Eee. Tukusubila mwa Yesu, yo akati: “Ane ne zila, ne ubwanaloli, sona ne bumi. Nayumo umuntu yuyo akubuka kwa Tata ukusita ukwendela mumwane.” (Yohani 14.6) Tukusubila ukuti u Yesu akiza mu chisu ichapasi ukuti atufwile nu kutupoka. (Matayi 20.28) Ubufwe nu kuzyuka kwache vikubapa ulusako bo bali nulusubilo ukuti bize baghe ubumi ubwa bwila na bwila. (Yohani 3.16) Tukusubila sona ukuti u Yesu akulaghila kumwanya ngati we Mwene mu Bumwene bwa Chala. Ubumwene ubu bo bukwiza nu mutende pa chisu ichapasi. (Ubuvumbuli 11.15) Loli tukusubila vyo u Yesu akanena ukuti u Tata wache ‘wapamwanya nkani ukumuchila.’ (Yohani 14.28) Pa chifukwa ichi, tutakumwiputa u Yesu, papo tutakusubila ukuti we Chala Uwamaka ghosi.