UMUTU 01

Nkimba Ibayibolo Lingabavwa Buli-Buli Ukuti Mube nu Bumi Ubwiza?

LIZYA

Abantu abinji bakuba na malalusyo gho bakwilalusya pa nkani iya bumi, ukutamiwa, imfwa sona na vyo inti vibombiwe muntazi. Tukupasya sona mo tungaghila ivyakulondiwa pa bumi ubwisiku ni siku namo tungabela bakuhoboka mu mbumba. Abantu abinji bagha ukuti Ibayibolo lili na maansala agha malalusyo gho bakwilalusya sona lili nu bulongozi bo bukubavwa mo bangikalila akiza. Nkimba numwe mukwinong’ona ukuti Ibayibolo lingabavwa?

1. Nkimba malalusyo buli ghamo gho Ibayibolo likwamula?

Amalalusyo ghamo gho Ibayibolo likwamula gho agha: Nkimba ubumi bukanda buli-buli? Choni cho tuli nu bumi? Choni cho abantu abiza bakutamiwa? Choni cho chikubombiwa nanti umuntu afwa? Pala umuntu aliwesi akulonda umutende, choni cho inkondo zikubombiwa? Choni cho chikwiza pakubombiwa pachisu ichapasi muntazi? Ibayibolo likutulimbikisya ukuti twaghe amaansala agha malalusyo agha. Abantu abinji bakuhoboka na maansala gho bakughagha mu Bayibolo.

2. Nkimba Ibayibolo lingatwavwa buli-buli ukuti tube bakuhoboka nu bumi ubwisiku ni siku?

Ibayibolo likutupa ubulongozi ubwiza, likumanyisya mo imbumba zingabela zyakuhoboka. Likutwavwa mo tungabombela pala twatamiwa inyinong’ono sona mo tungabombela ukuti tuhobokaghe ni mbombo yitu. Inti tumanyile vyo Ibayibolo likumanyisya pa nkani izi sona ni nkani izyamwabo. Inti mumanye ukuti ‘amasimbo ghosi [vyosi vyo vili mu Bayibolo] . . . ghakwavwa.’—2 Timoti 3.16.

Ibuku ili litakwingila mumalo gha Bayibolo loli likubavwa ukuti mulimanye akiza Ibayibolo. Tukubalimbikisya ukuti mubelengaghe amasimbo gho ghakwayiwa mumitu iyi sona mwennyanje ukukolelana ko kulipo pa vyo mukumanyila.

MANYA IVYINJI

Mumanye mo Ibayibolo lyabavwizya abantu, mo mungabela bakuhoboka pala mukulibelenga sona nu bwiza ubwakwagha ubutuli ukuti mulivwisye.

3. Ibayibolo lingatulongozya

Ibayibolo lili ngati we tochi yo akwaka ukufika pabutali. Ibayibolo lingatwavwa ukuti tusalaghe akiza ivintu sona likutwavwa ukuti tumanye vyo vikwiza pakubombiwa muntazi.

Belenga Salimo 119.105, nu kwamula amalalusyo agha:

Nkimba yo akasimbagha Isalimo ili, akalyennyanga buli-buli Ibayibolo?
Nkimba umwe mukulyennya buli-buli Ibayibolo?

4. Ibayibolo likwamula amalalusyo gho tuli nagho

Umukolo yumo akennya ukuti Ibayibolo lyamula amalalusyo gho ghakamutamyanga akabalilo akatali. Enelezya IVIDIYO, nu kwamula amalalusyo agha.

IVIDIYO: Bukilila Ukuba nu Lusubilo! (1:48)

Ukuyana na vyo mwennya mu vidiyo iyi, ka umukolo uyu akalondagha ukuti amanye uansala uwa lilalusyo buli?
Ka ukumanyila Ibayibolo kukamwavwa buli-buli?

Ibayibolo likutulimbikisya ukuti tulalusyange amalalusyo. Belenga Matayi 7.7, nu kwamula ilalusyo ili:

Nkimba malalusyo buli gho muli nagho gho Ibayibolo lingamula?

5.Mungahoboka pala mukubelenga Ibayibolo

Abantu abinji bakuhoboka pala bakubelenga Ibayibolo sona bakupindula nalyo. Enelezya IVIDIYO, nu kwamula amalalusyo agha:

IVIDIYO: Ukubelenga Ibayibolo (2:05)

Ukuyana na vyo mwennya mu vidiyo, ka abachinyamata bakuyennya buli inkani iyakubelenga-belenga ?
Nangabuli ivyakubelenga-belenga batavighanite, choni cho bighanite ukubelenga Ibayibolo?

Mu Bayibolo muli ubulongozi bo bungatwavwa sona nu kutupa ulusubilo. Belenga Aba Loma 15.4, nu kwamula ilalusyo ili:

Ka vyo Ibayibolo lilayizizye ivyakukwafyannya nu kusangalusya sona nu lusubilo vikubahobosya?

6.Mungalaba ubutuli ukuti mulivwisye Ibayibolo

Ukongelezya pa kubelenga Ibayibolo pabene, bamo bagha ukuti ukumanyila Ibayibolo umwakunenezyannya na banji kwakwavwa. Belenga Imbombo 8.26-31, nu kwamula ilalusyo ili:

Ka mungalivwisya buli-buli Ibayibolo?—ennya ivesi 30 nu 31.

Umwanavuli uwa ku Itiyopiya akalaba ubutuli ukuti ivwisye Amasimbo. Abantu abinji bakwennya ukuti izila iyakunenezyannya pakumanyila Ibayibolo yoyo yikwavwa

VYO BAMO BAKUNENA: “Ukubelenga Ibayibolo kutaghisya ko kabalilo.”