Twagha ukuti abantu bo bali kale ni vipanga bakuhoboka pakwangala nabo ivya Bayibolo. Tukumanya ukuti abantu babuke pakusubila vyo bakulonda. Tutakupatikizya umuntu ukukonka vyo tukusubila.

Pala tukunena ivya chipanga, tukukonka vyo Bayibolo likunena, tukunenezannya “mubololo, sona na mumuchizi.” (1 Pitala 3.15) Tukusubila ukuti bamo bangakana vyo tukumanyisya. (Matayi 10.14) Loli tutakumanyila zila mo abantu bangamulila, tukumanya pala twanenezannya nabo. Tukumanya sona ukuti ivintu vikusinta.

Umuntu angatangwanika akabalilo kamo, loli isiku limo angangala nuswe ivya mu Bayibolo. Akabalilo kamo abantu bangakomana ni ntamyo. Pa chifukwa ichi bangalonda ukumanya vyo Ibayibolo likunena. Cho chifukwa tukupululizya ukunenezannya na bantu.