Bo bakoziwa nu kuba Bakaboni ba Yehova loli bakaleka ukulumbilila pamo ukwendezannya na Bakilisitu abamwabo, tutakubakana. Tukuyezya ukubaghomya ukuti bande sona.

Te wesi yo angananga ivikulu, tungamufumya. Loli, pala akubukilila ukunanga, sona atakupela tukumufumya mu chipanga. Tukuleka ukwangala nawe. Ibayibolo likuti: “Mumwefyemo mumwinyu umuntu umubibi.”—1 Abakolinti 5.13.

Vikuba buli pala umwanavuli bamufumyamo mu chipanga, loli umukazi na bana bachili Bakaboni ba Yehova? Ivyabuzimu batakubombela poka ni mbumba, loli ubukamu ubwakumubili bukwendelela. Isendwa nu bukamu ubwakumubili vikubukilila.

Yo bamufumizye mu chipanga mwabuke pakwiza ku nkomano zyitu. Pala akulonda, angapokela ubulongozyi ku basongo ba chipanga. Tukubomba bunubu pa chifukwa ichakuti tukulonda ukumwavwa umuntu ukuti anyokele mu chipanga. Abantu bo bakabafumya mu chipanga, loli bapela sona bakulonda ukukonka vyo Ibayibolo likunena, babuke ukunyokela sona mu chipanga.