UMUTU 02
Ibayibolo Likutulayizya Muntazi Umwiza
Abantu abinji bakulimbana ni ntamyo zyo zikubapangisya ukuti babanje bachitima, batamiwanje inyinong’ono sona bivwanje ivyakubaba. Ka numwe mukomanitepo ni ntamyo zyo zikabapangisya ukuti muyivwanje bunubu? Lumo mukutamiwa ichifukwa cha mbina pamo ichifukwa chakuti umukamu winyu yo mwamughanite nkani afuye. Lumo mungilalusya ukuti, ‘Ka ivintu vilibapo lumo akiza?’ Ibayibolo likwamula ilalusyo ili.
1. Nkimba Ibayibolo likutupa buli-buli ulusubilo?
Ibayibolo likutubuzya ichifukwa cho pachisu pali intamyo sona likutubuzya ukuti u Chala inti amazye intamyo zyosi lunulu. Vyo Ibayibolo lilayizizye vikutupa ‘muntazi umwiza nu lusubilo.’ (Belenga Yeremiya 29.11, 12.) Vyo Ibayibolo litulayizizye vikutwavwa ukuti tube swebakujimba mu ntamyo zyo tukukomana nazyo sona tungaba swe bakuhoboka akabalilo kano sona na muntazi.
2. Nkimba Ibayibolo likuti ivintu vikwiza ukuba buli-buli muntazi?
Ibayibolo likuti muntazi ‘mutaliba ubufwe, ivitima pamo ukulila pamo ububavu.’ (Belenga Ubuvumbuli 21.4.) Intamyo zyo zikupangisya ukuti abantu batamiwanje amasiku agha, ubupina, ukusita ubwanaloli, imbina, sona imfwa vitalibako sona. Ibayibolo likulayizya ukuti abantu bakwiza pakuhoboka nu bumi kwa bwila na bwila mu Paladayiso pachisu ichapasi.
3. Ka tungasubalila buli-buli ukuti vyo Ibayibolo lilayizizye vikwiza ukubombiwa naloli?
Abantu bakulonda ukuti ivintu ivyiza vyovyo vibombiwanje, loli bakukayikila nanti ivintu ivyiza ivi vingiza vibombiwe. Loli vyo Ibayibolo likutulayizya vikubombiwa. Tungaba nu lusubilo pa vyo Ibayibolo likunena “pala tukumanyila amasimbo.” (Imbombo 17.11) Pala tukumanyila Ibayibolo vili kwa uswe ukusubila vyo Ibayibolo likunena ivyakukwafyannya na muntazi.
MANYA IVYINJI
Manya ivintu vimo vyo Ibayibolo lilayizizye vyo vikwiza pakubombiwa muntazi. Ennya mo Ibayibolo lyabatulila abantu amasiku ghano ukuti babe nu lusubilo.
4. Ibayibolo likutulayizya ubumi ubwa bwila na bwila bo bute intamyo
Ennya ivintu vimo vyo Ibayibolo litulayizizye. Ka lilayizyo buli lyo umwe mwalighana nkani? Choni cho umwe mukwennya ukuti lyakulondiwa?
Belenga amasimbo gho ghali kuntazi kwa layizyo lililyosi nu kwamula amalalusyo agha:
-
Ka amasimbo agha ghangabavwa ukuti mube nu lusubilo? Ka mukwennya ukuti amasimbo agha ghangabavwa aba mumbumba sona na bamanyani binyu?
Mube ngati muli muchisu cho
|
NAYUMO UMUNTU YO. . . |
ALIWESI AKUHOBOKA. . . |
|---|---|
|
|
|
|
|
|
|
|
|
|
5. Vyo Ibayibolo likutulayizya vyabwanaloli
Abantu abinji bakukalala ichifukwa cha ntamyo zyo bakukomana nazyo. Bamo bakuyezya-yezya ukuti basinte ivintu ukuti vyendaghe akiza. Ennya vyo Ibayibolo lilayizizye ukuti ivintu vikwiza ukuba akiza mo vyabatulila abantu amasiku ghano. Enelezya IVIDIYO, nu kwamula amalalusyo agha.
-
Ukuyana navyo mwennya mu vidiyo, ka vintu buli vyo vikabombiwanga vyo vikamukalalizya u Rafika?
-
Ka Ibayibolo likamwavwa buli-buli u Rafika nangabuli ivintu vyo vikabombiwanga vitakamala?
Pala tukusubila vyo Ibayibolo litulayizizye, vikutwavwa ukuti tujimbe ku ntamyo sona tube swe bakuhoboka. Belenga Isya Mbupingamu 17.22 nu Aba Loma 12.12, nu kwamula ilalusyo ili:
-
Ka vyo Ibayibolo likunena ivyamuntazi vingasinta ubumi bwinyu pakabalilo kano? Chifukwa buli?
VYO BAMO BAKUNENA: “Vyo Ibayibolo likulayizya vyiza hee, loli vitangabombiwa.”
-
Choni cho ukumanya ubwanaloli ubwa nkani iyi kwakulondiwa?
IFUNDO IZYAKUDUMULA
Ibayibolo litulayizizye ivintu ivyinji sana ivyakuhobosya ivyamuntazi. Ivi vikutupa ulusubilo sona vikupangisya ukuti tube nu bumi ubwiza akabalilo kano.
Ukunyokelamo
-
Choni cho abantu bakulondiwa ukumanya vyo u Chala alayizizye?
-
Nkimba Ibayibolo likunena ichoni ivyamuntazi?
-
Ka pala tungasubila vyo vikwiza ukubombiwa muntazi vingatwavwa buli-buli?
IFUNDO IZYAKONGELEZYAPO
Manya mo ulusubilo lungabatulila pala mwakomana ni ntamyo.
“Kasi Chigomezgo Chingatovwira Wuli?”, Chifukwa Wuli Tikwenera Kuŵa na Chigomezgo?, Namwe Mungaleka Kwenjerwa, Kasi Chigomezgo Chanadi Mungachisanga Nkhu? (Wukani!, April 22, 2004)
Ennya mo ulusubilo lungabatulila abantu bo bali nimbina zyo zitakupola.
“Nkimba Ibayibolo Lingabavwa Pala Mukubina Imbina yo Yitakupola?” (Inkani iya pa intaneti)
Nanti mukwenelezya ividiyo iyi, umwe ni mbumba yinu mube ngati muli mu Paladayiso mukuhoboka navyo Ibayibolo lilayizizye.
Belenga inkani iya muntu yo akalonda ukusinta ivintu muchisu mo akasintila lyo amanyila vyo Ibayibolo lilayizizye.
