinji.” (Yes. 25:6) Eno mupewenga sala “vyodja” vyevyo munaonanyo ira kavinausangalasani. Panga vyevi unoza uutandizeni ira mukale muthu wapama koma teto musangalalenga vinjinji mwafunjedanga.