ICHIMANYILO 18
Inkani Yinyu Yibavwe Abantu Ukuti Bamanyilepo
1 Aba Kolinti 9.19-23
IFUNDO INKULU: Mubavwe abantu ukuti binong’onelepo inkani yo mukunena nu kwennya vyo bangamanyilapo.
MO MUNGABOMBELA:
-
Mumanye ivintu vyo abantu bavimenye kale. Mumalo mwakupyanizya bulo ivintu vyo abantu bavimenye kale, mubavwe ukuti binong’onele ivintu ivyo muzila impya.
-
Mufufuze nu kwinog’onelapo. Nanti mungakwanisya, mubombezye ivintu vyo abantu batavimenye nkani pamo inkani zyo zyabombiwa mwalunulu pakulongosola ifundo izikulu. Mwinong’onelepo mo ifundo yiliyosi yo mukulonda ukunena yikukolelana ni nkani yinyu yosi.
-
Mulangizye ukulondiwa ukwa butenga bo buli mu nkani yinyu. Mulongosole mo ifundo izya mu Masimbo zingabatulila abantu pa bumi bwabo. Munene ivintu ivyakulondiwa vyo vingabavwa abantu, ngati vyo vikubombiwa, mo abantu bakwennyezya ivintu sona mo bakubombela.
